العربيه بقت بتطقطق

**mostafa mahmod** · 26-09-2011 01:20 AM

السلام عليكم الاول

الموضوع يبدا و انا عند واحد صحبى و راكن فى جراج تحت البيت بس مكسر شويه و فيه طوب على خفيف
خرجت من عنده و انا على طريق الاسماعيليه بدات المعاناه اللى كانت من 3 اجزاء
1- لقيت العربيه بتحدف شمال جامد مع انها عمرها ما عملت كده خالص وكانت مظبوطه تمام قلت اشوف العجل يمكن فيه واحده نامت بصيت لقيتها تمام
2 - لما هديت بالعربيه اوى لقيت الدريكسيون بيرقص تحت ايدى ( لما امشى بطىء مش لما ادوس فرامل )
3 - العربيه بتطقطق فى الملفات على الواسع اوى -يعنى مش طقطقه كوبلن لما تلف على الاخر -
لا دى من اقل لفه دركسيون بتطقطق و الغريبه ان العربيه مبقتش تحدف و لا الدركسيون يتهز جامد بعد ما العربيه بدات تطقطق

المهم مشيت بيها بطىء لغايه ما ركنت و الحمد لله
نيجى لحاله العربيه
العربيه اساسا الكوبلن بيطقطق من زمان و كنت ناوى اغيره اول ما يجيلى فلوس
و عمرى ما عملت حاجه فى العفشه كانت تمام و لا طقطقه و لا زنه ولا اى حاجه

فيا ريت يا جدعان لو حد يعرف فيها ايه قبل ما اوديها لحد يشوفها علشان انا خايف امشى بيها و عندى جامعه السبت

**aliyosef** · 26-09-2011 01:32 AM

اعتقد ان ده من الكوبلن
لان الكوبلن بدايه بواظانه يطقطق فى الملفات والاعراض الاخيره له اى والكوبلن على فراش الموت يطقطق فى الطوالى

**profrivo** · 26-09-2011 07:03 PM

اكشف على البطاحة الشمال

**XGoGoX** · 26-09-2011 09:16 PM

لااااااااااااااااااازم تروح لعفشجي يكشف عليها
علشان المشي بيها خطر على حياتك
واضح إن في مشكله في الكوبلن أو الكوز إللي تحت البطاحه

**mostafa mahmod** · 26-09-2011 09:50 PM

هجيب الراجل يشوفها علشان انا خايف امشى بيها لغايه عنده

**mostafa mahmod** · 27-09-2011 04:50 PM

رحت لعفشجى قالى ان الكوز بتاع المساعد عايز يتغير و انه فى حدود 40 جنيه و قالى البطاحات كويسه و تمام من غير حتى ما ينزل تحت العربيه ( فتح الكبوت و بص فى 3 ثوانى و قفل تانى و بعدين طلع جرب )

و بعدين سالته ممكن امشى بيها كده قالى مش كتير علشان الكاوتش ما يفتلش
طبعا انا مش واثق فى الانسان ده و بكره هروح بس للميكانيكى بتاعى و هو يشوفها

اه ملحوظه : العربيه مبقتش تطقطق فى اللفات اللى على الواسع بقت عالضيق بس زى زمان ( كوبلن يعنى )

**aliyosef** · 27-09-2011 08:24 PM

العربيه بقت زى البنى ادم وهو فى البيت يقول تعبان هاموت اول مايدخل العياده يبقى تمام الدكتور يسأله مالك يقوله شويه مغص صغيرين وخلاص راحوا لحالهم والعربيه اول ماراحت للعفشجى مابقتش تطقطق فى الملفات الواسعه
وله فى خلقه شئون

**mostafa mahmod** · 28-09-2011 11:44 AM

اه و الله عندك حق انا نازل اهو رايح للميكانيكى و ربنا يسهل

**mostafa mahmod** · 28-09-2011 06:05 PM

طلعت كوبلن و هغيره و كلام الراجل العفشجى الاولانى حماده بالجنزبيل
و روحت سالت لقيت الكوبلن الصينى كامل ب 150
التايوانى ب 260
اليابانى ب 500 و مش موجود خالص عند اى حد
فهل التايوانى شغال ولا ايه

**aliyosef** · 28-09-2011 07:01 PM

يعنى طلع كوبلن

الموضوع: العربيه بقت بتطقطق

LinkBack

أدوات الموضوع

عرض

-

-

-

-

المواضيع المتشابهه

صوت خروشه لما العربيه بتكون دايره وبتروح لما افصل العربيه ممكن حل؟

ايه رأيكم في تهبيط العربيه ، ناوي اظبط العربيه بمساعدة أيمن مومو

الكبالن بتطقطق

فلشيا الفرق بين اداء العربيه الصبح واداء العربيه باليل

الكبالن عندي بتطقطق يجرى حاجة لو مشيت بالعربية

الكلمات الدلالية لهذا الموضوع

المفضلات

المفضلات

ضوابط المشاركة