الموضوع: اسعفونى بالحل ........

بسم الله الرحمن الرحيم

المشلكة تبدا بانى اشتريت اسكودا 2007 كويسة و تمام والحمد لله بس فى مشكلة انى كل ما انزل من البيت على خير جديد كل اسبوع تقريباً واحد حرامى مستقصدنى ولا اية مش عارف

اولاً مساحات الفوانيس اتسرقت طبعاً انا كنت فى الاول فاكرها وقعت قولت مش مشكلة
ثانياً العلامة اللى فى الشنطة اتسرقت و ضرب فيها مفك و باينة قوى يعنى
ثالثاً شخط فى العربية و كسر فنوس خلفى و الشخط جاى من الاخر للاول
رابعاً الفاجعة اليوم نازل اروح مشوار و ابص الاقى فى حاجة بتنور جوا العربية بتزغى كدا اية يا ربى دا بصيت جمبى اتصدمت لقيت الزجاج اللى جمب السواق مكسور وكلوا على الكرسى اللى جمبى و سرق منها طبعاً الميديليتور وشوية سيديهات و نظارة
انا بصراحة شوفت المنظر كنت هموت من الغيظ و قولت يا مين يلايمنى على زمارة رقبتوا عشان ازمر بيها انا مش عارف والله اعمل اية المشكلة انوا كدا حفظ العربية مفعاش انزار او اى حاجة
هل فى انزار جيد فى التوكيل و كام سعرة و لو بلاش من التوكيل حد يعرف واحد صنايعى كويس يركب انزار للعربية (اية 5 ) و اية نصايح ممكن تفيدونى بيها عشان انا و الله بجد تعبت كدا ليا شهر كل اسبوع على خير جديد و خايف انوا المرة اللى جاية ياخدها خالص و انزل مالاقيهاش و ياريت لو حد يعرف سعر الزجاج اللى جمب السائق بكام فى التوكيل او برة التوكيل