الموضوع: هل يمكن مقارنة اللوجان بالفيرنا و اللانوس ؟!!!!!

طبعا كلنا ملاحظين ان فيه ناس جايه تقارن اللوجان بعربيات تانية ..
و متخيلين ان عشان اللوجان نفس الفئة السعرية بتاعة اللانوس و الفيرنا و الافيو .. تبقى زيهم
و لما واحد من الاعضاء مشكورا قال ان اللوجان افضل من النيو اكسنت و الاوبترا .. بعض الناس اعترضت و قالتلك شوف دى بكام و دى بكااام..
احب اقول لكل الناس دى حاجة واحدة:
اللوجان سعرها فول اوبشن 70,000 جنية اه .. بس ده من غير جمارك
و الجمارك بتبقى فى حدود 40% من تمن العربية .. يعنى اللوجان لو كانت نزلت بجمارك زى باقى العربيات دى كانت هتبقى بـ98,000 جنية !!
ايوه 98,000
فمعلش احنا اللوجاناوية راكبين عربية اوروبى و بـ98,000 جنية و اكتسحت السوق فى سنتين بالظبط و نزل معظم قطع غيارها برة التوكيل بأسعار تنافسية..
اللهم لك الحمد و الشكر :):)
مش محتاجين نرد على حد بقى

المشاركة الأصلية كتبت بواسطة mosomodo

يا جماعة اللوجان افضل من حيث الامكانيات و الاداء دون النظر لسعرها (عموما انا اعرف واحد عندهم اللوجان والانوس وهو مقتنع ان اللوجان افضل)

والانوس والفيرنا محترمين و لهم سوقهم وده وجهات نظر.

اكيد يا باشا ..
و الدليل ان لسه فيه ناس بتسيب اللوجان و تشترى اللانوس او الفيرنا و مقتنعين بيها و شايفين انها احسن..
بس احنا برضه من حقنا نكون شايفين عربيتنا احلى عربية
و لازم برضه نرفع معنويتنا شوية بعد ما شفنا كذا موضوع يرفعوا الضغط بصراحة..
عموما اللى معاه عربية ربنا يباركله فيها و يبعد عنه شرها