صنى 1600 أوتوماتيك ولا لانسر 1600 أتوماتيك (منتهى الحيره)- أرجو مشاركه الاستاذ سبعاوى

**semsem8100** · 24-07-2008 12:38 AM

أرجو من كل من له خبره بالسيارتين أن يجاوب بأنه وموضوعيه وبالمقارنه أيهما أفضل لانسر 1600 أوتوماتيك ولا نيسان Ex أوتوماتيك علشان بصراحه أنا محتار بين العربيتين ومش عارف أتخذ قرار نهائى .. وياريت اللى يقول رأيه يذكر سبب رأيه وجزاكم الله خيرا

**loai-omar** · 24-07-2008 12:47 PM

أنا رأيي لو تقدر تجيب الصني SuperSaloon تكون فعلا احسنت الخيار

انا حصلي نفس الحيره دي و اخترت الصني :)

بس لو رجعت الأيام حختار بارضو الصني بس السوبر صالون

**goodman** · 24-07-2008 05:00 PM

أخي العزيز ...

أنا لسه بايع سيارتي اللانسر الرياضية الكاملة 1600 سي سي الخليجي الكويتي موديل 2007 وكانت عامله 17000 كم تقريبا وكنت قد إشتريتها على الزيرو وتعاملت معها بكل أدب وبالأصول المتعارف عليها أثناء فترة التليين... وذلك للأسباب الجوهرية التالية:
1- السيارة بتعوم (بتفقد إتزانها) عند السرعات فوق 100 كم/س ... وشعرت بذلك طبعا في كل مرة أتخطى فيها أتوبيس (حافلة كبيرة)، وكذلك عند قيادتي بين مرتفعين (جبلين) ... في كلتا الحالتين أحتاج ليقظة كبيرة لأتحكم في عجلة القيادة جيدا ... وإلا من غير المعروف إلى أين سوف تتجه بي الانسر!!!

2- في إحدى المرات وعلى طريق سريع فردي الاتجاه (رايح جاي دون جزيرة في الوسط تفصل بين التجاهين) وبينما كنت أقود بسرعة 110 كم/س تقريبا
لاحظت سيارة في الاتجاه المقابل (المعاكس) تقوم بتخطي سيارة نقل مما يجعلني في مواجهتها تماما ... عندئذ قمت باستخدام الفرامل لتفادي الاصطدام بها ... وهنا لم تسعفني اللانسر في التوقف بكفاءة ... بل بدأت تتوقف بتباطؤ شديد وبانحراف طفيف مع إزاحة خلفية جانبية من ناحية اليمين !!! يعني لولا أنني اقود سيارات شتى منذ أعوام كثيرة مضت ... لكانت إنقلبت بي اللانسر بكل تأكيد

3-الفتيس الأتوماتيك فعلا بيسخن بشكل ملفت صيفا وشتاء ... واذا لم يكن لذلك تأثيرا ميكانيكيا، فعلى الأقل يؤثر سلبا على التكييف داخل السيارة ... ويسبب مضايقة لركبة السائق التي عادة ما تلتصق به تلقائيا وبالذات عند القيادة لمسافات طويلة.

ما عدا ذلك فسيارة اللانسر لايعيبها شيء ... ولكن لكل الأسباب السايقة قررت بيعها وقد خسرت فيها سبعة آلاف جنيه والحمد لله والشكر لله على كل شيء ... وزي المثل ما بيقول (خسارة قريبة ... ولا مكسب بعيد)

على فكرة ... أنا اشتريت بعدها (منذ اسبوعين تقريبا) سيارة نيسان صني سوبر صالون 1600 سي سي على الزيرو ... والغريب أنها أفضل من اللآنسر ولا توجد بها العيوب التي ذكرتها ... ولا أي عيوب أخرى تذكر!!!

أخي العزيز ...

توكل على الله واشتري النيسان الصني ... وفقنا الله جميعا والسلام عليكم ورحمة الله.

**SAbuhashem** · 24-07-2008 05:09 PM

المشاركة الأصلية كتبت بواسطة goodman

3-الفتيس الأتوماتيك فعلا بيسخن بشكل ملفت صيفا وشتاء ... واذا لم يكن لذلك تأثيرا ميكانيكيا، فعلى الأقل يؤثر سلبا على التكييف داخل السيارة ... ويسبب مضايقة لركبة السائق التي عادة ما تلتصق به تلقائيا وبالذات عند القيادة لمسافات طويلة.

.

