الموضوع: والله محتار(صنى سوبر صالون اوتو)(لآنسر الشكل القديم 1600 اوتو)(اوبترا اوتو)(ياريس....

لو فعلا تهمك مسألة العائلية خرج الياريس من اعتباراتك لانها صغيرة شوية

الصنى واللانسر عربيات معقولة جدا واجمل ما فيهم ان محركاتهم معمرة جدا وجيربوكساتهم لا غبار عليها، تتميز الصنى بأن محركها اقوى من اللانسر وتتميز اللانسر باتساع مساحة الأقدام للكنبة الخلفية عن الصنى

الأوبترا تتميز بتكنولوجيا جنرال موتورز وشكل جميل وحديث، طبعا هى خليفة النوبيرا واللى كانت سيارة محترمة جدا، لكن النقطة الوحيدة المقلقة بشأنها ان النوبيرا، والتى حلت الأوبترا محلها، كان لها مشاكل عديدة مع الجيربوكس الاوتوماتيكى، حتى الآن لم نسمع شكوى من جير بوكس الأوبترا لكن يجب ملاحظة ان الاوبترا لاتزال جديدة نسبيا

لديك ايضا الإلانترا، وهى سيارةاكثر من محترمة، لكن يعيبها السدر البلاستيك وازدحام مراكز الخدمة

اعتقدا اننى سأميل للأختيار ما بين الصنى واللانسر

المشاركة الأصلية كتبت بواسطة حماده المصري

استاذ سبعاوي اعتقد حضرتك من الناس الي ليها خبره كبيره جدا في السيارات وده باين من مواضيع حضرتك

بس مراكز الخدمه المعتمده في منهم مش بيبقى زحمه زي كارتك

وكمان السدر الباستيك ملوش دعوه بالتقييم الحوادث وكده كده اي عربيه هتعمل حادثه كبيره السدر هيروح فيها بس الفرق ان البلاستيك بيتغيير اما الصاج بيستعدل واحيانا بيتجاب سدر جديد صاج
ومن ناحيه التصليح السدر البلاستيك هيكون افضل بكتير عشان في اعتقادي السدر الصاج له لحامات وكلام زي كده

انا رايي الانترا والسيراتو اجمد منهم بكتير في ناحيه كل حاجه وفي نظري الاوبترا لا مجال للمقارنه بينهم الا انها واسعه فقط انما هي في كل حاجه تعتبر قديمه كعفشه وموتور انما الجير الاوتو هو الي جديد ومش اد كده

ده وجهه نظر والاختلاف في الراي لا يفسد للود قضيه
انا كل همي ان حرام تدفع ملبغ 100 الف وبيكون في بدائل اخرى اكتر ثبات واحسن في العفشه والموتو كمان والنوبير القديمه هي حلوه بس كان فيها عيوب تجنن

طبعا وجهة نظر جديرة بالاحترام، وعلى فكرة انا معنديش اعتراضات نهائيا على اداء السيراتو او الالانترا، هم مبدأيا عربيات محترمة جدا، لكن انا دايما لما بشوف عربية لسة جديدة فى السوق باخد خبرتى عنها من معرفتى باداء الموديل القديم منها لحد ما الموديل الجديد يثبت نفسه

وبالتالى احنا لما نبص على عربيات هيونداى عموما هنلاقى ان الموديلات الأقدم منها محركاتها قصيرة العمر، صحيح انى لسة ماشفتش فيرنا ولا ماتريكس ولا حتى الانترا شكل 2003 مفوتة، لكنى مازلت محتاج سنتين كمان علشان اقدر اقول بقلب مطمئن ان محركات هيونداى اصبحت اطول عمرامن محركات الاكسنت التى اصبحت ارى العديد منها مفوت، اما بناسبة لحكاية السدر البلاستيك فليس ما يهمنى هو الحوادث الضخمة، لكنى بتكلم على خبطة بسيطة فى الشارع اتكسر فيها فانوس، فى العربيتا التقليدية ممكن طرف السرد يتعوج شوية ونستعدله بمطرقة بدون ادنى اثر باقى، لكن فى حالة السدر البلاستيك(شفتها بعينى فى عربية كيا ريو) السدر بتتكسر منه حتة وتبقى لتعيب السيارة الى الأبد ، او تغير السدر كله علشان حتة لا يتعدى حجمها عقلتين صباع، نفس فكرة الرفرف الصاج اللى لو اتخبط خبطة بسيطة يتعدل على البارد والرفرف البلاستيك اللى لو اتخبط خبطة بسيطة بيتغير كله ويترش

عربيات كيا لا غبار عليها نهائيا وسيارات محترمة جدا ، بس برضه هى لسة عائدة حديثا للسوق بعد فترة اختفاء نتيجة لصراع التوكيلات، ولسة التوكيل الجديد مثبتش نفسه، وبالتالى برضه قدامنا سنتين او تلاتة لحد ما نقول العربيات دى مستقبلهاايه، الى جانب ان السيارات السيفيا دايما كان لها مشاكل فى آلات الجر والباور ستيرنج، وبالتالى مقدرش اقول ان وريثتها السيراتو تخلو من هذة المشاكل لحد ما تعدى كام سنة تثبت فيها هذة السيارات انها تخلصت من هذة المشاكل

اما عربيات جنرال موتورز فانا بحترمها جدا من ايام اللانوس والنوبيرا، لأنها عربيات معمرة جدا ومحركاتها مبيحصللهاش حاجة(كام مرة شفت لانوس او نوبيرا مفوته؟) ، صحيح انها كان لها بعض مشاكل فى دورات التبريد والرشاشات ، لكنها مشاكل هامشية طالما لقيت العناية المناسبة، لكن فى النهاية هذة السيارات لما بشتريها جديدة او حتى عاملة اميال قليلة بتعفينى تماما من فكرة انى هفك الموتور امتى، لكن لأن كان لموديلاتها القديمة مشاكل مع الجير الأوتوماتيك فانا لا انصح بالجير الاوتوماتيك معها لحد ما الموديل الجديد يثبت نفسه

يبقى لدينا الموديلين اليابانيين اللانسر والصنى، دور عليهم فى المشاكل والصيانة هتلاقى ان هذة السيارات على مدى تاريخ طويل جدا من اقل السيارات احتياجا للصيانة وقطع الغيار (لى اصدقاء عديدين جدا معاهم اللانسر كريستالة، حتى عمر ال 200 ألف كيلومتر معملوش فيها اى حاجة جوهرية سوى تغير سير الكاتينة والمساعدين)، وده السبب اللى خلانى ارشح السيارتين دول ، بناء على سمعة الأجيال السابقة

بس عموما انا شخصيا لو هشترى سيارة فى الفئة دى، وباعتبارى جربت اليابانى وهحب اجرب حاجة تانية، فاكتر سيارة ستشد انتباهى فى هذة الفئة السعرية هى الماتريكس