هل تنصحون بغسيل محرك السياره من الخارج ؟

**gfd** · 22-03-2011 08:22 PM

السلام عليكم .

هل تنصحون بغسيل محرك السياره من الخارج ؟

هل له مساوئ ؟

يرجى توضيحكم .

مع الشكر لكم .

.

**MOUSTAFA_SAAD** · 22-03-2011 08:30 PM

لو العربيه قديمه عادى مفيش مشكله
لو جديده هات علبة فوم لغسيل الماتور وفضيه عليه وبعدين تنفخه بالهواء بعد لما تسيبه شويه

**ahmed1981** · 22-03-2011 10:28 PM

ممكن غسيل الموتور مع تغطية أي جزء كهربائي قابل للضرر بكيس بلاستيك

**smsm_nabawy** · 22-03-2011 10:41 PM

والله معرفلوش مساويء .. غير حاجة حصلت مع واحد قريبي و واحد تاني جاري

أولاً قريبي .
عربيته "كااانت" شاهين 1600 أنجيكشان ... :(( الله يرحمك يا عزيزة :(((

المهم .. أثناء غسيل الماتور .. الغبي الي كان بيغسل .. صدر الخرطوم في كارته الأنجيكشان !!! :(( و كانت العربية لسه جدييدة والله .... مكملتش 10000 كيلو على بعض .. بس الكارته بحححح

الراجل دفع 2000 جنيه و هو واقف ... =((( يا حسرة .. و على حظن الكارته الجديدة الي أشتراها كان فيها أيرور و كل شوية العربية تنتش منه و طلعععت عينه .. لحد مابعها !!!

و كات تفسير الراجل بتاع البنزينه "و أنا مالي.. أنا اول مرة اعرف أن الشاهين فيها كارته كمبيوتر !!! " حاجة تنفرز !!

ثانياً. جااري

عربيته لادا .. و طبعاً كلنا عارفين اللادا و أن علبة الفيوزات في الكبود !! و لكن من الواضح ان عامل البنزينه .. مكنش يعرف ... حصل نفس الغلطة .. صدر الخرطوم في علبة الفيوزات .. و لك أن تتخيل الباقي :(((

مآسي والله بتحصل من بتوع البنزينة دوول ..منهم لله .. بسبب واحد غبي قبل كده كنت حخسر الموتور بتاعي .. علشان الغبي نسى يقفل طبة الزيت كويس :)))) و العربية سربت زيت و أنا ماشي :))

===========

بس المهم عامةً معرفلةهش ضرر تاني .. لو عربية حضرتك على كارتة كمبيوتر .. نبهه الول و هو حيغطيها بكيس بلاستيك .. و أنتهى الموضوع :) و كمان نسيت اقولك حاجة .. الي اعرفه أنه لازم الموتور يكون مستريح من المشوار بتاعه .. ميكنش سخن !!

**gfd** · 23-03-2011 05:34 PM

المشاركة الأصلية كتبت بواسطة ahmed1981

ممكن غسيل الموتور مع تغطية أي جزء كهربائي قابل للضرر بكيس بلاستيك

ما هي الاجزاء التي يلزم تغطيتها قبل غسيل محرك السياره ؟

مع الشكر لك .

.

**gfd** · 23-03-2011 05:35 PM

المشاركة الأصلية كتبت بواسطة smsm_nabawy

والله معرفلوش مساويء .. غير حاجة حصلت مع واحد قريبي و واحد تاني جاري

أولاً قريبي .
عربيته "كااانت" شاهين 1600 أنجيكشان ... :(( الله يرحمك يا عزيزة :(((

المهم .. أثناء غسيل الماتور .. الغبي الي كان بيغسل .. صدر الخرطوم في كارته الأنجيكشان !!! :(( و كانت العربية لسه جدييدة والله .... مكملتش 10000 كيلو على بعض .. بس الكارته بحححح

الراجل دفع 2000 جنيه و هو واقف ... =((( يا حسرة .. و على حظن الكارته الجديدة الي أشتراها كان فيها أيرور و كل شوية العربية تنتش منه و طلعععت عينه .. لحد مابعها !!!

و كات تفسير الراجل بتاع البنزينه "و أنا مالي.. أنا اول مرة اعرف أن الشاهين فيها كارته كمبيوتر !!! " حاجة تنفرز !!

ثانياً. جااري

عربيته لادا .. و طبعاً كلنا عارفين اللادا و أن علبة الفيوزات في الكبود !! و لكن من الواضح ان عامل البنزينه .. مكنش يعرف ... حصل نفس الغلطة .. صدر الخرطوم في علبة الفيوزات .. و لك أن تتخيل الباقي :(((

مآسي والله بتحصل من بتوع البنزينة دوول ..منهم لله .. بسبب واحد غبي قبل كده كنت حخسر الموتور بتاعي .. علشان الغبي نسى يقفل طبة الزيت كويس :)))) و العربية سربت زيت و أنا ماشي :))

===========

بس المهم عامةً معرفلةهش ضرر تاني .. لو عربية حضرتك على كارتة كمبيوتر .. نبهه الول و هو حيغطيها بكيس بلاستيك .. و أنتهى الموضوع :) و كمان نسيت اقولك حاجة .. الي اعرفه أنه لازم الموتور يكون مستريح من المشوار بتاعه .. ميكنش سخن !!

ماهي الكارته .

مع الشكر لكم .

.

**smsm_nabawy** · 23-03-2011 06:06 PM

الكارته هي كارته الكمبيوتر بتاعت الموتور الموجودة في الكبود .. و الي بتمثل تقريباً عقل العربية

ليها مصطله تاني "كارته الأنجيكشان"

و أسمها E.C.U

أختصاراً.. للكلمات
Electronic Control Unit

و دي الي بتتحكم في كمية البنزين الي بيضخها رشاش الأنجيكشان .. بناءً على المعلومات الي فيها ... و متصلة بكل الحساسات الي موجودة في العربية عندك !! سواء حساسات الماتور أو الجاكمان !!

مكانها بقا !! علشان أقول لحضرتك عليه فأنا لازم أعرف عربية حضرتك أيه .. علشان أعرف صور أجيبلك صور الكارته مكانها فين

هو ممكن حضرتك تقول للعامل .. غطي كارتة الكمبيوتر ..بس..وهو اكيد حيعرف مكانها على طول و يغطيها بكيس بلاستيك :)

آسف للأطالة