تقرير صيانة 1000 كيلو بكيا سيرفس المعادى

**kmatrex** · 28-06-2011 06:55 PM

الاخوة الاعزاء بصراحة انا كنت مقلق شوية من حكاية الضمان الخليجى وخصوصا ان التجربة السابقة لى كانت نيسان صنى وتوكيل السبع بالمعادى وكانت هذة المرة اول تجربة لى فى كيا وكمان ضمان خليجى انا كنت شارى الضمان من شركة اسمها AAA وبصراحة كنت منسق مع المهندس محمد السيد مدير بيع الضمان ان يقوم بالتوصية على فى الضمان (اصل احنا ضربنا صحبية مع بعض ) وبصراحة كلمتة والراجل متاخرش قالى روح مركز الصيانة وكلمنى من هناك وبعدها ب نص ساعة فوجئت بوجودة (شخصية مرحة ومحترمة جدا ) المهم نيجى بقى للشغل والمهم

1-استلام السيارة طريقة محترمة وبنفس طريقة الوكيل السبع السايق بالنسبة للنيسان بصراحة وجدت نفس الطريقة المحترمة وكشف السيارة والملاحظات وشرح ماسوف يتم عملة وكماب بالتكلفة (كنت مفتقد هذة الجزئية فى السبع ) وكمان اى ملاحظات او متطلبات خاصة مثل الغسيل -النتروجين -الخ المهندس كان ظريف واسمة احمد سمير على فكرة الملاحظة لى كانت المرايا الخاصة بالسائق بتصفر صوت عالى مزعج

2- بعد الاستلام وكانت السيارة رقم 3 على الدخول ذهبت الى الاستراحة هى محدنقة حبتين بس بصراحة منظمة ومكيفة واهم حاجة نظيفة يوجد بها 2 شاشة LCD واحدة لمتابعة السيارة داخل الورشة والثانية للمشاهدة البرامج

3 دخلت السيارة للعمل الصيانة تغيير زيت 10.000 شل وتغيير فلتر -تربيط عفشة -مراجعة السوائل - الخ

4- غسيل الموتور بالفوم والمياة انا كنت مستغرب موضوع المياة وسالت المهندس قالى لا تقلق احنا عارفين بنوجة المياة بطريقة معينة وفى الاخر احنا المسئولين امامك

اثناء متابعتى للغسيل والسيارت السابقة فوجئت بعدم وجود الغطاء العلوى للماتور حيث انة موجود فى السيارت السابقة وبسوالى للمهندس احمد افاد بان الخليجى 2012 الاردنى لاتاتى بهذا الغطاء وسالتة عن اهميتة افاد بانة مهم حيث يقوم بغطاء الرشاشات والجزء العلوى للماتور وبصراحة طلبت تركيبة فقام بطلبة وتركيبة فى خلال 15 دقيقة طبعا دة برة الحساب وادى 350 جنية ظهرو بالنسبة لى فجاءة

5- بعد غسيل الماتور والذى منة 350 طبعا خرجت السيارة للغسيل الخارجى وبصراحة اتغسلت بضمير جانب مركز الخدمة

6- نيجى باقى للملاحظة الوحيدة الى عندى وهى مراية السائق وهنا كانت المفاجاءة ان صوت الصفارة دة عيب فى المرايا ولازم تغيير هنا ونقطة باقى ومن اول السطر

طبعا انا مكدبش عليكم اتخديت وقمت ناديت للمهندس محمد السيد اية يابو حميد الكلام دة احنا متفقناش على كدة اقلى متقلقش هاغيرهالك على حساب الضمان لان دة عيب فى مريات السيراتو كدة باقى الكلام باقى تمام وبرجوع الى المهندس احمد مسئول المركز افاد بانة سوف يقوم بطلبها وان شاء الله تركب فى خلال يومين ان شاء الله

