السلام عليكم شباب
انا هقول ف موضوع دا تجربتي مع حاجه عملتها في عربيتي وعايز اعرف ليها اضرار ؟؟ ولا لأ وايه السر فيها مطولش عليكم نخش في الموضوع

اولا عربيتي شاهين مو 96 1300 سي سي مش معدل فيها حاجه غير فلتر رياضي وبوجيهات Ngk

طبعا شوفنا الديفيل اللي بيفتح ويقفل بيرموت كدا وفكره عمله .........وطبعا لارتقاع سعره اللي بيوصل ل 1850 جنيه فانا قولت انفذ الفكره بنفسي واعملها ودا فيديو للديفيل دا لو محدش يعرفه

‪Varex remote control muffler.‬‏ - YouTube

بس فكرتي كانت فكره تاني وهيا اني أجيب ماسوره تاني بنفس حجم الماسوره بتاعه العربيه واوصلها علي الماسوره الاصليه اللي رايحه للشكمان العادي يعني أخد وصله من قبل العلبه الاخيره ,,,,,,,,,, واوصل عليها ديفيل الناحيه التانيه يعني زي فرعين شجره كدا
وأعمل بقا بوابه علي أول كل ماسوره وليها مسمار من برا ألفه يدوي أِقفل ناحيه العادي واشغل الديفيل أو العكس
وعملتها وتمام التمام بس ظهرت كام مشكله اني البوابه مستحملتش ضغط العادم وبقت بتفتح في الناحيتين لك لو قفلتها جامد بتقفل


وطبعا كانت النتيجه تسارع عجيب + التاني بقا يوصل معايا ل 80 وممكن اخش علي 100 لأن 80 بكون حارق اه بس لسه فيه شويه كمان + الصوت مش عالي أوي نتيجه ان العادم متقسم علي العلبه العاديه وعلبه الديفيل ,,,,,,,,ف صوته كان حلو ومش عالي اوي لدرجه الازعاج مع العلم كمان اني مشلتش العلبه اللي ف نص

بعدها حصلت ظروف وشيلت الليله دي كلها ورجعت بقا "ركبت الديفيل لوحده بس وكانت النتيجه"

فرق شاسع بين المره الاولي والمره التانيه التسارع مش زي الاول + الديفيل صوته عالي بغباء + حسيت ان المكنه هتفوت مني لما اقرص عليها ودا غير المره الاولي طبعا المره الاولي كنت بقرص عليها وانا مرتاح ومفيش مشاكل

دي كانت تجربتي ومستني الأراء فيها واسف علي الأطاله