فورد فوكس 2010 عليها خصم ::الكامله ب140 الف جنيه ليه مش منتشره واعادة بيع سىء؟؟؟

**ENG\AHMED** · 31-08-2011 05:06 PM

المشاركة الأصلية كتبت بواسطة dramir1

ياريت لو تقولنا اخبار عفشتها ايه مع حضرتك في طرق مصرنا الحبيبه....هل بتحك في المطبات لو محمل ناس ورا؟؟
اخبار الثبات ايه في السرعات ؟

محملتش فيها كتير ورا علشان اجرب بس العربية ارتفاعها معقول
المرة الوحيد اللى حكت منى كان مطب عالى ووراة على طول نقرة وانا مكنتش واخد بالى فالما العجل اللى اودام نزل فى النقرة حكت غير كدة لأ
عفشتها كويسة مش ناشفة بغبا ولا طرية تقعد تتنطط , محجمة العربية كويس بالرغم من وزنها , العربية ثابتة جدا
جبت بيها 180 والعربية ثابتة جدا وكمان انظمة الثبات والفرامل ليها دور وانا كمان مركب جنط 17 طبعا منشف العربية زيادة حبتين بس مزود الثبات
اعتقد العربية سرعتها مقفولة على 180 او 190 مش فاكر لأنها مبتجبش اكتر من كدة بالرغم من ان ال RPM لسة فية

من الحاجات الرخمة وتعتبر مشكلة فى الفوكاس ترس البندكس بتاع المارش بيبوظ كتير , نورها الواطى حاسة ضعيف ممكن يكون احساس بس دة امرة سهل زينون او لمبات اقوى ولكن النور العالى كويس , العربية لو البطارية مفصولة مش هتعرف تفتح الشنطة ممكن تفتح ضهر الكنبة وتدخل زحف لكن الشنطة مش هتفتح لأنها كهربة وملهاش مفتاح , طبعا من الحاجات اللى trade mark فى الفورد الكابوت بيفتح بمفتاح العربية بس ودة زيادة تأمين للعربية , العربية لو هقارنها كصاج بالفكترا باعتبار انها معايا صاجها اخف شوية بس كمقارنة بالفكترا الجديدة معرفش بس مش معنى كدة ان صاجها خفيف (ممكن تكون الفكترا هى اللى صاجها تقيل شويتين :) ) يعنى لو هتقارنها بأى عربية يابانى او كورى واعتقد كمان حاجات فى الاوروبى صاجها اتقل , طبعا مش عربية شد وجرى لأن العربية تقيلة فا طلعتها تقيلة ولكن ادائها كويس وخصوصا لو بتستخدم 95 ودة حسب توصية الكتالوج اقل اوكتان 95 ولكن ممكن تمشى 92 من بعض البنزينات النضيفة ودة حسب كلام التوكيل بس طبعا على حساب الاداء وشوية تسقيف , سمعت ناس اشتكوا من الفتيس ولكن شكاوى قليلة جدا واعتقد انها سوء استخدام وخصوصا انها مينفعش تتقطر لو فرضا حصل عطل

العربية واسعة من جوة وعريضة

فى عربيتى كاسيت شرايط ولكن لة وصلة AUX و CD CHANGER CONTROL ولكن اللى هنا بتنزل CD , الكاسيت صوتة كويس جدا , ممكن تظبطة صوتة يوطى ويعلى مع السرعة

عندى الفرامل اودام وورا سكاكين اللى بتنزل هنا اعتقد ورا طبلة

مفيش عندى مخدع يد امامى ولكن موجود فى عربيات التوكيل

تكييفها معقول كويس

العربية اول دوسة على الريموت تفتح باب السواق فقط والتانية تفتح باقى الابواب كنوع من التأمين

لو فى اى حاجة مفتوحة فى العربية هتظهرك رسالة فى التابلوة تقولك اية المفتوح بالظبط اذا كان شنطة ولا كابوت ولا باب وهتقولك انهى باب

العربية معقدة مش بتاعة اى حد يمد ايدة

الخامات والتقفيل محترم

التوكيل موجود فية كل حاجة لغاية دواسات الارضية فورد والمنظفات الاصلية بتاعة فورد وكل الاكسسوارات بتاعتها الاصلية

**dramir1** · 02-09-2011 02:37 PM

مفيش حد معاه فوكاس 2010 يفيدنا اخبارها ايه؟؟؟

**ENG\AHMED** · 02-09-2011 03:56 PM

المشاركة الأصلية كتبت بواسطة dramir1

مفيش حد معاه فوكاس 2010 يفيدنا اخبارها ايه؟؟؟

الفوكاس من 2006 نفس العربية كل الفرق ان من اول 2009 عدلوا الواجهة الامامية ( كشافات واكصدام وشبكة ) والاكصدام الخلفى متعدل والكونصول اللى فى نص بين الكرسيين الاماميين فية تعديل بسيط (مجرد ترتيب للأماكن) ولون العدادات مختلف ومؤشرات السرعة وال rpm والمرايات الجانبية وفى خط طولى بجنب العربية بقى بارز شوية والمفتاح بقى folding
معظم الحاجات دى سهل انك تعملها فى الشكل القديم لأنها كلها حاجات ثانوية مش اساسية كلها مجرد عملية تجميل علشان يمدوها كام سنة عبال الشكل الجديد لما ينزل

