اوبترا 2010 او النترا 2010 انا محتار

**arakysolom** · 03-03-2011 10:47 AM

السلام عليكم
الزملاء الاعزاء
انا في حيرة من امري ولذا قلت افضل شئ استشير حضراتكم ثم استخير الله عز وجل
انا املك عربية اوبترا مانيوال 2010 وهي مش تعباني حقيقة في اي حاجة وخاصة انها اثبتت كفأة في الثبات علي سرعات عالية وانا بفضل الله جبت بيها 190 كم غير ان صاجها ضعيف جدا و بدا منظرها ميبقاش حلو من شكل النقر اللي في الكبوت و الجوانب وهي بسبب اما زلطة وقعت فوق الكبوت او فتح باب سيارة اخري جنب العربية وهي واقفة و الموضوع ده مضايقني جدا لأن العربية زيرو و في وقت قصير اتبهدلت جزئيا وانا بحب العربية تفضل جديده لأني بفضل الله بحافظ عليها والحاجات دي بتيجي و العربية مركونة .
معلش طولت عليكم
اجي للسؤال المهم انا واحد صاحبي معاه النترا 2010 اوتوماتيك اول فئه بيبعها لظروف سفر وحاسس انها فرصة للأرتقاء الي الاوتوماتيك لكن متردد من التغيير وخاصة اني قعدت فترة طويلة لغاية متأقلمت مع عربيتي
هل هذا التغيير حيكون افضل ؟
ارجو عرض الاراء تفصيلية من حيث الآتي :
فنيا ايهما افضل
قوة التحمل و الاعتمادية
ضعف الصاج و العفشة
الثبات علي السرعات لأني بحب السرعة جدا
خدمة التوكيل و اسعار قطع الغيار
مصاريف التشغيل (الصيانات الدورية واسعار الزيوت و السيور وخلافه )
استهلاك البنزين
سعر اعادة البيع
نقاط اختلاف اخري ان وجد
متشكر لحضراتكم مسبقا علي الرد

**al_manara** · 04-03-2011 07:16 PM

عندي بعض الاجابات
ضعف الصاج و العفشة : صاج الالنترا افضل (طبعا اغلب العربيات الجديدة صاجها ورق ) . والعفشة انعم في الالنترا لاكن ايهم افضل لا اعلم
استهلاك البنزين : الالنترا افضل
سعر اعادة البيع : الالنترا افضل

(الثبات علي السرعات لأني بحب السرعة جدا) (بلاش الله يكرمك لان اخرتها مش كويسة ) (وربنا يحفظ الجميع )

موفق

**modisallam** · 05-03-2011 12:57 PM

انا برده معجبتنيش الأوبترا علشان الصاج وعلشان الأوتوماتيك بتاعها مش قد كده (ده من وجهه نظرى)

بس برده الإلنترا متعتبرش نقلة كبيرة , يعنى لو عايز تغيير هاتلك حتة لانسر بومة تكسبهم كلهم

**Dawns_Mist** · 05-03-2011 08:15 PM

المشاركة الأصلية كتبت بواسطة modisallam

انا برده معجبتنيش الأوبترا علشان الصاج وعلشان الأوتوماتيك بتاعها مش قد كده (ده من وجهه نظرى)

بس برده الإلنترا متعتبرش نقلة كبيرة , يعنى لو عايز تغيير هاتلك حتة لانسر بومة تكسبهم كلهم

كلامك منطقي و معقول جدا ... كان نفسي أقوله الكلمتين دول بالظبط بس انت جبت من الآخر .. أنا سوقت كل كل الكوري اللي في مصر من أقل حاجة لأعلى حاجة .. عفوا .. كلهم ولا ينفعوا بتعريفة مقابل أي حاجة ياباني من نفس الفئة.

**arakysolom** · 06-03-2011 11:53 AM

المشاركة الأصلية كتبت بواسطة modisallam

انا برده معجبتنيش الأوبترا علشان الصاج وعلشان الأوتوماتيك بتاعها مش قد كده (ده من وجهه نظرى)

بس برده الإلنترا متعتبرش نقلة كبيرة , يعنى لو عايز تغيير هاتلك حتة لانسر بومة تكسبهم كلهم

متشكر جدا علي رد حضرتك وعندك حق بس انا حاسس انها فرصة لأن العربية مضمونة و لرغبتي في النقل للأوتوماتيك

**bero0o0o0** · 06-03-2011 03:59 PM

المشاركة الأصلية كتبت بواسطة modisallam

انا برده معجبتنيش الأوبترا علشان الصاج وعلشان الأوتوماتيك بتاعها مش قد كده (ده من وجهه نظرى)

