الموضوع: شاكك فى حاجات موجوده فى اللوجان لازم الكل يدخل

المشاركة الأصلية كتبت بواسطة elshaky

يا جماعه انا شاكك فى حاجات كتيره فى اللوجان
بجد هنتكلم عن واحده واحده

اول حاجه abs اكيد فيها abs المفروض ان الابى اى اس هى فرامل مانعه الازنزلاق وسهوله التحكم فى السياره اثناء الفرامل ازاى يعنى يعنى لما تفرمل ممكن تيجى يمين وشمال بالعربيه من غير ما تتزحلق على الطريق وتتقلب
حصل معايا موقف فى ميكروباص وقف مره واحده وانا على سرعه 100 روحت فرملت جامد وجيبت الدريكسيون شمال بعد كده يمين لقيت العربيه لا تزحلقت ولا حاجه وكان راكب معايا واحد خبير عربيات قالى ال abs عندك جميل المهم قولتله دى مافيهاش قالى ازاى المهم قولت افتى قولتله يعنى مش الابى اس دى لما تفرمل جامد العربيه تقف بسرعه قام قالى مين اهبل قاللك الكلام ده وشرحلى ازاى عمله والحمد لله بقيت فرحان اكتر

تانى حاجه عفشه العربيه دى اكيد رياضيه على عفشه عاديه مش ممكن ناعمه اوى اوى وبتدى ثبات عالى اوى اوى ازاى نفسى حد يقولى بجد

الى الناس اللى بتقول العربيه مش شبابى وبتاعت جرى انا بقول عكس الكلام ده وعن تجربه انا شاب صغير وبفهم فى السرعه اوى والسحب واللى مضايقنى اوى ازاى يبقى الماتور 8 صباب وسحب العربيه رهيب ومخيف مش قادر اوصفلكم بجد بشد وغرز وسرعه عاليه وكله تمام التمام ومفيش الهوا فى الثبات الثبات اكتر من ممتاز
كنت الاول بحس ان العربيه بتميل لما باخد ملف على سرعه عاليه دلوقتى ولا الهوا ومبقتش بحس انها بتميل مع انى زودت السرعه

ثالت حاجه وهى الاهم السياره دى لازم تتحط فى فئه اعلى من فئه اللانوس والفيرنا العربيه دى يجب ان تقارن بالنيو اكسنت والريو وهذه الفئه

اخر شئ والاهم ايضا هذا رأى وانا مقتنع به ومراهن ان الناس هتوافقنى الرأى وياريت الكل يقول رأيه بكل صراحه

اسف على الاطاله

العربية مفيهاش ABS بس فراملها ممتازة و عفشتها ممتازة و كل ده بيصب في ثبات العربية سواء في السرعة العالية او في الفرامل المفاجئة

تفسير الثبات العالي اعتقد و انا بفتي في الحتة دي لو حد يقدر يقولي اذا كنت صح او غلط هي الAero Dynamics بتاعة العربية و معناها على حد مانا فاهم الهواء بيتعامل ازاي لما بيخبط في العربية في السرعات المختلفة فمثلا القصة دي تلاقيه في بعض العربيات السيتروين زي الC5 بيبقى فيها سبويلر مش شكل لأ ده ليه وظيفة بتختلف باختلاف السرعة و زوايا بحيث انو لما يجي الهواء يخبط فيه يزود ثبات العربية عن طريق حاجة اسمها الDown Force يعني يخلي الهواء ضاغط على العربية من ورا علشان يزود ثباتها ميخليش ديلها يلعب و اعتقد ان ده سبب ان العربية من قدام تحسها نازلة و طالعة على عالي في الشنطة

ده حتى الشيفروليه كمارو مش عاملين الdownforce دي على سبويلر او حاجة كدة لأ دول عاملينها مثلا في الكساحات بتاعة العربية من ورا و هكذا ...

فالفكرة كلها في الهواء اللي على العربية ده اللي بيخلي عربية اثبت من الثانية بالاضافة لوزنها و لعرضها و حاجات تانية كثيييييييير جدا بس اهمها ال aerodynamics

بس خلينا نتفق على ان كل حاجة و ليها حدود و حدود عربيتنا علشان نبقى في الامان هي ال130 و بلاش غرز ضيقة بيها و كدة علشان ربنا يسلم لأني مقتنع ان العربية دي عربية عائلية من الطراز الاول و ممكن تبقى رياضية بس مش stock لازم يتعمل عليها تعديلات علشان تبقى رياضية على حق ربنا =)