والعربية كان فى منها 4 فئات كلها فروق اوبشنز (وسائل الامان واحدة فى كلة مفيش فيها فروق)
تريند مانيوال
تريند اوتو
سبورت اوتو
جيا اوتو

دلوقتى اعتقد الاسبورت والمانيوال اتشالوا

من ضمن الاوبشنز اللى نسيت اكتبها كمان
- اضاءة بدرج التابلوة
- فتحة تكييف لدرج التابلوة
- اوتو لوك لو فتحت اللوك ومفتحتش الباب بتقفل اوتوماتيك
- زجاج امامى عازل (اعتقد الامامى فقط مش متأكد من الباقى)

دول اللى فاكرهم دلقوتى وطبعا الجيا فيها حاجات اكتر بكتير

**ENG\AHMED** · 02-09-2011 04:00 PM

المشاركة الأصلية كتبت بواسطة haitham10

عجباني الفورد 2006 بصراحة بس مبلاقيش حد عارف حاجة عنها خالص ولا اسعارها في المستعمل فوق وتحت مفيش مقارنة فالواحد بيبقي مستعجب

محدش عارف لأن محدش بيسأل كلة جسمة بيقشعر من اسم فورد ومعظم الناس ماشية على السمع والكلام وبس انما محدش جرب ولا سأل

لما تبقى عربية زى دى وب 140 الف وكاملة , شوف انت اية اللى ب 140 وانت تعرف صفقة رابحة ولا لأ

**Eslam.Elrefaey** · 02-09-2011 04:20 PM

وكمان فيها ميزه جامده ان قطع غيارها تقريبا مشتركة مع مازدا 3 تقريبا

**ENG\AHMED** · 02-09-2011 04:58 PM

المشاركة الأصلية كتبت بواسطة eslam.elrefaey

وكمان فيها ميزه جامده ان قطع غيارها تقريبا مشتركة مع مازدا 3 تقريبا

حاجات وحاجات
قطع غيارها ارخص من المازدا وارخص من فئتها وفى حاجات ارخص من عربيات يابانى وكورى كمان

**Haitham10** · 02-09-2011 05:37 PM

اخبارها مع العزل ايه كابينة وموتور .. وصوت الموتور عموما
ومتزعلش مني لو معايا 140 هيبقي في كلام كتير بس غالبا مش هيكون زيرو
انما هي عجباني كسعرها مستعمل بس

**ENG\AHMED** · 03-09-2011 04:03 PM

المشاركة الأصلية كتبت بواسطة haitham10

اخبارها مع العزل ايه كابينة وموتور .. وصوت الموتور عموما
ومتزعلش مني لو معايا 140 هيبقي في كلام كتير بس غالبا مش هيكون زيرو
انما هي عجباني كسعرها مستعمل بس

عزل العربية كويس وعزل الموتور كويس جدا العربية بوجة عام ناعمة فى سواقتها ومريحة

ياباشا زعل على اية دى كلها ازواق وفى الاخر كلهم شوية صاج

ال 140 تجيب اية كتير بنفس مواصفات وامكانيات العربية؟؟

عارف مشكلة العربية دى فى مصر اسم فورد لو اتغير اسم فورد لمثلا كيا فوكاس او تويوتا فوكاس او اى حاجة من اللى ماشية فى السوق وفضلت العربية بنفس مواصفاتها واسعارها وقطع غيارها مجرد تغيير اسم فقط هتلاقيها زى السيراتو واللانسر

**Haitham10** · 03-09-2011 11:28 PM

افتكرتك تفكيرك هيروح لابعد من كدة شوية
اوكتافيا مازدا3 سيفيك جيتا او بي ام ..... كل دول زيرو كسر زيرو
وفي الي يروح يجيب النترا 2012 :d
اذواق ياهندسه زي منتا قلت

-

الموضوع: فورد فوكس 2010 عليها خصم ::الكامله ب140 الف جنيه ليه مش منتشره واعادة بيع سىء؟؟؟

LinkBack

أدوات الموضوع

عرض

-

-

-

المواضيع المتشابهه

فورد فوكس 2012 .سوبارو امبريزا 2012.سيفيك 2010 مستعمل

فورد فوكس

فورد فوكس 2010 عليها خصم ::الكامله ب140 الف جنيه ليه مش منتشره واعادة بيع سىء؟؟؟

فورد فوكس 2010 والسحب بتاعها

فورد فوكس 2010 ولا اوبل فكترا 2008 ؟

الكلمات الدلالية لهذا الموضوع

المفضلات

المفضلات

ضوابط المشاركة