الشارك من حيث الكماليات المذكوره اكتر كتير من اللي في التيدا
الشارك ياباني اما التيدا مكسيكي .
الشارك اثبت من التيدا بمراحل علي سرعات فوق 130-140 كم/ساعه
الشارك قطع غيارها نارو قليله شويه مقارنه بالتيدا اللي اصبحت في المتناول ( أصلي ، تجاري )
الشارك خاماتها الداخليه فقيره نسبيا بالمقارنه بالتيدا تحس انها افخم شويه .
الشارك توكيلها الجديد لسه ما بانلوش ملامح من حيث الوقوف وراء العربيه بقوه لأنه لسه يادوب بيقول يا هادي في السوق المصري فما ينفعش نحكم عليه دلوقتي .
لكن توكيل نيسان واقف ورا الاسم بيدعمه و يسوقه بيد من حديد و انياب من فولاذ .
من حيث القياده و النعومه
انا اخويا عربيته شارك فطبعا سوقتها كتير
العربيه سحبها جيد و ثبات خرافي حتي 180 كم/ساعه لكن العفشه ناشفه شويه ( علشان تدي الثبات الجامد ده ) و صوت الموتور عالي شويه ( زي اي ميتسوبيشي )
اما عن التيدا فسحبها ممتاز و بمنتهي الهدوء و محرك تقدر تقول عليه مالوش صوت نهائي
عفشه ناعمه جدا و منتهي الراحه لكل الركاب بس الثبات مش حلو من 140 و انت طالع
تحس ان الهواء ممكن يلعب العربيه شويه .
الصالون واسع في العربيتين و لكن في التيدا اوسع شويه
الشنطه في الشارك ضيقه جدا بالمقارنه بحجم العربيه لكن في التيدا بحر .
يعني من الآخر التيدا عربيه تميل ناحيه العائليه و الشارك شبابيه صرفه .
تحياتي
المفضلات