استفسار هام عن حرارة السيينا

**DONYO** · 17-04-2011 09:12 AM

انا معايا سيينا 1600 و لاحظت مؤخرا ان المروحة ما بتشتغلش الا بعد وصول الحرارة للنص وهي كانت قبل كدة بتشتغل قبل النص بحبة.
يا ترى فيه اتنين ترموستات للعربية دي ولا اية ويكون الترموستات بتاع السرعة الاولى باظ !!!
ارجو الافادةيا اصدقائي الاعزاء.

**mohamedmmm2** · 17-04-2011 01:28 PM

غير الترموستات الاول هاتلاقيها سرعتين اكيد الاولى باظت لان الاولى بتشتغل على المروحه السرعه الاولى ولما الحرارة تعدى ال 92 المروحه تشتغل على السرعه التانيه..
ولو فيه تسريب او هوا فى دورة التبريد ممكن برضه تاخر المروحه يعنى ممكن برضه يكون فيه خرم فى الريدياتير او غطا الريدياتير مش محكوم..

**mohamedraof** · 17-04-2011 11:55 PM

المسؤل عن تشغيل السرعة الاولى والتانية مقاومة المروحة...حاول تتأكد الاول ان السرعه الاولى شغالة حتى لو بتقوم متأخر ودي بسيطة تعرفها لأن صوت المروحة بيكون هادي شوية مش زي السرعة التانية وفي الحالة دي الاحتمال الاكبر ان الدورة تكون واخدة هوا....لكن لو لاقيتها شغالة على السرعة التانية على طول يبقى احتمال كبير تكون المقاومة عاوزة تتغير ودي سهلة جدا ممكن اي كهربائي يركبهالك في ثواني وتمنها تقريبا 50 جنية...

**mikology** · 18-04-2011 12:04 AM

الله ينور لا اجمل ولا اروع

**DONYO** · 18-04-2011 09:26 AM

المشاركة الأصلية كتبت بواسطة mohamedmmm2

غير الترموستات الاول هاتلاقيها سرعتين اكيد الاولى باظت لان الاولى بتشتغل على المروحه السرعه الاولى ولما الحرارة تعدى ال 92 المروحه تشتغل على السرعه التانيه..
ولو فيه تسريب او هوا فى دورة التبريد ممكن برضه تاخر المروحه يعنى ممكن برضه يكون فيه خرم فى الريدياتير او غطا الريدياتير مش محكوم..

المشاركة الأصلية كتبت بواسطة mohamedraof

المسؤل عن تشغيل السرعة الاولى والتانية مقاومة المروحة...حاول تتأكد الاول ان السرعه الاولى شغالة حتى لو بتقوم متأخر ودي بسيطة تعرفها لأن صوت المروحة بيكون هادي شوية مش زي السرعة التانية وفي الحالة دي الاحتمال الاكبر ان الدورة تكون واخدة هوا....لكن لو لاقيتها شغالة على السرعة التانية على طول يبقى احتمال كبير تكون المقاومة عاوزة تتغير ودي سهلة جدا ممكن اي كهربائي يركبهالك في ثواني وتمنها تقريبا 50 جنية...

اشكركم جدا ايها السادة المحترمين على اهتمامكم الغالي...

انا متأكد ان السرعة الاولة شغالة لكن بتشتغل متأخر يعني عند النص تقريبا والاول كانت بتشتغل قبل كدة بشوية صغيرة.
وانا خدت للعربية الهوا بنفسي من دورة التبريد وما فيهاش هوا خالص ..... هو بس الملحوظة ان كوعة الترموستات عندي بتسرب ميه خفيف يعني بتاخدلها حوالي كوباية مياه متوسطة كل يوم بس مزي ما قلت مافيش هوا في دورة التبريد .
مع شكري

**mohamedraof** · 18-04-2011 12:50 PM

ممكن لو المية قليلة تخلي المروحة تشتغل متأخر...جرب كدة والمية مظبوطه وشوف المروحة اية نظامها...وياريت تحاول تغير الكوعة ومتستناش عليها علشان تقدر تحدد العيب فين بالظبط لان ممكن يكون مبيدخلش المية مظبوط ودة هيسخن العربية معاك زيادة..

**mohamedraof** · 18-04-2011 01:07 PM

المشاركة الأصلية كتبت بواسطة mikology

الله ينور لا اجمل ولا اروع

احنا تلامذتك يا مايكل باشا

**DONYO** · 18-04-2011 02:19 PM

المشاركة الأصلية كتبت بواسطة mohamedraof

ممكن لو المية قليلة تخلي المروحة تشتغل متأخر...جرب كدة والمية مظبوطه وشوف المروحة اية نظامها...وياريت تحاول تغير الكوعة ومتستناش عليها علشان تقدر تحدد العيب فين بالظبط لان ممكن يكون مبيدخلش المية مظبوط ودة هيسخن العربية معاك زيادة..

اشكرك يا باشا على اهتمامك وهغيرها ان شاء الله.

**mohamedmmm2** · 20-04-2011 03:16 PM

خد باللك ان الفيات دورة التبريد بتاعتها ضغطها عالى جدا يعنى لو مش محكومه كويس اكيد هاتاثر على الحرارة.. اتاكد ان مفيش اى تسريب.. وغير الكوعه هى اللى مبرجله العربيه اكيد