القول الفصل فى سخونية الميجان

**bio_reda** · 18-08-2011 06:58 PM

انا معايا عربية ميجان 2005 طبعا فى الصيف بتولع اما بشغل التكييف كالعادة دوغت علشان اقدر اعرف السبب ولازم نعرف ان بعض الصنايعية فى صقر قريش مش فاهمين حاجة وبيعملوا اى حاجة وهبتدى الحكاية لما العربية بتسخن لما افتح التكييف بعد نص اور ربع ساعة من تشغيله
1- فيه نوعين من الكولير ( المبرد بتاع الموتور اللى بيبقى فيه الترموستات و سنسور درجة الحرارة )
الأول فيبر وده اى كلام
الثانى المونيوم وده ميه ميه
عيوب الفيبر : ما بتقدرش تشيل الترموستات لما تبوظ (لازم تغير الكولير كله بحوالى 650 جديد اواستيراد)
ما بتقدرش لما الكوعة بتاعت الكولير تبوظ انك تغيرها ب 40 جنيه (لازم تغير الكولير كله بحوالى 650 جنبه جديد اواستيراد)
يعنى اى حاجة تحصل فى الكولير الفيبر هتغيروا كله
واعتقد ان ده شغل قطع غيار عملاه رينو علشان تكسب من تغييره كله

المونيوم كولير
ممكن تغير الكوعة لو باظت ب 40 جنيه
ممكن تشيل الترموستات اللى هى السبب الرئيسى فى سخونة العربية مع التكييف

خالى باك ان الفيبر تروح عند الميكانيكى يقلك انا دخلت الترموستات لجوه يعنى اكنها مش موجودة كذاب حصلت معاىا اقلى خلاص يا بيه انا زقتها لجوة وبعد كده العربية ولعت ولما غيرت الفيبر بالمونيوم لقيت صعب جدا انه يقدر يدخلها لجوه وما ترجعش تانى لو انت فعلا عايز تزنقه قوله شيلها خالص هيقلك ما ينفعش انا بزقها لجوه ويأخذ منك المعلوم طبعا وانت فاكر ان الترموستات اكنها مش موجودة وتروح تفكر فى اى حاجة تانية لما العربية تسخن تانى وتبقى المشكلة هى الترموستات انا بنصح الى حد عنده مشكلة فى سخونة العربية وعنده الكولير فيبر لازم يروح يغير الكولير الفيبر لألمونيوم ويشيل الترموستات خالص وبأذن الله هتدعيلى واى استفسارات انا فى الخدمة على فكرة انا مهندس اجهزة طبية يعنى مش كوفتكى
مع العلم انا معرفش كلمة الكولير دى الكلمة الدارجة الصحيحة ولا لأ لكن انا قولتلكم الوصف لقطعة الغيار واكيد كاكم عارفنها بالترموستات الموجودة فيها

**Rsarabia** · 19-08-2011 03:23 AM

يا ريس انا عندى نفس المشكلة دى بس هل تغييرها معناه انك كدا بتلغى مؤشر حرارة العربية و بالتالى لو سخنت انا مش هقدر اعرف انها سخنت و تحصل مشكلة كبيرة ؟؟

**bio_reda** · 19-08-2011 05:42 AM

انا مش قصدى على سنسور الحرارة انا بقول الترموستات (عبارة عن محبس بيفتح لما الماتور يسخن علشان يبرده ولكن ليس له اى تأثير على مؤشر الحرارة ) لأنه مش طالع منه اى اسلاك للكمبيوتر بتاع العربية وعايز اقولك الفايدة الوحيدة منه هى ان العربية بس الصبح فى الدوارة تسخن معاك بسرعة لكن ليس له اى فايدة تذكر وفائدته اقل من عيبه بكثير بالذات فى الدول مرتفعة درجة الحرارة ذى مصر وجرب قول للميكانيكى شيله ولما تشيله خالص ابقى قول اللى حصل

**gazzar91** · 19-08-2011 06:11 AM

المشاركة الأصلية كتبت بواسطة bio_reda

انا مش قصدى على سنسور الحرارة انا بقول الترموستات (عبارة عن محبس بيفتح لما الماتور يسخن علشان يبرده ولكن ليس له اى تأثير على مؤشر الحرارة ) لأنه مش طالع منه اى اسلاك للكمبيوتر بتاع العربية وعايز اقولك الفايدة الوحيدة منه هى ان العربية بس الصبح فى الدوارة تسخن معاك بسرعة لكن ليس له اى فايدة تذكر وفائدته اقل من عيبه بكثير بالذات فى الدول مرتفعة درجة الحرارة ذى مصر وجرب قول للميكانيكى شيله ولما تشيله خالص ابقى قول اللى حصل

تقليل زمن الوصول لدرجة الحرارة المثلى للتشغيل يقلل من استهلاك الوقود
أثناء الوصول لدرجة حرارة التشغيل .... الأداء أقل بكتير قوي.....
ده تلاحظه قوي في الشتاء

والله أعلم
في رعاية الله

**ecybrarian** · 19-08-2011 05:30 PM

انا بقى عندي حاجة غريبة جدا..التكييف عندي تاتش 8 سرعات..في آخر سرعتين فقط العربية ممكن تسخن في السلاتسية..يعني لما اقف في الزحمة مثلا مؤشر الحرارة يعلو..الغريب لو دوست بنزين وعليت الامبير مؤشر الحرارة يرجع يقل تاني!؟؟؟؟؟ وبالتالي لو طلعت من الزحمة موشر الحرارة يقل..ودا زي ما قلت في اعلى سرعتين فقط للتكييف!!!

**bio_reda** · 19-08-2011 06:31 PM

تقليل زمن الوصول لدرجة الحرارة المثلى للتشغيل يقلل من استهلاك الوقود
أثناء الوصول لدرجة حرارة التشغيل .... الأداء أقل بكتير قوي.....
ده تلاحظه قوي في الشتاء

ايوا حضرتك بتقول كلام زى الفل بس حضرتك بتكلم عن زمن قليل قوى فى الصيف وزمن اكبر شوية فى الشتاء بس بعد اما يوصل لدرجة حرارة التشغيل خلاص واللى انا اعرفه ان اللى بيقلل استهلاك البنزين هو السير على سرعات اعلى ولكن الحرارة ليس لها اى تأثير يذكر يعنى تأثير بسيط والعربية واقفة لسه بتسخنها بس لو حضرتك بتفكر كده يبقى خلاص ما تشغلش التكييف فى الصيف لأنه بردوا بيأخد استهلاك اعلى بكتير من اللى بتأخده العربية وهى بتسخن الصبح

**bio_reda** · 19-08-2011 06:36 PM

هو حضرتك شايا الترموستات ولا لأ وعايز اقول لحضرتك ممكن الترموستات دى تعلق فا متفتحش على طول وده ممكن يأثر على سخونية الماتور لكن بردوا انا عايز اعرف حضرتك الكولير فيبر ولا المونيوم
لو المونيوم شيل الترموستات خالص وجرب او غيرها بواحدة جديدة وجرب بردوا بس ا بعد عن الأستيراد حاول تجيب اصلى جديد من التوكيل ده احسملك وقوله ايه اللى حصل