رجعتلكوا بفيات برده يا Fiatians !

**karimalaa** · 18-08-2011 07:53 PM

الحمد لله ربنا وفقني و جبت بونتو كلاسيك....طبعا انتوا عارفين اني كان معايا باليو (أيوة ال1000 سي سي اللي من غير تكييف) ... بس والله والله الباليو لسه ما زالت روحها موجودة ... كل ما بافتكرها بحزن جدا جدا اني بعتها ... عشان ببساطة العربية تحفة شكلا و احساسا في السواقة .... و يا رب البونتو تبقى كده زيها .... اتمنى يعني.
و عشان أوفر ردود على ناس كتير.... أيوة....أيوة انا بعت فيات عشان أجيب فيات...و ان شاء الله لما ابيعها حجيب فيات!!!!
My favourite car is my next FIAT

**MNabeih** · 18-08-2011 09:21 PM

1000 مبروك ربنا يديك خيرها و يكفيك شرها,
جبتها زيرو واللا مستعملة؟؟
قوللنا شوية تفاصيل كدة, ربنا يباركلك فيها ان شاء الله

**JUVENTUS** · 19-08-2011 12:57 AM

الف الف مبروك ربنا يبارك لك فيها

**msd86** · 19-08-2011 02:01 AM

الف الف مبروك

**mohamedgamall** · 19-08-2011 03:10 AM

م مبروك

**karimalaa** · 19-08-2011 03:29 AM

الف شكر ربنا يخليكوا يا رب و ايوة جبتها استعمال موديل 2008 ماشية 25k فابريكة بالكامل و استبن ما لمسش الارض و زي الفل رخصة 3 سنين و تأمين شامل مصر للتأمين و طبعا ال 2008 ايطالي بالكامل و فيها فوجات و مساند رأس ورا و جنوط فيات سبور 14"
واللي احسن من ده كله اني اخدتها من واحد فياتاوي برده و محافظ عليها جدا و معاه لينياT-Jet و السعر 58k ومرضاش ينزل جنيه و طبعا لولا حالتها مكنتش دفعت...الحمد لله ربنا وفقني و ربنا يباركلنا جميعا في عربيتنا و يهنينا بيها و يبعد عننا العين