انا لسه جديد فى المنتدى وقلبت شويه فيه ولقيت مواضيع الجولف 4 - 1400 cc قليله اوى
عايزين وحوش الجولف يدونا تفاصيل العربيه دى مميزاتها , عيوبها , اسعار قطع غيارها ..... كدا يعنى
واي حد معاه العربيه دى يحكيلنا عن مواقفه معاها وانا هابتدى باول موضوع :
امبارح علبه البيئه كانت بتعمل شخلله جامد اوى والراجل قالى الفحم اللى فيها اتكسر ولازم تتغير عشان الفحم ميدخلش للعلبه التانيه او التالته وبدل ما تبوظ علبه واحده حاجه تانيه تبوظ معاها
قالى الحل : يا نجيب علبه بيئه ودا مش متاح حاليا فى السويس ولازم ننزلها الحرفيين , يا اما نحظ فلتر شعر بس صوت الموتور هيعلى شويه ( ودا اللى انا عملته ) , يا اما هنزل علبه الفحم ونفضيها ونحطها تانى عشان بس الفحم ميسرحش للعلب اللى بعديها
عرفت من الميكانيكي بتاعى ( معاه جولف 4 ) ان نفس المشكله كانت عنده وهو اشترى شكمان كامل من الحرفيين والراجل اداهولو ب 1200 ( دا عشان خاطره طبعا ) وقالى علبه البيئه لوحدها ممكن تعمل 800 - 900 جنيه
انا حطيت الفلتر الشعر مؤقتا لحد لما ربنا يفرجها ونجيب علبه البيئه
انتظرونى فى موضوع حساس الكرنك