رقم العضوية : 70727
تاريخ التسجيل : 16May2010
المشاركات : 67
النوع : ذكر
الاقامة : ِAlexandria
السيارة: بفكر فى موتوسيكل
السيارة[2]: Renault Clio 1.2 16V
دراجة بخارية: waiting
الحالة :
عايز اشترى عربية فى حدود 40000
المهم انا اختصرت الأختيار مابين
كيا ريو 2002 او الأكسنت 2000
انا عايز عربية كاملة يعنى تكييف سنتر زجاج
وعربية تكون سيدان معمرة فى قطع الغيار ومشاكلها قليلة واستهلاك البنزين قليل علشان حعمل مشاوير كتير
هو ميش فارق معايا اوى اعادة سعر البيع الهم انها تكون عربية محترمة
برجاء المساعدة لأنى محتار جدا بصراحة.
يعنى ايه المميزات والعيوب فى الأختيارات
رقم العضوية : 83574
تاريخ التسجيل : 15Dec2010
المشاركات : 1,534
النوع : ذكر
الاقامة : cairo
السيارة: O.VectraC- P.406II
السيارة[2]: S.Felicia- L.Dedra
دراجة بخارية: no
الحالة :
السلام عليكم
أحب أنقل لحضرتك النصيحة من واقع خبرة شخصية، أنصح حضريك بالتفكير واعطاء الأولوية للأوروبي بصفة عامة قبل الياباني ثم الكوري، وده لأسباب كثير منها معاملات الأمان والثبات على الطريق وكفاءة المحرك والتقفيل والتجهيزات والفخمة للأوروبي تغلب دائما عندما نقارن الفئات المتساوية. وطبعا في أي حال يتم الفحص المتأني والدقيق، وبعد ذلك أنصحك بالتالي:
1- رينو كليو الشكل الجديد من 2002 حتى 2004 مانيوال 1200 او 1400 كلاهما موتور 16 صباب و 1400 اقوى صالون واسع وشنطة واسعة جدا وتتميز بثبات عالي في السرعات توفير وقود ملحوظ صالون شيك وسادة هواء وطبعا تكييف وباور وسنتر وزجاج أمامي قطع غيار أغلى من الكوري بس معمرة ومعظمها أوروبي مش صيني.
2- بيجو 405 أواخر التسعينات ولغاية 2001 مثلا 1600 مانيوال معدل استهلاك وقود عالي إلى حد ما في الزحام موفرة في السفر، قوة ملحوظة وثبات على الطريق لغاية 170 عن تجربة، صالون واسع عفشة قوية عالية وشنطة واسعة تتحمل الاستخدام الشاق، تكييف وباور وسنتر وزجاج أمامي، قطع غيار متوسطة السعر ومعمرة.
3- ميتسوبيشي لانسر 96-97 1300 مانيوال جميع الكماليات متوسطة الحجم قطع غيار رخيصة ومتداولة منخفضة على الأرض موفرة في الوقود شنطة مناسبة صالون متوسط ناعمة لاتتحمل الخدمة الشاقة ولكن أفضل من جميع الكوري ثابتة نسبيا فب السرعات العالية
4- أوبل فيكترا أواخر التسعينات مانيوال 1600 قوية ثبات عالي شنطة كبيرة قطع غيار غالية جدا والصيانة ليست سهلة إعادة بيع صعبة
5- هيونداي أكسنت 2000-2001 مانيوال 1300 او 1500 وطبعا 1500 افضل صالون متوسط وشنطة متوسطة خفيفة اقلهم ثبات قطع غيار رخيصة ودارجة لا تتحمل الخدمة الشاقة
6- رينو ميجان 99 فرنسي 1600 جميع الكماليات قوية قطع غيار غالية صالون وشنطة كبيران عالية غير منتشرة بشكل واسع
أفضلهم من وجهة نظري رقم 1 و 2 و3 وبالتوفيق
المفضلات