الموضوع: مشكلة استهلاك بنزين زائد فى النوبيرا 2

مش ممكن يكون حاسس الشكمان عندك بايظ (حساس الاكسجين ) كشفت على العربية بالكمبيوتر لان انا سمعت ده لو بايظ بيقصر على استهلاك البنزين

المشاركة الأصلية كتبت بواسطة samoreception

مش ممكن يكون حاسس الشكمان عندك بايظ (حساس الاكسجين ) كشفت على العربية بالكمبيوتر لان انا سمعت ده لو بايظ بيقصر على استهلاك البنزين

انا قولت للميكانيكي وقلي لو الحساس ده بايظ هيبان ان فى حرق زيادة فى العربية وهيبان ع البوجيهات و هيبان فى الدخنه وهيبان معايا من صوت الموتور والكلام ده

وانا بصراحة حاسس ان العربية مظبوطه جدا

وكمان مفيش اى حد اعرفه عنده كمبيوتر

انا عاوز اماكن حد عنده كمبيوتر و حد عنده اختبار كبس موتور وتبريد وتكييف

ويكون اقرب ما يمكن من منطقة شبرا او القليوبية

يبقى فعلا الحل الوحيد قدامك كشف كمبوتر وان شاء الله الموضوع يطلع بسيط

http://www.nilemotors.net/Nile/49079...post3876093196

المشاركة الأصلية كتبت بواسطة smalltoto10

السلام عليكم

انا معايا نوبيرا 2 2001 (لسه شاريها من اسبوعين) مانيول

وغيرت الأتي:
1- بوجيهات (ركبت بوجيهات بيرو فرنساوي 1 شمعة والبوجيهات القديمة طلعه بيضاء)
2- فلتر هواء
3- سلوك بوجيهات
4- نظفت البوابات
5- العربية مش بتغيب فى الدوارة
6- العربية مش بتطلع دخنه سودا من الشكمان
7- سحب العربية ممتاز (من اول منا ختها وسحبها كدا مش عارف بقا .. انا عملت اختبار تسارع وصلت لـ 100 كيلو فى 16 ثانية وبنقل عندrpm4000
8 - مفيش اى ريحة بنزين فى الصالون والطلمبة تمام ملهاش صوت غير الزنة الى ف الأول و مفيش اى رشح ووصلات البنزين كلها مظبوطه
9- صوت المكنة كويس جدا وناعم وانا بحط بنزين 92 وحطيط مرة منظف رشاشات stp وحرقت عليه ونفس النظام فى الاستهلاك
10- روحت لواحد بتاع شكمانات رفعلي العربية وقلي تمام مفيهاش اخرام ولا اى حاجه بس مصفاة علبة النص عاوزه تتغير بس مش لازم هيا هيبقا صوتها عالي شوية وخلاص .. وقلي علبة البيئة لو فيها حاجه او كاتمه العربية السحب هيبقا صعب معاك ومش هتعرف تطلع مطالع .. فالعربية بالنسبة للشكمان كويسة جدا
11- انامجتش جمب سير الكاتينه بس صاحب العربية قلي انه مغيره من 10 الاف كيلو .. وبيقولي استهلاك البنزين كويس بس هو مش حاسبه وملوش ف الكلام ده

كل اما اروح لميكانيكي ويفك ويشوف يقولي موتورك زي الفل ده احسن من مواتير كتير جايبه زيت وخفيفة و بتاع ويقولي الحساسات سليمة لان مفيش دخنه خالص والبوجيهات طالعة سليمة ..

- العربية بتعمل حوالي 135 - 140 كيلو فى الصفيحة (20 لتر) ..

نظام مشاويري يوميا:

بمشي حوالي 23 كيلو رايح و 23 كيلو جاي يعني حوالي 45 كيلو منهم حوالي 15 كيلو بالكتير زحمه والباقي على سرعه 60 مثلا متوسط

مشغل التكييف فى كل المشاوير من اول ما اطلع لغاية اما ارجع

- محدش يقولي اختبر ع طريق سفر والكلام ده .. انا مفيش عندنا طرق فاضية خالص وعشان اختبرها لازم يبقا بليل خالص وانا مش برتاح للسواقة الليلة اوي .. وانا كدا كدا عاوزها تتظبط ع نظام مشاويري مش فى السفر

- هي كدا ممكن يكون سير التقسيمة مش مظبوط او عاوزه رودية صبابات .. واعرف منين بقا اعراض الحاجات ديه لان الميكانيكة بيقولوا الموتور تمام ؟ .. ولا ممكن تكون الرشاشات عاوزه تتغير بس لسه مجبتش ف دخنه و تسويد بوجيهات (فى اولها يعني)

- مفيش اى حد اعرفه عنده اسكانر خالص .. انا ساكن فى قليوب

الحمد لله على كل حال

http://www.nilemotors.net/Nile/49079...post3876093196