الموضوع: مساعده عاجله في اختيار لون للاسد بعد التجديد

المشاركة الأصلية كتبت بواسطة mohssenrashed

في لون شوفتو في السيراتو ازرق زهري جامد جدااااااااا

هو ده اللي انا قصدي عليه و خاصه بتاع السيراتو
و منتشر اكتر في السيراتو وان


و ده عادي يعني لو اخترته من عند بتاع البويات ميبقاش فيه مشكله ؟
و هل تنصحوني باي احتياطات ؟

على فكرة انت لون عربيتك حلو لما تدهنوا ميتالك هيبقى جامد قوى المشكلة مش كل لون بيليق على كل العربيات اعمل بحث فى صور جوجل على 305 هتشوف عربيات كتير اختار لون بقى يعجبك

بص دى بقى

ياه
ابو عمر باشا بنفسه
دازي حضرتك
هو حضرتك دايما كده مغرقني بالجمايل ؟؟؟؟
ربنا يكرم حضرتك و يبارك لحضرتك في اولادك
الازرق جامد و لو درجه افتح سنه من اللي حضرتك جايبهالي دي هتبقي جامده
و الابيض في ازرق تحفه بس معتقدش في حد في مصر يقدر ينفذها

الله يخليك يا ميدو عارف لو تجيب كمان جنوط اسبور تبقى حكاية بس مش عارف منين او اديها طقم طاسات جامد كده هيبان معاك
وشوية ترويشات بقى من التوفيقية عصاية فتيس اسبور ودوسات وفرش كويس ومعطرات بقى وعيش

طب متقولنا منين في التوفيقيه
في راجل بيقولوا في رمسيس اسمه النشرتي هو ده و لا ايه
و لو عارف عنواوين متعنا
علشان نظبط كده و تبقي العمليه تمام
انا ان شاء الله هجيب طاسات باذن الله
و عاوز اسال علي الفرش يعني كسوة شياكه كده و تظبيط
و ان شاء الله خير باذن الله
و لو حضرتك عاوز شيء اامرني اجيبه لحضرتك و انا هناك علشان هروح قريب ان شاء الله

يا راجل منين فى التوفيقيه ايه دى التوفيقية عبارة عن سوق للكماليات والاكسسوار محلات بقى وناس فارشه فى الشارع وعربيات عرض ومحلات فرش جلد وقماش المحل اللى تقصده ده اسمه النشوقاتى تقريبا فى التوفيقية امام سنترال رمسيس بس هو غالبا بتاع فيات اكتر بص هتلاقى قبليه محل كبير كده عنده حاجات كويسة قوى