باركولي مؤقتاً "ليدات في شاهين"

**smsm_nabawy** · 27-09-2011 12:58 AM

السلام عليكم و رحمة الله و بركاته !!

أنا بعدل فوانيس العربية الشاهين بتاعتي من ورا !! بطريقة ،، بصراحة ماشاء الله ،، غيرت شكل العربية خالص !!!!!!!!!!!!!!!!!!!!!!!!

قولت أشارككم مبدأياً بالفيديوهات الي عندي للموضوع !! أشوف رأيكم ،، و أشوف ذوقكم في التصميم

و يا ريت لو حد عنده تصميم معين أو رؤية معينة لشكل نور الفرامل للعربية الشاهين ميبخلش عليا !!

أنا بشتغل في الفاونيس على مهلي اوي ،، لأنها عربيتي و محدش عايز مني حاجة !! و عليا ضغط كورسات + كمية أفراح عجيبة طالعالي بقالها أسبوعين + عربيات صحابي سواء من المنتدى او من براه عمال أظبط معاهم حاجات فيها !!

بس ماشاء الله العربية كام واحد شاف شكل الفانوس من ورا و أنا بجربهم النهارده !! انما أيييه !!

تهبلوووووو !!

أنا حسيبكم مع الفيديوهات على طول ،، علشان لسه مصورتش فيديوهات جديدة ،، علشان الكامير بااااااظط !! :(((((

الفيدوهين دول للأشارة الي ورا !!

الأول الأشارة كاملة !!
http://www.youtube.com/watch?v=7PGbUf3Nx_U

و هي منورة !!

أما الثاني ،، فهوا شكل الجزء بتاع الأشارة حيكون عامل أزاي

انا لو وريتكم بقيت شكل الفانوس حتفهموا الشكل ده !!

هوا عامةً حاجب أحمر بينور مع النور العادي !! مدي للفانوس من ورا شكل أجريسيف أووووي !!!!!!

خصوصاً أن الرسمة كمان الي انا عاملها جميلة أوي !!

و لما نور الأشارات ينور ،، الحاجب ده بيفصل معاها بالتتابع زي الفيديو كده
http://www.youtube.com/watch?v=FbLenT8nODk

طبعاً زي منتو حتشوفو كده ،، في كام ليداية محروقة ،، بس ده من قبل كده ،، لكن دلوقتي الحمد لله مفيش ،ن و بخلص و بفنش بس في النور العادي كويس علشان قابلتي فيه مشاكل و انا بركبه !!

مش عارف الموضوع لو قلته حتستغربوه ولا ؟؟ بس و انا ماشي النهارده وأنا بجربهم !! كنت شايل الكافر بتاع الفانوس بتاع الشاهين ،، المقرف ده !! علشان مضيع الرسمة و كاتم الليدات !!

و انا ماشي لقيت واحد جه زنق عليا ،، بيقولي كابتن لو سمحت ،، انت معدل الفوانيس دي عند مين ؟؟

سألته ليه ، قالي شديدة أوي فاجرة موت ،، جامدة خالص !!
المهم لما قلتله اني انا الي معدلها !! الواد أتهبل ،، و أخد نمرتي و قالي حجيبلك عربيتي و بتاع !1 و مصدقت خلعت منه بأي طريقة !! يادوبك روحت !! لقيت الفانوسين فيهم ليدات ضاربة !!

لو أقولكم بقيت أشد في شعري دي كلمة هينه !!!!!!! يخرب بيت القررر !!

انا مستني الواد و هوا بيتكلم ،، أنه يقول حتى كلمة "ماشاء الله" مفييييش !!!!

يالا ربنا يقدم ايل فيه الخير ،، عله خير !!
انا كل ده مستني الباغات الأكريليك ،ن و لو أتأخرت عليا ،، قررت أعملهم بنفسي !!

شوفوا أنتوا و أحكموا بقا !! :)) و قولولي لو عندك تخيل لرسمة النور العادي
=========================
الصعوبات الي واجهتني

الأضائة وحشة الصبح "في فترة من الساعة 11:30 ألى الساعة 4:00

نظراً لحدة أشعة الشمس !!
نور الفرامل كويس و بيبان "خصوصاً أني نور تاني جوا الكابينة الي بيبقى ورا ده "

بس نور الأشارات وحش اوي !! يكا لا يُرى !! :((

لكن باليل ،، دنيا تااااااانية !!!!!!!!!!!!

بجد بجد ماشاء الله ،، كنت زعلان أوي أن الكاميرا بايظة !! :((

**smsm_nabawy** · 27-09-2011 02:11 AM

مفيش فوانيس مش بتتعدل

تكلف كام دي بتعتمد على كام حاجة كده

1-و اهم حاجة،، انت حتتعامل مع مين !! هل واحد بيتقي ربنا ولا واحد مستغل ؟؟؟
2-الشغل الي ناوي تعمله أيه ؟؟؟
3-الرسمة الي حتتعمل و هكذا ،، كل متكون معقدة و فريدة من نوعها ،ن كل مابتكلف أكتر !!

