الموضوع: كورولا1300 .......لانسر 1600

السلام عليكم ... حضرتك العربيتين كويسين بس اللانسر السوبر اكشن افضل من كورولا 1300 ومن الظلم للكورولا مقارنتهم ببعض لان دي فئة غير دي واعتقد لو العربيتين حالتهم كويسة اللانسر هتكون اغلي طبعا ( موتور 1600 اقوي من 1300 - موضوع الشكل موضوع نسبي يختلف من شخص لشخص - قطع الغيار متوفر في النوعين بس اللانسر اعتقد ارخص - اعادة بيع العربيتين سوقهم ماشي .... وعلي فكرة انا زي حلاتك عايز اشتري عربية ودايخ علي النت مقرنات منذ فترة ونصيحة لو هتشتري تنجز الايام دي قبل الصيف واسف علي الاطالة

انا سقت العربيتين بس اللانسر طبعا من غير تفكير احسن في كل حاجه في شكلها وسواقتها وثباتها واريح في المطبات بس الكورولا ال1300 ميزتها بتشم البنزين

كورولا جميلة +موفرة

كورولا 1300 و هاتها اوتوماتك و اللي يقولك ماتور الانسر 1600 اقوي يبقي مسقش الكورلا 1300 عربية قوية في سحبتها اوسع ميت مرة من الانسر و افخم بكتير من الداخل و بتشم بنزين

لا دنا سورى فى اللفظ افجر انا سوقت كورولا 1.3 يوم كامل ونزلت سوقت لانسر ربع ساعه ....بس للامانه لانسر 1.3 ومجرتش بالاتنين يعنى مش محتاج تقولولى عشان فرق الانسر 1600 فى الموتور .... انا بتكلم على عربيه كا عربيه واللى فاهم كويس هيفهم انا بقول ايه.....

والله العظيم ويامين اتحاسب عليه يوم القيامه لا تحيز ولا امتلك سياره من الاتنين بس للامانه ....

الملكه هتفضل ملكه رغم انف الحاقدين لكى احترامى واعتزازى..
وهشرحلكو انا قولت كده ليه عشان متقولوش متحيز....
1- اول متركب الملكه (الكورولا) وتقعد على الكرسى السحرى (كرسى السائق) تحس فعلا بعبقريه المصمم اللى حب يوصلك عراقه الشركه وخبرتها فى تصميم العربيه من الداخل والخارج تحس انك راكب عربيه مليانه. يعنى متكلفه مصروف عليها.

2- تبدا تدور تحس بقوة الموتور المزود بتكنولوجيا ال cvvt يعنى التحكم الللاكترونى فى توقيت فتح وغلق الصمامات .. ودا السبب الرئيسى فى اقتصاديه التيوتا فى استهلاك البنزين يعنى كلام حقيقى عشان محدش يقولى تهيؤات ودا مش موجود فى الانسر سواء كانت 1.3 او 1.6 ..

3. نعومه العفشه وثبات العربيه افضل من ثبات الانسر ودا فى موديل 2003 عشان فعلا الموديل اللى بعدو مش ثابت يعنى انا بتكلم على الشكل القديم. واللى معاه تيوتا 2002 2003 وساق 2007 مثلا هيعرف الفرق لانى سوقت الاتنين

4. الفخامه فى تصميم التابلوه والمقاعد والمقصورة افضل كتير من الانسر ودا واضح طبعا طبعا.

5.. ودا احساسى بعد مانزلت من الكورولا وسوقت الانسر ومش عارف هو بيندرج تحت مسمى ايه.................. حسيت انى كنت سايق عربيه مقودها مليان شكل وفعل يعنى راسى كدا وهادى وتقيل كا تصميم وناعم فى نفس الوقت حسيت انى كنت فعلا راكب عربيه فخمه بغض النظر عن مقارنه لانسر سوبر اكشن بكرولا مانوال 1.3 فاضيه لان المقارنه حتبقى ظالمه جدا للكورولا لان لا فئتها ولا نفس محركها ولا امكانياتها ...

يعنى اللى عايز يقارن السوبر اكشن يقارنها بالكورولا الهاى لاين .. وكورولا هتفرق طبعا.... ودى وجهات نظر وازواق



وفى النهايه انا لو اتعرض عليا الاتنين من وجه نظرى ودى ازواق وانا اسف مش بفرض راى هختار التويوتا 1.3 وانا مقتنع ودا راى ممكن تتفقو معايا فى او تختلفو تماما ودا الاوقع انو هيحصل....


وشكرا .. واسف على الرغى الكتير والاطاله..

