الموضوع: أنتوا فاكرين أن اللى حصل أمبارح ده صدفه - أصحوا شويه

المشاركة الأصلية كتبت بواسطة kh_talaat

سؤال واحد بعد بيان المجلس الأعلى رقم 34 الذي اذاعة (وقال فيه ان عناصر من فلول الحزب الوطني والنظام السابق قامت بأعمال تحريض وبلطجة وترويع المواطنين داخل الميدان)

اين كانت حماية الجيش للميدان في هذا اليوم ؟؟؟؟؟؟؟؟؟؟؟؟

المشاركة الأصلية كتبت بواسطة kh_talaat

نفس الكلام حصل يوم الجمعة في ميدان التحرير ... الجيش لم يأمن الميدان وبالتالي حدث ما حدث

المظاهره كانت علشان محاكمة الرئيس السابق

وكان معروف من دعوة النت أن فيه ضباط قالوا هيحضروا

والجيش حذر أى حد يلبس ملابس عسكريه ولا ينتمى للقوات المسلحه

الأسباب دى تخلى الموضوع ميظهرش بصورة أن الجيش متحفز

لكن مش علشان مكنش فيه دبابات ولا مدرعات يبقى الميدان فاضى من الجيش

الشرطه العسكريه دخلت تنزل الضباط من على المنصه لما شتموا المشير والجماهير منعتهم

وكان فيه كتير لابسين مدنى مش ميرى لتأمين الميدان

والدليل أن المدرعات رجعت بالليل لما كان فيه معلومات عن البلطجيه

هتقولى مش بلطجيه هسألك سؤال

العساكر اللى أتضربوا بالرصاص الفجر مين ضربهم

ومنين السلاح ده

مين من المعتصمين ليه غرض أنه يضرب نار على الجيش ويولعها علشان الجيش يرد بالضرب الحى على المعتصمين وتقوم مجزره

خد بالك الجيش أتضرب عليه رصاص حى والحمد لله كلها أصابات لأنهم لابسين الواقى , ومع ذلك مضربش ذخيره حيه على حد خالص

والشخص اللى مات مضروب من فوق عماره مش من الميدان

مين ليه مصلحه فى المجزره اللى كان ممكن تحصل

المشاركة الأصلية كتبت بواسطة adelseliem

العفو أنا اللى أشكرك على أسلوبك الأكثر من راقى

أبو غزاله أتفق مع الصين أنه يكون المورد لسلاحها فى أفريقيا

أمريكا أتجننت وأسرائيل ولعت لأن ده معناه أن أفريقيا فى أيد مصر
وده من أسباب موضوع أتفاقية المباه لأن اللى محركها أسرائيل علشان تخرج مصر من أفريقيا وبدأت تعمل مشاريعها هناك وهقولك نهاية الكلام ده أيه

يا نوصل مياه النيل لأسرائيل , يا نعطشكم

بعد دخول العراق أمريكا روجت أن الجيش العراقى موالى لصدام وأنه بيقوم بعمليات قمع للعراقيين وعملوا فيديوهات وجابوا ناس تشهد أن الجيش بيعمل كده وأنه بيحمى فلول النظام اللى عايزه ترجع العراق للديكتاتوريه تانى وعزلوا قيادات الجيش وجابوا قيادات للجيش مواليه لأمريكا ولازم يتحل ويكون فيه جيش تانى يرعى الديمقراطيه

على فكره العراق كانت القوه السادسه على العالم قبل ما يحلوا جيشها

وعلى فكره كل تسليح وتطوير أسلحة وصواريخ العراق اللى جننت أيران وبعد كده أسرائيل , ضباط الجيش المصرى المهندسين هما اللى طورها

عارف الملحوظتين دول معناهم أيه

بس مش ملاحظ حاجه فى موضوع العراق
أن ده شبه النغمه اللى دايره على الجيش دلوقت

بدأت بالمجلس الأعلى

بعد كده كام فيديو وكام شهاده عن الضباط اللى بيضربوا المتظاهرين ومفيش مانع يبينوا أنهم ( الضباط ) كانوا متضايقين بس بينفذوا التعليمات

وبعد كده يتقال هو ده الجيش اللى بيحمينا بيضربنا وهلم جرا

فى الأخر عايزين نطهر الجيش من الفساد لأنهم كانوا من عهد مبارك

بس خلاص

الله ينور عليك محتاجين ناس كتير زيك عندهم رؤيه و خيال و قدره على الاستنتاج يبقوا هم اللى صوتهم عالى عشان يحفزوا الناس انها تفكر شويه قبل ما يعملوا اى حاجه يتفقوا او يختلفوا مش مهم انما اهم حاجه انهم يفكروا و يحطوا المبادئ العليا و مصالح الوطن فوق كل اعتبار
تحياتى

انا مش عايشة في الدنيا
مفتحتش تليفزيون ولا نت بقالي يومين ومعرفش حاجة
........
رجاء من السادة الاعضاء يحاولوا يخفوا من نظام التريقة والاستخفاف باراء الغير ونسمع الرأي الاخر للنهاية ربما يكون صحيح