لأيه ؟؟

علشان
-بتحتاج ليدات أكتر و أدوات اكتر و لحام أكتر

-الاهم من ده ،، بتحتاج مجهود من الي بيعملها نفسه أكتر !!
=========================
حتروح لمين !! ده بيعتمد على منطقتك ،، حضرتك ساكن فين ؟؟

في محافظة أيه يعني !!

**smsm_nabawy** · 27-09-2011 03:06 AM

طبعاً ممكن تعملها أنت

بص يا سيدي

الأدوات الي حتحتاجها
1-مكواة لحام
2-سلك "يفضل متر أحمر للأشارة الى الموجب ،ن و آخر أسود للسالب" علشان يكون شغلك على نظافة كده !!
3-قصدير طبعاً
4-كارتة ليدات "LED board" أو كارتة تسمى "بيكسولين مخرم"
الكارته دي عبارة عن كارته مخرمة ،، بحيث يوضع فيها الليدات بالترتيب و الشكل المرغوب فيها !!

أنتبه !! الكارته دي بلاستك ،، في منها وجه عليه نحاس ،، الغرض منه توصيل الأخرام ببعض ،، و بالتالي الليدات ببعض ،، أختار البكسوليم المخرم ،، الي يكون الجزء النحاس بتاعه مش بيوصل بين الأخرام و بعضها ،، علشان تعرف تشتغل بحرية !! :)
5-ليدات
6-مقاومات ،، "تعتمد قيمتها على طريقة التوصيل و هكذا
==========================
مبدئياً ،، علشان ميضحكش عليم يا أخي العزيز !! أشتري الحاجات دي من أي حد بتاع ألكترونيات !! لأن بتوع الأكسسوارات مش حتلاقي عندهم كميات + انهم حيغلو عليك السعر !!
ثانياً أقرى عن التوصيل لليدات على التوالي و على التوازي و هكذا
ده حيفيدك أوي

بالتوفيق ،، ولو أحتجت اي مساعدة قولي ،أنا تحت أمرك ،، أنا يمكن هاوي أينعم بس انا مش جديد في الكار يعني !! :)

ده فيديو لعربية سيات 133 انا معدلها
seat 133 taillights.AVI - YouTube

طبعاً العربية دي فوانيسها الأصلية معروف شكلها

هواده

**smsm_nabawy** · 27-09-2011 01:06 PM

المشاركة الأصلية كتبت بواسطة hrh_sameh

تمام ياباشا بس محتاجين منك الدواير والتوصيل ازاي
المقاومات كام وأسعار الليدات

وسؤال : بالنسبة لي بالنهار لازم يكون النور واضح معنى كده ان الشغل بالطريقة دي مش مُجدي؟
لازم وشوش اكريليك؟
ايه الحل في جهة نظرك؟

وشكرا على مجهودك

الدايرة معرفش أقولهاكم ازاي !!! :)))))

أنا مهندس كيماوي ،، مش كهربة !!

الحل في مشكلة النهار دي العواكس !!! بس بصراحة مش عارف !!!!!!! بتتعمل ازاي ولا بتتجاب منين !! و اليألاقي عنده عواكس من بتوع الأكسسوار ،، ألاقي بيقولي أسعار وهم !!"5 جنيه في العاكس" على أه يعني !!!!!!!!

مش لازم أكريليك ،، انت و ذوقك

الحل بالنسبة لأيه ؟؟ :)))

**smsm_nabawy** · 27-09-2011 11:35 PM

المشاركة الأصلية كتبت بواسطة hrh_sameh

أقصد مثلا فانوس الاشارة فيه كام لمبة ومقاسها وكام مقاومة وقيمتها والتوصيل كام توالي وتوازي وكده
وقصدي الحل لموضوع ضعف النور
ومشكلة الاكريليك مش متاح بالنسبة لانه غالبا مش موجود في المحافظة اللي انا فيها
وشكرا ع الاهتمام

بالمناسبة مدّورتش على طريقة فوانيس الاشارة اللي انا ضيفتلها فيديو في الموضوع التاني؟؟؟

كام لمبة و مقاستها ،، بيعتمد على حسب الشكل الي انت عايزه !! و على حسب الرسمة ،، و المساحة المتوفرة ليك جوا تجويب الفانوس ،، ممكن أنا اعمل بليدات كلها 5 ملم !! و واحد تاني يحط 10 ملم !! كل واحد على حسب ذوقه و هوا عايز يعمل أيه !!

المقاومة بتتحد بعد مبتوصل و تخلص دايرتك !!

أنت وصلت كام ليداية مع بعض توالي ،، و قيمتها بتتحسب بمواقع من على النت !! موجودة على الموضوع اياه التاني

للأسف زي مقلتلك نور اليدات مش ضعيف ،، لكن عدم وجود عواكس بيخلي نورها الصبح في حدة أشعة الشمس يكاد يكون لا يرى !! :((

الفيديو الي على الحروب التاني حموت و أعمله !! :((

-

-

الموضوع: باركولي مؤقتاً "ليدات في شاهين"

LinkBack

أدوات الموضوع

عرض