إيه اللي جاب الفتيس لركبتك ؟!!
الفتيس بعيد جداً عنك
اللي جنبك دة العصاية بس ودي عمرها ما هتسخن

Thanks
Eng.Sherif Shaker

**شاهين - بنز** · 24-07-2008 05:29 PM

ألف مبروك على الصني

**nobody** · 24-07-2008 05:30 PM

السيارة بتعوم (بتفقد إتزانها) عند السرعات فوق 100 كم/س

عيب ضبط زوايا

عندئذ قمت باستخدام الفرامل لتفادي الاصطدام بها ... وهنا لم تسعفني اللانسر في التوقف بكفاءة ... بل بدأت تتوقف بتباطؤ شديد وبانحراف طفيف مع إزاحة خلفية جانبية من ناحية اليمين !!!

عيب ضبط زوايا + عيب كاوتش (ضغط الكاوتش أو عيب آخر)+نوع الكاوتش اللي في اللانسر سيء

**emadfk** · 24-07-2008 05:56 PM

اعتقد ان حضرتك كنت سايق لانسر مغشوشة او مضروبة وليست من النوع الجيد

**man_alex1984** · 24-07-2008 06:46 PM

لا حول ولا قوه الا بالله الراجل جايبلكم ميت عيب في اللانسر وكلها عيوب نفس العيوب اللي اشتكا منها ناس كتير وبردو معاهم لانسر ...ومع ذلك البعض بيقول ده عيب ظبط زوايا هوا بيقول العربيه بتسرخ في الدورانات هوا بيقول بتفقد اتزانها بعد ال 100 كم يعني عربيه سباتها صفر وموضح ده انه بيبان لما بيعدي من جنب اتوبيس/////// وبعدين في حاجه تانيه الاستاذ اللي رد بان اللانسر كاوتشها سيء الاستاذ بيتكلم عن عربيه خليجي وكويتي يعني احسن كاوتش يعني الكاوتش بتاعنا لو مشي علي الاسفلت بتاعهم في درجات الحراره بتاعتهم يسيح/// يعني لو الفرده عمرها عندنا سنه المفروض الفرده بتاعته عمرها 4 سنين/// والله انا احمد ربنا ان النيسان كاوتشها تمام وسباتها ميت فل ولو حتي معديه من جنب طياره مش اتوبيس اخيرا لو صاحب الموضوع عايز رايي توكل علي الله وهات النيسان ولو بتدور علي كماليات زياده ورفاهيه اعلي هات السوبر صالون

**nader makram** · 24-07-2008 08:00 PM

اولا انا سوقت العربيتين و الاتنين تقريبا زى بعض فى كل حاجة الثبات و التسارع و الكماليات مع بعض الاختلافات البسيطة فى التقفيل لصالح اللانسر و العربيتين بتهزوا لما يعدوا جنب نقل او اتوبيس و الاتنين ثبنهم ممتاز على السرعات العالية و الفرق هو الشكل فقط و دة حسب زوقك بس فى شوية اصوات لما تلف الدريكسيون للأخر و صوت موتور الصنى اعلى من اللانسر و ده رأيى و ربنا يوفقك فى اختيارك و اى واحدة تخترها ان شاء الله تتستمتع بيها و اهم حاجة اشترى العربية اللى مريحاك مش المريحة الناس عشان انت اللى هتسوقها مش الناس

**yahyanaabil** · 25-07-2008 03:07 AM

انا رايى نيسان صنى و وفر الفرق فى الفلوس او ضبط بيه الصنى
الفرق الوحيد اللى انا شايفه بين العربيتين هوه الabs غير كده العربيتين زى بعض فى كل حاجه تقريبا .انا معايا صنى موديل 2008 بس كنت واخدها فى شهر 9/2007 العربيه زى الفل مفيهاش اى حاجه

الموضوع: صنى 1600 أوتوماتيك ولا لانسر 1600 أتوماتيك (منتهى الحيره)- أرجو مشاركه الاستاذ سبعاوى

LinkBack

أدوات الموضوع

عرض

-

-

-

-

المواضيع المتشابهه

ممكن اشتري لانسر بومة 1600 أتوماتيك في حدود 65-70 ألف

أرجو المساعدة في الاختيار بين لانسر 1600 اتوماتيك وكيا كارينز أتوماتيك

دي اول مشاركه اجيب لانسر 1600 كامله ولا النترا 1600 كامله؟؟؟

هل يوجد فرق بين 1600 أوتوماتيك كلاسيك وبين 1600 أوتوماتيك هاف سبورت

حد يجاوب بأمانه لانسر 1300أوتوماتيك ولا صنى 1600 أتوماتيك

الكلمات الدلالية لهذا الموضوع

المفضلات

المفضلات

ضوابط المشاركة