سؤال عن فيات تيبو وارجو الرد السريع من وحوش الفيات

**HAMZAWY** · 21-05-2011 02:58 AM

انهاردة روحت اتفرجت على عربية فيات تيبو موديل 92 موتور 1400 وزجاج امامى كهربا وتابلو ديجيتال وفابريكة دواخل والتكيف محتاج سربنتينة وخراطيم وماشية 150 ألف كيلو والراجل طالب 29 ومصمم عليهم

ايه رايكم فيها وياريت لو تقولولى هل قطع غيارها متوفرة ورخيصة ولا لأ وهل بيمشى مثلا عليها قطع غيار الاونو ولا التيمبرا ولا هى مالهاش دعوة بالاتنين دول

انا المفروض اخلص فيها بكرة فياريت تردو عليا فى السرييييييييع

**heshamzaky** · 21-05-2011 03:23 AM

أنا معايا فيات تيبو و فيات تمبرا على فكرة .
التمبرا و التيبو حاجة واحدة تماما الفرق الوحيد فى شكل الفوانيس الامامى و الخلفى و الشبكة و حجم اقل حوالى 25 سنتى تقريبا .
العربية دى نادرة و قليلة جدا جدا أنت لقيتها فين اساسا .
العربية ممتازة جدا جدا جدا و لو أنت من هواة التعديل ممكن تعمل فيها أى حاجة بسهولة جدا
لو اساسيات العربية سليمة و دة مهم جدا لان الى راكب تيبو بيسوق بسرعة شويتين لانها تنافس الجولف .
لو العربية سليمة و مش متهانة خلص فيها طبعا دون ادنى تردد السعر بتاع العربية اقل من امكانياتها بكتير

**heshamzaky** · 21-05-2011 03:25 AM

لو معاك رقم الشاسية اديهولى اقولك تفاصيل العربية دى اية .
و العربية كاربراتير و لا أنجيكشن

**HAMZAWY** · 21-05-2011 03:41 AM

المشاركة الأصلية كتبت بواسطة heshamzaky

لو معاك رقم الشاسية اديهولى اقولك تفاصيل العربية دى اية .
و العربية كاربراتير و لا أنجيكشن

هشام باشا كنت متاكد انك اول واحد حترد عليا
الف شكر ياكبير
ححاول اجيبلك رقم الشاسيه بكرة الصبح
هى موتور كربراتير واللى راكبها تاجر لسة شاريها من ظابط طيار والتاجرمش فاهم اى حاجة فيها حتى مايعرفش ان اسمها تيبو بيقولى دى اونو معوقين
بس هل عندك فكرة الموتور ده يخرج كام حصان وهل كل قطع الغيار حتبقى نفس التيمبرا ماعادا الفوانيس ؟؟

**heshamzaky** · 21-05-2011 03:51 AM

بقولك معايا تيبو يعنى عارف العربية كويس جدا هههههههههههه
طبعا هى التمبرا ماعد الاكسسوارات يعنى لو جبت 4 أبواب تمبرا يركبو بالظبط الشنطة و الكبوت و الرفارف و الفوانيس طبعا مختلفين بس موجودين برضو
العفشة و الموتور و نظام الكهرباء واحد بالميللى
أغلب الظن العربية داخلة معاقين
الموتور لو سليم عفى جدا جدا أنا غيرت الموتور ال 1400 و مركب موتور 1600 سى سى
الموتور تقريبا 74 حصان بالتقريب لازم ابص فى الكتالوجات بس مش أقل من ال 70 حصان و العربية ونها 1030 كيلو تقريبا .
الغطاء بتاع الشنطة فيبر على فكرة دة الوحيد الى غالى فى الهيكل الخارجى بتاعها
أى سؤال يجى فى بالك اسألة حا أجاوبك على قدر معرفتى .
انا فضلت ادور على تيبو اكتر من 7 شهور لان الحالة النظيفة منها حالات نادرة و العربية اساسا قليلة جدا و الى بيشتريها بيبقى فاهمها و بيدور عليها بملقاط