تقرير صيانة الـ 5000 في مركز العدوي بالمنصورة .. عاوز رأيكم يا وحوش

**faresattar** · 06-06-2011 04:17 PM

أعزائي ...
أنا عملت صيانة الـ 5000 في مركز العدوي بالمنصورة .. وعلشان اكون موضوعي هاقولكم على ايجابيات وسلبيات المركز علشان خاطر لوجانية الدلتا ... وارجو من الساده الاعضاء اللي عملوا صيانة في التوكيل إنهم يقيموا التقرير ويعرفونا المركز كويس ولا التوكيل احسن ..

أولاً: الإيجابيات
ـ استقبال محترم جداً من كافة الموظفين.
ـ مفيش زحمه .. يعني لو صحيت الصبح عايز تعمل صيانه ممكن تروح على طول.
ـ في كل مكان في المركز ورقة مكتوب عليها رقم مدير المركز للشكاوى.
ـ ممنوع الاكراميات نهائياً (وانا مش عارف دي ايجابية ولا سلبيه) علشان انا حسيت ان الصنايعيه بيشتغلوا من غير نفس ( الاكراميات ساعات بتضبط المسائل برضه).
ـ كافتريا بحائط زجاجي لمتابعة السيارة (بس محتاجه نظافه ومش مكيفه .. بصراحه مقدرتش اشرب الشاي اللي جابوهولي لأن الكبايه شكلها ميطمنش)
ـ انا طلبت شد الفرامل شويه لأنها كانت ضعيفه (شدوها بس مرجعتش زي الأول)
ـ النور عندي كان مشتت (ضبطوه وخلوه عشره على عشره واشتغلوا فيه مده كبيره)
ـ ربطوا العفشه بس محستش بتأثير كبير .

ثانياً: السلبيات
ـ ميعرفوش حاجه عن المنتدى بتاعنا (أنا مستغرب جدا من الموضوع ده لأنه المفروض يكون عندهم اطلاع دائم على مشاكل العملاء من خلال المنتديات)
ـ عملوا غسيل الماكينة بالفوم بمبلغ 65 جنيه وانا سمعت انه اقل من كده في التوكيل.
ـ معرفوش يصلحوا الصفارة اللي بتيجي بعد سرعة الـ 100 وانا اتفاجأت ان المهندس اللي هناك مش عارف عنها حاجه وبيقولي اني اول واحد يشتكي من الموضوع ده !!!!!!!!!!!!!!!!!!!
ـ غسلوا العربية من بره بس غسيل أي كلام وقالوا ان ده غسيل مجاني (يعني علشان مجاني لازم يتقلب ولا ايه ..!!!!)

في النهاية عايز رأيكم ... ولو حد عمل حاجه تانية في صيانة الخمسه يا ريت يقول علشان اخد بالي بعد كده ومحسش اني اتقلبت ... ومشكلة الصفارة دي حلها ايه ..

**engahmedamin** · 06-06-2011 05:53 PM

الاول يا باشا ربنا يباركلك فى عربيتك و عقبال ما تعمل بيها 100000000 كم
ثانيا بقى سؤال .. هل دول توكيل رينو ولا مركز خدمة معتمد ؟؟

**a7madahly** · 06-06-2011 06:29 PM

عقبال اما تعمل بيها10000000000000 وانا شايف اننا لو عرفنا مراكز الصيانه بامنتدى ويالذات لو اتكلمنا مع مديرى المراكز دى واد ايه احنا بنسيطهم.هيبقى مصلحه جامده

**MOUSTAFA_SAAD** · 06-06-2011 08:18 PM

الصفاره مش كل مراكز الخدمه عارفينها
هى محفوظه فى العامريه بس للاسف مش فاضى اروح اعملها وشكلى حاطنشها لانها مش مزعلانى اوى

**hysagm** · 06-06-2011 10:43 PM

الصفارة دى انا رحت العبور علشان اعمله بتاع الاستقبال كان بيستهبل عليه وانت قول واحد وكلام ده بس انا رديت عليه رد صعب شويه قلتله حضرتك دخله قسم السمكره واكتب العيب هما عارفين هيظبطو قفل الكبوت وفعلا واتظبط تمام ولو ان موظف الاستقبال كان مضيقى منى شويه بس المهم ياباشا خدو منك كام انا كنت كلمتهم علشان العازل والصفاره قلولى تيجى ونشوف لكن مش مجانى فستنيت شويه لغيت مرحت العبور

**faresattar** · 07-06-2011 02:56 PM

المشاركة الأصلية كتبت بواسطة hysagm

الصفارة دى انا رحت العبور علشان اعمله بتاع الاستقبال كان بيستهبل عليه وانت قول واحد وكلام ده بس انا رديت عليه رد صعب شويه قلتله حضرتك دخله قسم السمكره واكتب العيب هما عارفين هيظبطو قفل الكبوت وفعلا واتظبط تمام ولو ان موظف الاستقبال كان مضيقى منى شويه بس المهم ياباشا خدو منك كام انا كنت كلمتهم علشان العازل والصفاره قلولى تيجى ونشوف لكن مش مجانى فستنيت شويه لغيت مرحت العبور

مخدوش حاجه .. الصيانه مجانيه .. بس خدوا خمسه وستين جنيه علشان غسيل الماكينه بالفوم