يارب اكون اقدرت اوصل التقرير بصورة سليمة ومش مملة حيث انة اول تقرير لى بصحبة سيادتكم واخص بالشكر المهندس محمد السيد مدير مبيعات الضمان السيد احمد مدير مركز الخدمة على التعاون وحسن الضيافة

والسلام عليكم ورحمت الله وبركاتة

**ابو ليلى** · 28-06-2011 07:13 PM

تقرير متميز وفيه نقطة اكيد كانت غايبة عن ناس كتير

موضوع غطاء الماتور اللى بيكون مش موجود فى الاردنى ...( كده الناس تبقى واخده بالها )

منتظر منك بس الاسعار بالتفصيل ...وده يعتبر تانى تقرير عن المركز والانطباع الى الان جيد

محمد السيد شخصية محترمة وعاوز اقلك انه ساعدنى فى ايام ما كانت عندى مشكلة فى السيراتو

والمفاجاة انى مكنتش شارى ضمان من الاساس ...ومع ذلك الراجل كان بيحاول يحل معايا مشكلتى

انا شايفك يعنى مش حاطط السيراتو فى ضمن بياناتك ....انت مش عاوز تكون من نمور كيا ولا ايه

**pirlo2000** · 28-06-2011 09:42 PM

عقبال صيانة المليون.... مفروض اروح انشالله السبت الجاي صيانة الاف....

**kmatrex** · 28-06-2011 09:51 PM

المشاركة الأصلية كتبت بواسطة pirlo2000

عقبال صيانة المليون.... مفروض اروح انشالله السبت الجاي صيانة الاف....

يافندام ان شاء الله تروح بالسلامة وشكرا على رد حضرتك وبجد المجموعة هناك كلها محترمة وذوق وانا تحت امرك فى اى استفسار عموما للعلم التكاليف كالاتى :
260 زيت شل 10.000 كم
35 فلتر زيت
غسيل شامل 30 اختيارى
25 نتروجين اختيارى
150 مصاريف الصيانة ودى مجانا للمشترى ضمان شركة aaa

وبالتوفيق ان شاء الله

**omar-saad** · 29-06-2011 03:49 AM

ربنا يباركلك فيها
وعقبال صيانة ال10000000000000 ك
بس سؤال
انهى الاثبت
النيسان ام السيراتو

**revel_sony** · 29-06-2011 10:54 AM

الف مبرووك وعقبال صيانه ال100000
فعلا ناس محترمه ومحل ثقه
واي حد محتاج اي حاجه من المركز ده
انا معنديش مانع اروح معاه وعرفه بالناس هناك

**pirlo2000** · 29-06-2011 02:02 PM

المشاركة الأصلية كتبت بواسطة kmatrex

يافندام ان شاء الله تروح بالسلامة وشكرا على رد حضرتك وبجد المجموعة هناك كلها محترمة وذوق وانا تحت امرك فى اى استفسار عموما للعلم التكاليف كالاتى :
260 زيت شل 10.000 كم
35 فلتر زيت
غسيل شامل 30 اختيارى
25 نتروجين اختيارى
150 مصاريف الصيانة ودى مجانا للمشترى ضمان شركة aaa

وبالتوفيق ان شاء الله

الف شكر علي المعلومات يا باشا

**kmatrex** · 03-07-2011 12:22 AM

المشاركة الأصلية كتبت بواسطة pirlo2000

الف شكر علي المعلومات يا باشا

يافندام تحت امرك وشرفت
وان شاء عند تغيير المرايا سوف اشارككم بالنتيجة

مع الشكر

**pirlo2000** · 03-07-2011 12:44 AM

النهاردة الحمدلله عملت صيانة الاف في كيا سرفيس ......
روحت بدري دخلت تالت عربية و خلصت في نص ساعة ...
والغسيل خدله ييجي نص ساعة...
المركز محترم و خدمة نظيفة يارب يفضل دائما كده...
الاسعار بالضبط زي ما قال kmatrex..... ربنا يجازيه الخير....