سؤال علي السريع التكييف يا وحوش ؟

**nour_nrc** · 03-05-2011 05:34 AM

معلش سؤال ؟
النهاردة كنت ماشي بالعربية وكنا ستة في العربية التكييف ما كانش عامل حاجة اللي قدام طبعا كان لحد ما كويس بس الناس اللي قاعدة ورا مش حاسة بيه
مش عارف ممكن علشان العدد زيادة ولا ايه؟ ممكن علشان النفس كتيير في العربية ؟

تاني حاجة بعد مانزلوا صحابي شغلته علي 2 وكنت ببرد ارجع لواحد نفسي بقي افهم ايه الموضوع

كملت وركبت معايا مراتي وابني وواحدة صديقتنا كنت مشغل التكييف علي 2 مخلي العربية تمام كلها

هو ده بقي ايه اللي بيحصل؟

وهو زرار التبريد اقصي تبريد ليه يكون وضعه ازاي ؟

**Dr.Karim Emam** · 03-05-2011 08:15 AM

أقصى تبريد طبعا و هو على 4 و على آخر اللون الأزرق
بس طبعا 6 أفراد كتير على التكييف و خصوصا ان الجو كان حر جدا امبارح و غير كده من تسلسل الأحداث واضح انه كان الظهر فطبعا صعب جدا انه يسقع العربية بالشكل المطلوب

**amrelzawawy** · 03-05-2011 03:25 PM

مش حكايه عدد الحكايه ان وحده التبريد مفيش ورا زى عربيات كتير يعنى مخارج التكييف قدام بس عشان كده تلاقى قوه الهوا عاليه لتعويض عدم وجود مخارج خلفيه يعنى عشان اللى قاعد ورا يحس بالتكييف لازم يكوون على الاقل على 3 كمروحه او 4 بالنسبه للتبريد