إجراءات شحن العربية من الإمارات لمصر نهائيا

**HEMADARKMAN** · 10-08-2011 12:51 AM

السلام عليكم ورحمة الله وبركاته

يا جماعة عندي استفسار دقيق شوية ايه هي اجراءات شحن العربية من الامارات لمصر شحن نهائي يعني مش نازل اجازة وراجع بيها تاني لا انا عاوز ابعتها مصر خالص كمان عاوز اعرف ايه هي الاوراق المطلوبة من الامارات هنا في هذا الشأن يا ريت لو حد يعرف يفيدني اكون شاكر جدا ليكم

العربية نيسان تيدا موديل 2009 وانا اول مالك ليها

موتور 1600 سي سي هاتش باك سوداء فول اوبشن بدون فتحة سقف ومثبت سرعة

مسجلة في مرور امارة دبي

**rompo10** · 10-08-2011 03:51 AM

نصيحه اوعي تشحنها لان الجمارك رفعت جامد خالي لسه منزل كورولا 2006 من شهر بالظبط وكان المفروض هايدفع 28 او 30000 الف بالكتير اوي راح يخرجها من السويس قالوا هادفع 44000 ليه ياجماعه قالوا الين الياباني رفع استني شويه

**محمد عز** · 10-08-2011 08:29 AM

اللى أعرفه ولكن ليس تأكيدا

انك بتروح تجيب شهادة من مرور دبي انك أول مالك

وبعد كده تروح بالشهادة مكتب التصديق فى الخارجية الامارتية وتصدق الشهادة ده

وبعد كده تروح السفارة المصرية بالشهادة تصدقها وهم بيقولولك باقى الاجراءات

اما الجمارك فاعمل حسابك على 50 ل 55 الف جنيه

**raouf** · 10-08-2011 09:52 AM

اولا لازم تكون سجلت السيارة فى السفارة سنة تملكها يعنى سنة 2009
ثانيا بتاخد شهادة من السفارة ورخصة العربية ودفتر تربتيك وفقط عليك وعلى المنف> اللى هاتنزل منه مصر ارشح ليك الغردقة وانزل سايق العربية
فى الغردقة هاتخلص شوية ورق وهايديك نمر جمرك وورق تسجيل علشان تخلص فى الدراسة او المرور التابع له

لو مش هاتنزل سايق الافضل ان تتفق مع شركة شحن وهى هاتخلص ليك كل الورق

**HEMADARKMAN** · 11-08-2011 11:57 PM

متشكر علي ردودكم يا جماعة بس انا مش هنزلها دلوقتي انا هنزلها علي اول 2013 عشان تكون اقساطها خلصت يا رب يكون الجمارك ساعتها حنينة

الاخ رؤوف انا اول مرة اسمع اني لازم اكون مسجلها في السفارة لما جبتها جديدة دي ممكن توضحلي النقطة دي اكتر

**raouf** · 12-08-2011 01:41 AM

يعنى اعتقد والله اعلم ان السيارة دى مش هاتعرف تنزلها طبقا للقانون الحالى

يجب ان تتملك السيارة فى عام 2009 وتسجلها فى 2009
لان لغباء النظام السابق ماينفعش اجيب مثلا 2009 فى اول 2010 لازم اجيبها فى نفس السنة واسجلها وقت شراءها فى السفارة

**yousef1978** · 12-08-2011 01:56 AM

مش لازم تكون مسجلها في السفارة ولا حاجة

المهم تكون مالكها الأول في سنة الموديل أو في سنة قبل المخوديل يعني ممكن تكون مشتري موديل 2009 في عام 2008 لكن ما تشتريش موديل 2009 لو جه يوم 1 يناير 2010

بتجيب شهادة من المرور وتوثقها من السفارة ولو روحت أي مكتب بتاع شحن هيقولك على كل الإجرائات ولو عاوز تشحنها ممكن تلاقي شركة شحن توصلهالك من المصفح بأبو ظبي أو من دبي والشارقة وبتسلمهالك في جمرك السويس بتكلفة شحن 2100 درهم تقريبا