بس برده الإلنترا متعتبرش نقلة كبيرة , يعنى لو عايز تغيير هاتلك حتة لانسر بومة تكسبهم كلهم

انا رأيي من زمان ان اللنسر احسن من الاتنين فعلا
بس الالنترا الاوتوماتيك بالنسباله برده هايحس بفرق مابينها و بين الاوبترا
في الشكل و الموتور و راحة الاوتوماتيك
اتكل على الله يا باشا و خدها

**ahmedaglan** · 07-03-2011 05:03 PM

المشاركة الأصلية كتبت بواسطة arakysolom

السلام عليكم
الزملاء الاعزاء
انا في حيرة من امري ولذا قلت افضل شئ استشير حضراتكم ثم استخير الله عز وجل
انا املك عربية اوبترا مانيوال 2010 وهي مش تعباني حقيقة في اي حاجة وخاصة انها اثبتت كفأة في الثبات علي سرعات عالية وانا بفضل الله جبت بيها 190 كم غير ان صاجها ضعيف جدا و بدا منظرها ميبقاش حلو من شكل النقر اللي في الكبوت و الجوانب وهي بسبب اما زلطة وقعت فوق الكبوت او فتح باب سيارة اخري جنب العربية وهي واقفة و الموضوع ده مضايقني جدا لأن العربية زيرو و في وقت قصير اتبهدلت جزئيا وانا بحب العربية تفضل جديده لأني بفضل الله بحافظ عليها والحاجات دي بتيجي و العربية مركونة .
معلش طولت عليكم
اجي للسؤال المهم انا واحد صاحبي معاه النترا 2010 اوتوماتيك اول فئه بيبعها لظروف سفر وحاسس انها فرصة للأرتقاء الي الاوتوماتيك لكن متردد من التغيير وخاصة اني قعدت فترة طويلة لغاية متأقلمت مع عربيتي
هل هذا التغيير حيكون افضل ؟
ارجو عرض الاراء تفصيلية من حيث الآتي :
فنيا ايهما افضل
قوة التحمل و الاعتمادية
ضعف الصاج و العفشة
الثبات علي السرعات لأني بحب السرعة جدا
خدمة التوكيل و اسعار قطع الغيار
مصاريف التشغيل (الصيانات الدورية واسعار الزيوت و السيور وخلافه )
استهلاك البنزين
سعر اعادة البيع
نقاط اختلاف اخري ان وجد
متشكر لحضراتكم مسبقا علي الرد

ياباشا انت معاك عربية زى الفل وحضرتك اعدها معاك شوية وكمان تكون استمتعت بفلوسها وسنة ولا حاجة وربنا يكرمك وتغيرها
اما عن الانترا منصحكش بيها خالص انا سفرت اسكندرية بيها الشهر الي فات وكنت مرعوب وكنت جايب 180 ورجعت ف كلامى وخلتني علي 100ك
اولا الباور كهرباء
ثانيا العربية بتعوم علي السرعات العالية وغير مؤمنة بالمرة
ودة راي مع احترامى لكل الي يملكو العربية دى
ونصيحة منى لاحضرتك لما حضرتك تغير متفكرش تركب كوري تانى
وبالتوفيق ياباشا في الاختيار السليم

**Dawns_Mist** · 08-03-2011 07:40 PM

المشاركة الأصلية كتبت بواسطة ahmedaglan

ياباشا انت معاك عربية زى الفل وحضرتك اعدها معاك شوية وكمان تكون استمتعت بفلوسها وسنة ولا حاجة وربنا يكرمك وتغيرها
اما عن الانترا منصحكش بيها خالص انا سفرت اسكندرية بيها الشهر الي فات وكنت مرعوب وكنت جايب 180 ورجعت ف كلامى وخلتني علي 100ك
اولا الباور كهرباء
ثانيا العربية بتعوم علي السرعات العالية وغير مؤمنة بالمرة
ودة راي مع احترامى لكل الي يملكو العربية دى
ونصيحة منى لاحضرتك لما حضرتك تغير متفكرش تركب كوري تانى
وبالتوفيق ياباشا في الاختيار السليم

والله انت راجل محترم ... و عايز أجمد صقفه على كلمه ( ماتفكرش تركب كوري تاني ) بجد ولا عربية كوري في السوق كله من أول العربيات اللي بتلاته تعريفه لحد اللي بنص مليون كوري ولا واحده فيهم دخلت دماغي .