1.6 اوتو للانوس

**ENG\AHMED** · 07-03-2011 07:45 PM

هل ال 1.6 بتاع النوبيرا هو نفس بتاع اللانوس ولا موتور اللانوس ال 1.6 مختلف ونفس الكلام للفتيس الاوتو , ولو فى اختلاف اية الفروق اللى بينهم وهل متوفر لية قطع غيار

لو هحول لانوس من 1.5 الى 1.6 (16v) اوتوماتيك تتكلف كام ؟

وطبعا تغيير الموتور هيحتاج تغيير الفرامل فياريت تكلفة تعديل الفرامل كمان

**moko_2004** · 07-03-2011 09:55 PM

الي اعرفة انة هناك فرق ما بين الموتورين
مواتير النوبيرا كالتالي
1500 اتنين كامة 16 صباب 110 حصان عند 6200 لفة في الدقيقة
1600 اتنين كامة 16 صباب 106 حصان عند 5400 لفة في الدقيقة
1800 كامة واحدة 120 حصان
1800 اتنين كامة 125 حصان
2000كامة واحدة 129 حصان
2000 اتنين كامة 135 حصان
2200 اتنين كامة 139 حصان
من اول 1800 اتنين كامة هي هي مواتير الليجانزا

اللانوس 1500 كامة واحد 85 حصان
1600 كامة واحدة 90 حصان
1500 اتنين كامة 110 حصان

كل المواتير دي تنفع تركب في اللانوس ولكن اي حاجة اعلي من 1600 اتنين كامة هتحتاج شدادت في الشاسية و هتحتاج فرامل اكبر
لمعرفة تعديلات الفرامل و تكلفتها في موضوع مشهور جدا هنا في الموقع ابحث عنة وفية شرح بالصور و التكاليف و عناوين الناس

الفتيسات تقريبا كلها واحد مع بعض اختلافات بسيطة في طول الوير بين مواتير الليجنزا و المواتير الأصغر
اما بالنسبة للفتيس الكهرباء الأوروبي واحد في كل الموديلات
وفي انتظار ردود الأعضاء ان شاء الله هما عندهم خبرة و ممكن يفيدوك اكتر
هذا و الله اعلم
و عذرا لو فية اي اخطاء بسيطة او فروق في قيم الحصنة للمواتير

**ehabomar1987** · 08-03-2011 04:44 AM

هل ال 1.6 بتاع النوبيرا هو نفس بتاع اللانوس ولا موتور اللانوس ال 1.6 مختلف ونفس الكلام للفتيس الاوتو , ولو فى اختلاف اية الفروق اللى بينهم وهل متوفر لية قطع غيار

لو هحول لانوس من 1.5 الى 1.6 (16v) اوتوماتيك تتكلف كام ؟

وطبعا تغيير الموتور هيحتاج تغيير الفرامل فياريت تكلفة تعديل الفرامل كمان

++++++++1

**MMamdouh** · 08-03-2011 11:26 AM

موتور النوبيرا ال1600 هو هو موتور اللانوس ال 1600 بس الفرق فى مكان قاعدة الموتور الامامية و طلمبة الباور.... لما تبدل مكانهم مع بعض تقدر تركب موتور النوبيرا فى اللانوس عادى خالص

الفتيس الاوتو مختلف بين العبيتين و للاسف معرفش هل يمكن تبديلهم ولا لا و ان كنت اعتقد انة لا يمكن البدل... و طبعا الفتيسات الاستيراد على قفا مين يشيل سواء لانوس او نوبيرا

المكنة ال 1600 تعمل حوالى 2500 جنية دا غير طبعا مصنعية التسقيط و المشتريات و خلافة

تعديل الفرامل الامامى بيدخل فى حوالى 1000 جنية... مع الاخذ فى الاعتبار انك حتحتاج جنط 14

MMamdouh

**MMamdouh** · 08-03-2011 04:23 PM

انت ادرى بمصاريف الاوبل... الدايو ملاليم زى ما انت عارف

بس السؤال ليه مكنة 1600؟؟... مينعش لانوس اوتو و خلاص؟؟

هو طبعا سهل نجيبلك مكنة 1600 و نركب عليها فتيس اللانوس الاوتو مع تعديل الفرامل بس السؤال ليه المصاريف الكتير دى؟؟

