علبة البيئة (بولو 99)

**shekoz** · 15-06-2011 09:48 PM

السلام عليكم و رحمه الله و بركاته

من كام يوم و انا طالع بالعربية الصبح و بدون اى مقدمات لقيت صوت غريب طالع من العربية زى ميكون صوت الشكمان بيحك فى الارض نزلت ابص كده ملقتش اى حاجة, شوية و بعد مدققت فى الصوت طلع الصوت جى من ناحيت الكبوت قدام قمت رايح للميكانيكى و بصلى على العربية من تحت و لقيته بيقولى الصوت ده جى من الشكمان و ملوش دعوة بالموتور.

المهم رحت لواحد بتاع شكمانات لقيته بيقولى دى علبة البيئة بايظة و كانت متصلحة قبل كدة و فاضية مافيهاش فحم! ف هنحتاج نفكها و نعملها حاجة اسمها ماصفة و شعر و هترجع تانى كويسة (الراجل واثق من نفسه اوى و بيقولى لو حصلها حاجه انا اضمنهالك 5 سنين) طب يا عم بكام الليلة دى لقيته بيقوللى 300 جنيه من هنا لهنا رسيت على 200 جنيه, برضه انا مش واثق فى الراجل ده فرحت لواحد تانى قاللى لازم تتغير و ان موضوع المصفة و الشعر ده ملوش لازمة و هيركبلى واحده جديدة بس مصرى ب 120 جنيه و قاللى الصوت هيعلى معاك شوية بس هتبقى ماشية معاك زى الفل مفيهاش حاجة.

دلوقتى حد يقدر يفيدنى اعمل موضوع المصفة و الشعر ده ولا ملوش لازمة و سعره كده كويس ؟؟ ولا اغير علبة البيئة و اجيب العلبة المصرى دى ولا العلبة المصرى دى هتكتم العربية او هتعلى صوت العربية جامد او فيها اى ضرر للعربية ؟؟ ولا اشوفلى واحدة استيراد ؟؟ و تمنها ممكن يبقى فى حدود كام تقريبا والاقيها فى الوكالة ولا عند مين ؟؟

يا ريت لو حد فاهم فى الموضوع ده يفيدنى.

**windofchange** · 15-06-2011 11:26 PM

استيراد اعتقد صعبة تلاقيها الا بقي لو واحد جايب بولو 99 كاملة قطعية كاملة وده صعب شويه وهي بتتباع جديدة اكيد عند ابواليزيد وممكن تلاقيها اعتقد فوق ال300 جنيه واعتقد المصري ملهاش لازمة والله اعلم فروح ابواليزيد وشوف النظام ايه وليهم كذا فرع وهي بتركب شكمانات في عربيات كتير عاليه زي الجيب والهيونداي وكذا واحدة تانية وهتلاقي عندهم علب مصري وعلب امريكي من شركة والكر غير كده ملقتش عندهم ممكن تركب ماسورة نفس القطر مكان العلبة خد باللك من نفس القطر دي لأن ممكن يستسهل ويركب واحدة اصغر عاشق ومعشوق من ماسورة الشكمان العادية وده يكتم الموتور اكيد

**SYD** · 16-06-2011 02:29 PM

المشاركة الأصلية كتبت بواسطة windsofchange

استيراد اعتقد صعبة تلاقيها الا بقي لو واحد جايب بولو 99 كاملة قطعية كاملة وده صعب شويه وهي بتتباع جديدة اكيد عند ابواليزيد وممكن تلاقيها اعتقد فوق ال300 جنيه واعتقد المصري ملهاش لازمة والله اعلم فروح ابواليزيد وشوف النظام ايه وليهم كذا فرع وهي بتركب شكمانات في عربيات كتير عاليه زي الجيب والهيونداي وكذا واحدة تانية وهتلاقي عندهم علب مصري وعلب امريكي من شركة والكر غير كده ملقتش عندهم ممكن تركب ماسورة نفس القطر مكان العلبة خد باللك من نفس القطر دي لأن ممكن يستسهل ويركب واحدة اصغر عاشق ومعشوق من ماسورة الشكمان العادية وده يكتم الموتور اكيد

