رشيت الفانوس بس محتار

**Bassem Taha** · 01-05-2011 03:32 AM

انا رشيت الفانوس من جوه اسود مطفي و شكله النهائي حلو بس انا محتار في حاجه و يا ريت تساعدوني فيها
ده شكل العاكس اللي قدام بعد ما رشيته

اسيبوا علي كده ولا اكمل و اعملوا زي الفوانيس دي

انا اللي محيرني هوانا لو كملت رش الحته اللي فاضله دي اللي علي شمال العاكس هل ده ممكن يقلل الاضاءة ولا الاضاءة بتعتمد علي العاكس اللي عند اللمبه بس ؟؟؟؟

**evram** · 01-05-2011 07:23 AM

انا شايف شكلوة كدة حلو اوي اوي و شيك جدا

**ahmedzizo131** · 01-05-2011 08:33 AM

بسم الله الرحمن الرحيم
كويس اوى لحد كدة
مترشش اكتر من كدة
سوال ؟؟
انتى اللى رشة بنفسك؟؟
و اية نوع الاسبرى و بكام ؟؟؟

**HOSSAM99** · 01-05-2011 08:47 AM

السلام عليكم و رحمة الله
ما شاء الله كده تمام جدا و بارك الله فيما رزق
و منتظريين منك صور و هو راكب و منور النور الصغير
و تقول لنا رشيت بأبراي أيه و الخطوات و أزاي عزلت أجزاء العواكس عن الأسبراي

و لو عايز تعمل حاجه حلوه دور علي وشين للفانوس يكونوا شفاف كريستال مش المضلع أو حاول تصبهم عند حد بتاع فوانيس

**Bassem Taha** · 01-05-2011 12:56 PM

المشاركة الأصلية كتبت بواسطة ahmedzizo131

بسم الله الرحمن الرحيم
كويس اوى لحد كدة
مترشش اكتر من كدة
سوال ؟؟
انتى اللى رشة بنفسك؟؟
و اية نوع الاسبرى و بكام ؟؟؟

اوك انا هسيبه علي وضعه
اه انا اللي رشيته بنفسي
و ده الاسبراي اللي رشيت بيه و كنت رشيت بيه الاكصدام من قدام كمان و بيثبت حلو و مش بيطلع

الاسبراي بــ 6.5 من أي حد بتاع بويات

**Bassem Taha** · 01-05-2011 01:20 PM

المشاركة الأصلية كتبت بواسطة HOSSAM99

السلام عليكم و رحمة الله
ما شاء الله كده تمام جدا و بارك الله فيما رزق
و منتظريين منك صور و هو راكب و منور النور الصغير
و تقول لنا رشيت بأبراي أيه و الخطوات و أزاي عزلت أجزاء العواكس عن الأسبراي

و لو عايز تعمل حاجه حلوه دور علي وشين للفانوس يكونوا شفاف كريستال مش المضلع أو حاول تصبهم عند حد بتاع فوانيس

الاسبراي انا حطيت صورته فوق اما الخطوات فا دي سهله أوي
حضرتك هتفك الفانوس و تاخدو البيت
وبلاش حكاية انك تفتحوا بالفرن دي لأن لو نسيتوا فيه شوية هيسيح منك من تحت هي محصلتش معايا بس في ناس اشتكت من الحكاية دي و لغت الفكرة خالص لأنها خافت علي الفانوس

انا جبت السيشوار ومسكت الفانوس و مشيت واحده واحده عليه والسيليكون بدأ يفك
هتسيب السيشوار و بمفك عادي صغير تبدأ تفتح بيه الفانوس لحد ما يفتح معاك خالص و خلي بالك لأنك ممكن تلاقي مسمار صغير من جوه انا لقيتو في فانوس الدايو اللي ماسك العاكس الامامي هتفكوا و هتلاقي الفانوس فتح تماماً

ولو علي حكاية ازاي عزلت باقي العاكس عن الاسبراي سهله برده حضرتك هتجيب سولتيب عادي و هتحطوا علي الحافة بتاعت العاكس من جوه و تفضل ماشي بيه عليها
و دي صوره للتوضيح

زي ما حضرتك شايف الخطوط الحمرا دي هو مكان السولتيب والخرابيش دي مكن تبقى تحط فيها ورق جرايد أو قماش اللي يريحك و متوفر عندك
شوية ملحوظات : 1- حضرتك ممكن ترش العاكس ده كله مش شرط تعمل التحديدات دي انا عملتها لأني فكرت ان لو انا رشيتو من جوه كمان الاضاءة هتقل بس انا شوفت ناس كتير رشته كله عادي و علشان كده انا لسه محتار .
2- و حضرتك بترش خلي الاسبراي علي بعد 10 سم علشان ميسيلش و يسيب بقع و لو حصل و سال منك عادي رش تاني هيظبط معاك

اما بالنسبة لحكاية الصور حاضر بكره ان شاء الله من عنيا

**m7mda7md** · 01-05-2011 02:04 PM

كمل رش يا باشا الحته دي ملهاش دعوه بالنور و رأيي ان الفانوس التاني احلي...بصراحه طريقه الفرن اسهل بكتير انا عن نفسي استخدمتها ونا بعمل فوانيس الفيرنا

**tarekmomo** · 01-05-2011 02:25 PM

كدة شكلة جااالمد

**Bassem Taha** · 01-05-2011 02:32 PM

المشاركة الأصلية كتبت بواسطة m7mda7md

كمل رش يا باشا الحته دي ملهاش دعوه بالنور و رأيي ان الفانوس التاني احلي...بصراحه طريقه الفرن اسهل بكتير انا عن نفسي استخدمتها ونا بعمل فوانيس الفيرنا

خلاص هكملوا ان شاء الله وانا بعمل angel eyes كمان يومين كدا

**m7mda7md** · 01-05-2011 03:20 PM

المشاركة الأصلية كتبت بواسطة tiktaktok2008

خلاص هكملوا ان شاء الله وانا بعمل angel eyes كمان يومين كدا

دي شكلها ايه دي هههههههههههههههه

الموضوع: رشيت الفانوس بس محتار

LinkBack

أدوات الموضوع

عرض

رشيت الفانوس بس محتار - انشر الموضوع فى :

-

-

-

-

-

-

-

-

المواضيع المتشابهه

رشيت الجنوط

هو أنا لو رشيت نص أمامي يكلف قد إيه

رشيت الجنط الحمد لله -صور-

سوال مهم جدا لو رشيت العربية

رشيت الفانوس الأمامي و ركبت رينجات بنفسي لـ gen-2

الكلمات الدلالية لهذا الموضوع

المفضلات

المفضلات

ضوابط المشاركة