MMamdouh

**acounter012** · 08-03-2011 11:20 PM

المشاركة الأصلية كتبت بواسطة eng\ahmed

تصدق انى كاتب الموضوع ومستنى ردك لأنى عارف انك انت اللى هتجيب من الاخر :s_thum1[1]:

المشكلة انى بعمل تقريبا دراسة جدوى فى موضوع محير
عايز اجيب عربية واساسى تبقى اوتوماتيك علشان شوارعنا الظريفة
المشكلة ان استخدامى للعربية عالى وانا من النوع الموسوس فى العربية مبحبش اسيب فيها حاجة
فا اجيب عربية ميجان او استرا , رفاهية وشكل واداء بس فى المقابل مصاريف صيانة اعلى وبالذات لو حصل اعطال ولا اجيب جوليت مثلا او لانوس واسقط موتور 1.6 واتو وجنوط او نوبيرا اوتو وهتبقى ارخص وفى المقابل تطحن شغل وبهدلة وصيانة وقطع غيار ببلاش بس اداء ورفاهية اقل ... ؟؟

المشكلة ان فرق السعر هيبقى مش كبير خصوصا مع التعديل , اعتقد مش هيقل عن 5000 جنية ان مكنش اكتر علشان تبقى معمولة صح ولكن هل فرق الصيانات يستاهل التضحية ولا لأ , الله اعلم !!!

[justify]باشا انا معايا نوبيرا 1600 ولسة جايبها وبصراحة الحمد لله العربية حلوة وربنا يبارك لي فيها وانا راي انك تجيب نوبيرا 1600 بالمرة وتبعد عن التعديلات والكلام ده
اما بالنسية لفتيس النوبيرا ميركبش علي اللانوس لان فتيس اللانوس كبير جدا اما النوبيرا فالفتيس علي ما اعتقد صغير والدليل علي كده ان فتيس الانوس الاوتو بياخذ 12 كيلو زيت اما النوبير بياخذ 4 كيلو زيت تقريبا وطبعا كلام المهندس محمد ممدوح محدش يقدر يعترض علية بس حبيت اضيف ال انا اعرفة

[/justify]

**MMamdouh** · 09-03-2011 12:40 PM

المشاركة الأصلية كتبت بواسطة ENG\AHMED

الدايو ملاليم وسهلة فى الصيانة عكس الاوبل او الرينو وخصوصا لو من النوع الموسوس وبتدقق فى كل حاجة

موضوع ال 1.6 لأن الاوتو مع ال 1.5 بتاع اللانوس اعتقد هتبقى بطة

وبصراحة هيبقى فرق كبير بينها وبين الاسترا او الميجان وعلشان محسش بعد الفكترا انى نزلت لأقل يعنى نظام حاجة تسند حاجة

انا سوقت لانوس اوتو 1500 قبل كدة و طبعا حسيت بالفرق بينها و بين المانيوال بس مش عارف بالنسبة ليك حتعجبك ولا لا... هى بتجيب من صفر الى 100 فى 15 ثانية

عموما موضوع الاوتو مع المكنة ال 1600 مفيش فيه مشكلة ان شاء الله... لو نويت فعلا ممكن ابقى اكلم الميكانيكى و الكهربائى بتوعى و اتاكد منهم ان مفيش اى مشاكل فى القصة دى... و عموما انا نصيحتى انك تدور على لانوس اوتو و تغير الموتور فقط عشان تقلل حجم الشغل و المشتروات المطلوبة

MMamdouh

الموضوع: 1.6 اوتو للانوس

LinkBack

أدوات الموضوع

عرض

-

-

-

-

المواضيع المتشابهه

نيسان صنى 2004.1300 اوتو ولا شيفورليه اوبترا 2005.1600 اوتو

للى بيدور على الساجا اوتو فى عربية ساجا اوتو موجودة الان

ايه الفرق بين بيرسونا فول اوبشن اوتو و جبين جين2 اوتو

اختار الافضل من ياريس اوتو او صنى اوتو اواوبترا اوتو

والله محتار(صنى سوبر صالون اوتو)(لآنسر الشكل القديم 1600 اوتو)(اوبترا اوتو)(ياريس....

الكلمات الدلالية لهذا الموضوع

المفضلات

المفضلات

ضوابط المشاركة