الموضوع: صور من ماليزيا

المشاركة الأصلية كتبت بواسطة M7amD_7amDy

طب كنت قول وكنت هاجى بالسيراتو معاك :d

بس صور جامدة يامعلم وياريت بقه تكلمنا شوية عن الرحلة

يعنى تكاليف ومصاريف هناك والشرا هناك نظامه ايه وكده يعنى

هى الاقامة هناك كانت غالية جدا بس علشان كنت قاعد فى berjaya times square (اللى هو اخر صورة) وواخدين زى شقة فندقية كدا اسمها تقريبا brooklyn suite بس كانت ما شاء الله كبيرة يعنى 100 متر مثلا وكانت بحوالى 2700 فى الليلة وكمان فطار لاربع اشخاص بـ 240 وانترنت 24 ساعة بـ 90 يعنى تقريبا كانت بـ 3030 جنيه .. بس اعتقد دلوقتى هتكون اغلى عشان الصيف .. بس هناك فى فنادق كتير اوى وباسعار اقل من كدا بكتيييير وكويسة باردوا.

الشرا هناك حسب المكان يعنى فى اماكن زى سيتى ستارز كدا وفى اماكن عادية وفى اسواق بقى زى central market واسواق صينية وماليزيا وحاجات كتير يعنى.

كمان خلى بالك متخدش كذا شنطة معاك وانت رايح علشان فى المطار بينفعش تطلع توقف تاكسى كدا ويوصلك لازم تحجز تاكسى من المطار او متفق مع حد مسبقا .. يعنى احنا كنا 4 افراد ومعانا كذا شنطة دافعين حوالى 450 جنيه عشان التاكسى يوصلنا للفندق.

والمطاعم والاكل لازم يبقى عليهم علامة "حلال" عشان تبقى الحاجة تبع الشريعة الاسلامية.

فى حاجة كمان مش كل الاماكن هناك بتقبل بالدولار يعنى قليل اوى لازم رنجت .. الجنيه المصرى هناك ملوش لازمة ومش بيتصرف ولا بيتغير من الصرافة هناك