الموضوع: مياه رادياتير بونتو كلاسيك

هى المية اللى نازلة فيها لونها أحمر, فأعتقد انك ممكن تشتريلها مية حمراء برضو تزود منها (شوفتها بتتباع قبل كدة) و مش عارف ممكن تزودلها مية خضرا ولا لأ
و نصيحة ممكن تبقى عارفها, لو هتفتح غطا الردياتير يبقى الصبح قبل ما تدورها تماما و هى باردة علشان ما يدخلش هواء فى دورة التبريد

المشاركة الأصلية كتبت بواسطة moe86

و نصيحة ممكن تبقى عارفها, لو هتفتح غطا الردياتير يبقى الصبح قبل ما تدورها تماما و هى باردة علشان ما يدخلش هواء فى دورة التبريد

لأ الحقيقة ماكنتش أعرف الموضوع ده طب أنا دلوقتي المرة الوحيدة اللي فتحت الرادياتير كانت العربية دايرة بقالها 5 أو 10 دقايق كده بس الميه ما كنتش بتغلي يعني , ده ممكن يكون عمل مشكلة ؟؟ و لو لا قدر الله عمل أعمل فيها ايه ؟؟

طيب موضوع الميه ده لو مالقتش الحمراء دي لأني ما شوفتهاش قبل كده أزود ميه مقطرة عادية و خلاص ؟؟؟

المشاركة الأصلية كتبت بواسطة moe86

هى المية اللى نازلة فيها لونها أحمر, فأعتقد انك ممكن تشتريلها مية حمراء برضو تزود منها (شوفتها بتتباع قبل كدة) و مش عارف ممكن تزودلها مية خضرا ولا لأ
د

أنا كمان معايا بونتو كلاسيك بس المية عندي لونها أصفر ومش عارف ألاقي حد بيبيعها
هو الألوان دي تدل على إيه أصلا ؟؟

المشاركة الأصلية كتبت بواسطة mhosam

أنا كمان معايا بونتو كلاسيك بس المية عندي لونها أصفر ومش عارف ألاقي حد بيبيعها
هو الألوان دي تدل على إيه أصلا ؟؟

هو انت موديل كام ؟؟ و بتعرف لون الميه ازاي أصلا ؟؟ أنا مش عارف عندي لونها ايه

ههههههههههههههه..
انتو اكيد بتهزرو صح ؟؟..
مية ايه اللي مزودتهاش من يوم ماجبت العربية .. ده انا بزود المية علطول هو ده غلط ولا ايه دا كده يبقي انا كنت بتعامل مع موتوسيكل دا كل أسبوع بزود مية بيسموها خضراء المفترض ان دي مابتعملش ترسبات علي حد قول بتاع الرداتير.. صحيح مش بملي الريداتير يعني لكن بزود شوية يعني لتر او اتنين حاجة زي كده
لو مستوي المية بيقل بعد السفر او بعد أستخدام اسبوع معناها ان في مشكلة ياريت حد يقولي
يعني انتو قصدكم ان مستوي المية ده المفروض ماينزلش ولا ايه انا مش فاهم ولو كده يبقي لما يقل معناه مشكلة ولا تسريب ولا ايه ...

اه ونسيت حاجة كمان ...
معلوماتي بتقول ان المفروض ماتزودش مية والعربية باردة علشان كده ممكن وش السلندر يضرب ..
يبقي ازاي مفتحش غطا الردياتير والعربية دايره ...
أصلا الردياتير فيه جزء فارغ بعد علامة أقصي منسوب للمياة عشان يكون في هواء .. والله أعلم ويارت لو الكلام ده غلط حد يصححلي لان مش عندي خبره ..

أولا لون المياة بيدل على الاضافات اللى فيها, بتبقى كيماويات مهمتها عدم تكوين صدء جوة الردياتير خصوصا انه بيتعرض لحرارة عالية بتسرع من عملية الصدء
الكيماويات بيبقى ليها مهمة تانية انها تقلل الboiling point نقطة الغليان فبتساعد المياة فى مهمتها الأساسية
برة مصر فى البلاد اللى فيها تلج بيزودوا anti-freeze علشان المياة ماتتجمدش جوة الردياتير قبل ما تدور العربية بدرى

الكيماويات دى تركيبتها و نسبتها تختلف من منتج للتانى, علشان كدة يفضل تزود مياه من نفس اللون علشان مايحصلش تفاعلات بين كيماويات مختلفة

فى الكتالوج مكتوب ان المياة "المفروض" تشيك عليها كل 5000 كيلو, يعنى فى المتوسط مرة كل 3 شهور, دة بإفتراض ان مافيش تسريب تماما و الغطاء حالته ممتازة و مقفول كويس جدا جدا

ومهندسين التوكيل زمان هما اللى قالولى على موضوع ان فتح غطاء الردياتير دة يفضل يبقى الصبح, علشان لو حبيت أزود مياة تبقى مش مشكلة. لأن لو زودت مياة ساقعة بالمقارنة بالموتور السخن و العربية دايرة, هيحصل تشقق فى أجزاء من الموتور (مش فاكر اية هى)

و حاجة تانية كمان ان دورة التبريد فى البونتو "دايرة مغلقة" مش زى العربيات القديمة, يعنى لو دخلها شوية هواء مش هتشتغل بكفائة و العربية تسخن كل شوية

يا أستاذ حازم لو زودت مياة مرة قبل كدة و العربية دايرة بقالها 10 دقايق زى ما بتقول , يبقى غالبا مافيش هواء دخل فى دايرة التبريد, و اتمنى أبقى وضحتلك الصورة

و بالنسبالك يا taiwo ممكن يبقى فى تسريب بسيط لو المياة بتقل جامد, التسريب ممكن يبقى مصدره أفيز سايب أو وصلة كاوتش قديمة فشققت و لا حاجة
تابع مستوى المياة كل يوم الصبح من علامة الmax لل Min و قولنا بتاخد وقت أد اية, لأن أنا فاكر لما كانت عربيتى جديدة زودتها شوية مياة مرة واحدة بس فى أول 10,000 كيلو !

[quote=moe86;3873
تابع مستوى المياة كل يوم الصبح من علامة الmax لل min و قولنا بتاخد وقت أد اية, لأن أنا فاكر لما كانت عربيتى جديدة زودتها شوية مياة مرة واحدة بس فى أول 10,000 كيلو ![/quote]

تمام كده بس اللي ماعرفتوش برضه هي دلوقتي العربية ما بقالهاش حاجة ماعملتش أصلا 300 كيلو , و أنا مش عارف الميه اللي فيها حمرا ولا خضرا ولا صفرا أزودها ميه مقطرة عادية و خلاص ولا أسيبها كده و هما يتصرفوا ف صيانة ال 5000 كمان 6 شهور ولا حاجة ان شاء الله