لو حشتري بيجو 307 اكشف عليها فن

**HAMZAWY** · 09-04-2011 08:01 PM

السلام عليكم
كنت بفكر اشتري بيجو 307 sw موديل 2007 بس عايز أعرف اكشف عليها فين فالتوكيل ولا في أماكن تانية ؟
عشان طبعاً د مش حيتكشف عليها سمكرة و خلاص عايز اكشف على الفتس و كمبوتر العربية
و هل تنصحوني بها ولا بلاش عشان قطاع غيرها و حد عند فكرة أسعار قطاع غيرها اه
و سعر الكشف عليها فالتوكيل كم

**daaark** · 09-04-2011 09:11 PM

متابع باهتمام لاني نفس الحاله بردو

**maclaren722** · 10-04-2011 05:06 AM

بس ياسيدى انت تتصل بمركز امير وجوزيف اللى ف مدينة نصر وتحجز حاجة هناك اسمها كشف بيع ب150 جنية وتروحلهم بالعربية وهما هيكشفوا على كل حاجة فيها وهيدولك التقرير الكامل عنها واسالهم اشتريهاو لا وبالنسبة لقطع غيارها هى غالية شوية بس معمره وف كذا واحد تجيب منهم قطع الغيار زى خالد كولومبه اللى ف جسر السويس والناس اللى ف الحرفيين وعلى فكره امير وجوزيف ف شارع ابو داوود الظاهرى المتفرع من مكرم عبيد وهما اصلا بيصلحوا بيجو وستروين وهما مركز الخدمة المعتمد لمعرض جابر عبدالشهيد اللى ببيبع البيجو الخليجى وان شاء الله هجيبلك ارقام تليفوناتهم ومبروك مقدما واسف على الاطالة

**HAMZAWY** · 12-04-2011 02:08 AM

المشاركة الأصلية كتبت بواسطة maclaren722

بس ياسيدى انت تتصل بمركز امير وجوزيف اللى ف مدينة نصر وتحجز حاجة هناك اسمها كشف بيع ب150 جنية وتروحلهم بالعربية وهما هيكشفوا على كل حاجة فيها وهيدولك التقرير الكامل عنها واسالهم اشتريهاو لا وبالنسبة لقطع غيارها هى غالية شوية بس معمره وف كذا واحد تجيب منهم قطع الغيار زى خالد كولومبه اللى ف جسر السويس والناس اللى ف الحرفيين وعلى فكره امير وجوزيف ف شارع ابو داوود الظاهرى المتفرع من مكرم عبيد وهما اصلا بيصلحوا بيجو وستروين وهما مركز الخدمة المعتمد لمعرض جابر عبدالشهيد اللى ببيبع البيجو الخليجى وان شاء الله هجيبلك ارقام تليفوناتهم ومبروك مقدما واسف على الاطالة

ألف شكر يا باشا
بس هل ممكن تقلنا على بعض أسعار قطاع الغيار

**redredzone** · 13-04-2011 12:43 AM

ممكن تكشف عايها في اي مكان عنده جهاز ومختص
مودرن سيرفس -طريق السندباد جنب رينو
احمد ندا ---------القاهرة الجديده
احمد غلوش----جنب توكيل اوماترا جسر السويس
احمد عمارة -----الفسطاط
وابعد عن محطات البنزين

**MuhamedNabil** · 13-04-2011 11:33 AM

مودرن سيرفس -طريق السندباد جنب رينو

ده اكتر واحد اتعملت معاه و اهم حاجة تكشف عليها ضغط زيت الجيربوكس و الكولر بتاعه عشان لو فيه رواسب زى الكرتون كده يبقى معناها ان القربة بتاعت زيت الجير لازم تتغير و ده معناه ان الجير كولو لازم يتفك يعنى شغلانة 3000 -4000
و برده فى قعدتين بتوع الفتيس بيبوظو بسرعة تكشف عليهم برده
مكنة الباور 5200 جم جديدة و 1500 استعمال للاسف لازم تكون بتسوق العربية كتير عشان لو فيها حاجة تعرفو بتكون زى تقطيع فى الدركسيون وانت بتلف
العربية عيونها اتعرفت و الناس حفظوها خلاص تصلحها مش لغز بس بقى عطلة و تكاليف
خالد كولومبه اللى ف جسر السويس ارخص قطع لقتها عنده و لو اشتريت قطعة بيجو اصلى ممكن تركبها فى مودرن سرفيس
و ربنا يوفقك

**daaark** · 13-04-2011 10:12 PM

الله ينور يا محمد نبيل انت جبت المفيد بس في حاجه تاني ممكن اشوفها او اركز عليها في البيجو 307 غير دول ولا ايه....

**MuhamedNabil** · 14-04-2011 12:37 AM

الباقى ممكن يكون
- طلمبة بنزين صوته بيعلى قبل متبوظ و بعد كدة تقطع خالص
- مارش العربية بيبندى يضعف و مبدورش لما يسخن و لو سبت العربية تبرد يرجع يدور تانى بتغيير الاتوتماتيك بتاعة زى بتاع الاكزارا 250 جديد valeo
اتقل حجات الجيربوكس و الباورو طبعا الالكترونى بس ده معرفش اعطاله ايه و اتمنى انه ميبظش.

**ahmedelganainy** · 03-05-2011 03:27 PM

سلامه عليكم
انا باذن الله ناوي اشتري بيجو 307 sw موديل 2007 او 2006 ممكن حد معاه العربيه من فتره طويله ينصحني اجبها ولا لا لاني قرات علي النت ان اعطلها كتيره وفيها مشاكل في الفتيس
فمن فضلكم حد ينصحنا اجيبها ولا لا
وشكرا لكم
سلامه عليكم

**redredzone** · 04-05-2011 01:49 AM

المشاركة الأصلية كتبت بواسطة ahmedelganainy

سلامه عليكم
انا باذن الله ناوي اشتري بيجو 307 sw موديل 2007 او 2006 ممكن حد معاه العربيه من فتره طويله ينصحني اجبها ولا لا لاني قرات علي النت ان اعطلها كتيره وفيها مشاكل في الفتيس
فمن فضلكم حد ينصحنا اجيبها ولا لا
وشكرا لكم
سلامه عليكم

ممكن تكلم مهندس احمد غلوش 0101403527 هو متعاون وممكن يديلك رد ف اللي عاوزه......بس اعتقد2007 هحسن