الموضوع: عايز نصيحتكم في تركيب كاسيت للماروتي..

فيه البايونيير و الكينوود و الكلاريون هم دول الانواع اللي افضلهم
و حاول متسترخصش اوي عشان تجيب حاجة تعيش معاك و الافضل تخليك في البايونيير
و السماعات بايونيير او كينوود و هتجيب سماعات مدورة مش بيضاوي و بيتحطوا ع الرف ورا والراجل هياخد الرف يقصه ع اد السماعات الا بقي لو عايز تجيب رف و تشيل الاصلي سليم
و بالنسبة تركيب الكاسيت مش هيقص و لا حاجة هيركب عادي عندك القص هيكون في الرف للسماعات بس

و انا و عيلتي بنتعامل مع واحد من زمان من اكتر من 10 سنين عند نادي الشمس هو في الشارع اللي بين ميدان الحجاز و الالف مسكن بس مش فاكر اسمه بصراحة لو روحت هناك و سألت هيدلوك
هو محل كبيير و ليه مطلع بتقف عليه العربيات و انت لو عديت من قدامه هتعرفه عالطول

و هتلاقي الكاسيتات والسماعات كلها محطوطة قدامك و تختار و تعمل تست للصوت و اللي انت عايزه و شوف السعر اللي يناسبك

طبعا فيه ناس تانين كتيير بس انا بقولك اللي بنتعامل معاه من سنين و مفيش مرة خدت منه حاجة و طلع فيها عيب
و عنده كمان انذارات و سنتر لوك

اما بالنسبة الاسعار ده بيعتمد ع الحاجة اللي هتاخدها يعني السماعات مثلا كام وات و الكاسيت نوعه و موديله و امكانياته و هكذا عشان كده الافضل لك انك تنزل بنفسك و تشوف
انت ممكن بس تشوف الموديلات و الحاجة اللي هتاخدها و تعرف سعرها بالمصنعية و تسال هنا في قسم الصوتيات في الكماليات و الاكسسوارات عشان تعرف السعر تمام و لا لأ

المشاركة الأصلية كتبت بواسطة ggggggggg

الميزانية ٦٠٠ جنيه تقريبا ... وكنت حابب اعرف مكان شارع دمشق فين ؟؟ تقريبا في روكسي ولا فين؟

شارع دمشق في روكسي الشارع اللي ورا الحرية مول
و ده رسم بسيط يوضحلك مكانه
اتمني يكون واضح



و المبلغ يجيب سماعات مدورة و كاسيت حلو من بايونيير او كنوود اهم حاجة يكون الكاسيت و السماعات متناسبين
و الاستاذ beetleMOSH ممكن يفيدك اكتر مني في الموديلات عشان انا مليش في الساوند سيستم اوي :)

و بالتوفيق ان شاء الله