انا فعلا اتحطيت فى المقارنة دى قبل كده وكنت خلاص نازل اجيب الملكة بس انا اعرف ان موديلاتها لغاية 94 بس على ما اظن مش متاكد من صحة الكلام ده المهم انا كنت مركز جدا على الكرولا وركبتها بس ممشيتش بيها انا ركبتها مع ناس كتير اينعم ناعمة وكل حاجة بس لقيتها سعرها معدى قوى وبصراحة عجبنى قوى تصميمها من جوة تحس ان هية مرتبة وخلاص كنت ماشى ومتردد ليه سعرها 50 فيما فوق وبعدين وانا ماشى فوجئت بعربية بتشدنى دايما من ساعة ماطلعت الكريستالة الاعجوبة بصراحة رغم انها برضوا 1300 بس حسيت ان العربية اكبر استريحت ليها اكتر قريبة من الارض بغض النظر عن العيوب بس الثبات حلو عربية فخمة برضوا معلش انا طولت بس بحكى تجربتى وزى ما قال الاخ الفاضل هية عملية ازواق بس لو انا هاجيب حاجة 2007 مثلا تكون عندى احسن من 2003 وبالنسبة للانسر بصراحة عربية ممتازة واقتصادية ممكن متكونش زى الكرولا بس برضوا كويسة جدا وموفرة انا مركب موتور 1500 2 كامة واستهلاك البنزين احسن لما كانت 1300 والله ده بيحصل ولله الحمد وطبعا فى الاول و فى الاخر ده رايك النهائى بس شوف انت مستريح لمين وربنا يوفقك

المشاركة الأصلية كتبت بواسطة prisoner

انا فعلا اتحطيت فى المقارنة دى قبل كده وكنت خلاص نازل اجيب الملكة بس انا اعرف ان موديلاتها لغاية 94 بس على ما اظن مش متاكد من صحة الكلام ده المهم انا كنت مركز جدا على الكرولا وركبتها بس ممشيتش بيها انا ركبتها مع ناس كتير اينعم ناعمة وكل حاجة بس لقيتها سعرها معدى قوى وبصراحة عجبنى قوى تصميمها من جوة تحس ان هية مرتبة وخلاص كنت ماشى ومتردد ليه سعرها 50 فيما فوق وبعدين وانا ماشى فوجئت بعربية بتشدنى دايما من ساعة ماطلعت الكريستالة الاعجوبة بصراحة رغم انها برضوا 1300 بس حسيت ان العربية اكبر استريحت ليها اكتر قريبة من الارض بغض النظر عن العيوب بس الثبات حلو عربية فخمة برضوا معلش انا طولت بس بحكى تجربتى وزى ما قال الاخ الفاضل هية عملية ازواق بس لو انا هاجيب حاجة 2007 مثلا تكون عندى احسن من 2003 وبالنسبة للانسر بصراحة عربية ممتازة واقتصادية ممكن متكونش زى الكرولا بس برضوا كويسة جدا وموفرة انا مركب موتور 1500 2 كامة واستهلاك البنزين احسن لما كانت 1300 والله ده بيحصل ولله الحمد وطبعا فى الاول و فى الاخر ده رايك النهائى بس شوف انت مستريح لمين وربنا يوفقك

اولا ياباشا انا اسف على اللبس اللى حصل فى الموضوع انا لما قولت الملكه كنت اقصد بيها صفه مش موديل
ثانيا حضرتك انا مبتكلمش على موديل 94 ومقرنتها بالكرستاله لان الكرستاله تكسب طبعا لان دى موديل احدث بكتيير ... ومكانيات تانيه انا لما بقارن بقارن بين موديلين قريبين من بعض على حسب اختيار صاحب الموضوع كورولا 2002/2003 لانسر 2005 /2007 والاتنين بنفس التواريخ السابق زكرها هما هما بنفس الامكانيات بتاعت جيلهم لحد 2007 يعنى الاوقع انى بقارن عربيتين مثلا نفس السنه واتمنى تكون فهمت قصدى.
ثالثا.. حضرتك فى حاجات بتنزل مثلا 2007 بتبقى احسن كعربيه مش امكانيات وهورس باور ... من حاجات موديل 2008. كمثال اللنترا 2005 /2006 اللى وقتنا هذا الناس بتحبها وبتشكر فيها عن النترا 2008/2010 مثال تانى وانا قولتو كورولا 2002/2003 افضل كتقفيل وثبات من 2005/2008 ودى تجربتى الشخصيه وعلى المجربون قبلى وبعدى ان يناقشونى فى هذه النقطه .. وشكرا