الموضوع: واخيرا تم تغيير الفتيس

تم و بحمد الله تغيير الفتيس بالكامل في الضمان بدون تكلفه و في وقت قياسي في اعلى مركز خدمه فنيا السبع بزهراء المعادي و تحت اشراف المهندس مدير الصيانة المحترم الخلوق مهندس / محمد عبد المنعم و تم تجربة السياره لمده 3 ايام و الحمد لله كله تمام

اما بخصوص بخرة الزيت الي كنت بلاقيها على الموتور من تحت الجوان بتاع وش السلندر على البلوك فالمهندس / محمد عبد المنعم قالي انه عادي كل الزيرو كده عشان المواتير دي بتيجي محطوط عليها شحم خفيف عشان متصديش في الميناء لحد ما تركب بالذات ان البلوك زهر فمع السخونيه بواقي الماده دي بتتبخر و تعمل زي الزيت و تلم تراب

على العموم هما غسلولي الموتور فوم و الي غسله المهندس محمد عبد المنعم نفسه و دي مبتحصلش و اودام عيني كمان

انا طبعا عارف ان غسيل الفوم مش هايطلع بواقي الماده دي من اول غسله فساعات بلاقي حاجات بسيطه بمسحها و الحمد لله

طبعا انا سالته مينفعش يتغسل بجاز قالي الجاز يبوظ الكاوتشات الي في الموتور من قواعد و خلافه فممكن في صيانة الخمسة الاف نغسله تاني مش مشكله

المهم انا مبسوط الحمد لله

و شكرا لمركز السبع على المعامله الطيبه و شكرا نيسان ايجبت :)

و شكري الجامد اوي لاجمد اعضاء و صقور نيسان هنا لانهم كلهم فضلوا معايا للاخر و الي في ايده حاجه كان بيقدمها و اخص بالشكر الاستاذ:/ أحمد بك مصطفى
لان هو الي فضل متابع مع بتوع التوكيل لغاية ما الفتيس جه بجد الراجل ده معددي

المشاركة الأصلية كتبت بواسطة bluemaneg

ربنا يباركلك في العربية و في الفتيس الجديد

بس هل دفعوك حاجة ولا كل شئ كان تبع الضمان

لا كله تبع الضمان