لو مش محتاجها في مصر دلوقتي ولو مش نازل نهائي أنصحك تأجل الموضوع ولو قدرت تبيعها بسعر كويس في دبي يبقى أفضل لأن الجمارك على الياباني عالية قوي والأوروبي هيبقى سعره وجمركه أخف

تحياتي

رمضان كريم

**omaroof** · 12-08-2011 01:09 PM

المشاركة الأصلية كتبت بواسطة yousef1978

مش لازم تكون مسجلها في السفارة ولا حاجة

المهم تكون مالكها الأول في سنة الموديل أو في سنة قبل المخوديل يعني ممكن تكون مشتري موديل 2009 في عام 2008 لكن ما تشتريش موديل 2009 لو جه يوم 1 يناير 2010

بتجيب شهادة من المرور وتوثقها من السفارة ولو روحت أي مكتب بتاع شحن هيقولك على كل الإجرائات ولو عاوز تشحنها ممكن تلاقي شركة شحن توصلهالك من المصفح بأبو ظبي أو من دبي والشارقة وبتسلمهالك في جمرك السويس بتكلفة شحن 2100 درهم تقريبا

لو مش محتاجها في مصر دلوقتي ولو مش نازل نهائي أنصحك تأجل الموضوع ولو قدرت تبيعها بسعر كويس في دبي يبقى أفضل لأن الجمارك على الياباني عالية قوي والأوروبي هيبقى سعره وجمركه أخف

تحياتي

رمضان كريم

كلام حضرتك مظبوط فعلا
انا روحت السفاره عشان اسجل عربيتى قالو موش لازم تسجلها لو حاتنزلها ابقى بس خد شهاده من المرور بأنك اول مالك ليها
وفعلا الجمارك الايام ده عاليه جدا بس ان شاء الله حاتنزل قريب لان الدكتور عصام شرف لما جه الامارات والناس كلمته على الجمارك وتخفضها قال انه حايحاول يخفضها شويه الفترة الجايه بس ده لازمله تعديل قانون وكدا

**HEMADARKMAN** · 18-08-2011 12:41 AM

المشاركة الأصلية كتبت بواسطة yousef1978

مش لازم تكون مسجلها في السفارة ولا حاجة

المهم تكون مالكها الأول في سنة الموديل أو في سنة قبل المخوديل يعني ممكن تكون مشتري موديل 2009 في عام 2008 لكن ما تشتريش موديل 2009 لو جه يوم 1 يناير 2010

بتجيب شهادة من المرور وتوثقها من السفارة ولو روحت أي مكتب بتاع شحن هيقولك على كل الإجرائات ولو عاوز تشحنها ممكن تلاقي شركة شحن توصلهالك من المصفح بأبو ظبي أو من دبي والشارقة وبتسلمهالك في جمرك السويس بتكلفة شحن 2100 درهم تقريبا

لو مش محتاجها في مصر دلوقتي ولو مش نازل نهائي أنصحك تأجل الموضوع ولو قدرت تبيعها بسعر كويس في دبي يبقى أفضل لأن الجمارك على الياباني عالية قوي والأوروبي هيبقى سعره وجمركه أخف

تحياتي

رمضان كريم

انا فعلا مشتريها في 2009 شهر 8 يعني قبل ما ادخل في 2010 بس الفكرة اني ماخدتش فاتورة بالعربي من الوكيل ومعملتش شهادة المرورهل ممكن اعمل الحاجات دي دلوقتي ولا ايه وبالنسبة للجمرك انا لسه هنزلها كمان سنتين علي 2013 وان شاء الله يكون الجمارك قلت ساعتها لان العربية حلوة ومستخسر ابيعها هنا بتمن بخس

رمضان كريم