1111111111111+

علبة البيئة لو باظت مش بتتصلح وحوار المصفاة دة بجد هو الي هيعلي صوت الموتور
صحيح هو هيخلي درجة الحرارة اقل والعربية تسحب اكتر بس مش هترجع بيئة تاني و200 جنيه اشتغال عالي قوي
المصري هتبقي نفس السيناريو بالظبط هتعلي صوت االموتور وهتخلي الحرارة أقل وسحب العربية اعلي
جرب روح مصنع ابواليزيد في اكتوبر وهما عموما بيصنعوا علب لماركات كتيرة جدا فعلا من ضمنها جيب وهيونداي وسوزوكي ونيسان وماركات تانية كتير بس مش عارف من ضمنهم فولكس ولا لاء
بس انت مش هتخسر حاجة لو سالت
مؤقتا الغي العلبة البيئة وركب علبة مصري (مصنع اسكندرية) هتلاقيها في حدود 90 جنيه بالتركيب لحد لما تجيب علبة البيئة من ابواليزيد
لما تركب علبة عادية صوت الموتور هيعلي سنة وفي البداية هتحس كأنك بتفخ في ماسورة وبتعمل صوت هوااااا
هتتعود علي صوتها ماتقلقش
وعلبة البيئة الاصلي لن تقل باي حال من الاحوال عن 800 جنيه وماتجبهاش استيراد

والله المستعان
،
،

**SYD** · 16-06-2011 05:36 PM

المشاركة الأصلية كتبت بواسطة m.mostafa80

روح لأبو اليزيد فى اكتوبر واسال على البشمهندس رضا وقوله على مشكلتك وهترجع من هناك مبسوط جدا وواخد ضمان على الشغل فى عربيتك
وبالنسبه لسؤال syd بيشتغلو فى العلب الخاصه بفولكس وفى منها المستورد والمصنع عندهم ومحترمين جدا فى شغلهم وبيضمنوه وناس فاهمه هى بتعمل ايه ولو رجعتلهم بشكوه بيحلوهالك بدون اى اعتراض وفى الضمان لو خاصه بالجزء اللى انت صلحته
وعلى فكره علبه البيئه لو مستورده وعلبة بيئه يعنى جواها الفحم مش هتقل عن 1200 جم
لكن هما عندهم حاجه اسمها رنان بيركب بيهدى صوت الموتور ويفرق فى سحب العربيه

شكرا للأيضاح محمد مصطفي وجزاك الله خير

**M.Mostafa80** · 17-06-2011 12:33 AM

لو اكتوبر بعيد عليك ممكن تروح فرع العباسيه بيتهيئلى يبقى قريب بالنسبالك

**shekoz** · 17-06-2011 05:29 PM

الحمد لله خلاص الموضوع اتحل , رحت من شوية لراجل بتاع شكمانات تبع واحد صاحبى و قاللى ان المصفة اللى كانت معمولة فيها حتة مكسورة و لحمهالى و الصوت رجع طبيعى تانى الحمد لله ..
شكرا لكل اللى رد على الموضوع و جزاكم الله خيرا.

**M.Mostafa80** · 18-06-2011 12:30 AM

حمد الله على السلامه

**shekoz** · 18-06-2011 01:25 AM

الله يسلمك يا باشا :)

-

-

الموضوع: علبة البيئة (بولو 99)

LinkBack

أدوات الموضوع

عرض

علبة البيئة (بولو 99) - انشر الموضوع فى :

-

-

-

-

-

-

-

المواضيع المتشابهه

علبة البيئة

علبة البيئة!

علبة البيئة

علبة البيئة

علبة البيئة

الكلمات الدلالية لهذا الموضوع

المفضلات

المفضلات

ضوابط المشاركة