استفسار بخصوص فرش الابواب لسيارتى

**m.aligamal** · 18-09-2013 05:55 PM

لو حبيت اعمل فرش للباب يا ترى هيتبهدل فرش الفبريقه ولا بيتعمل ازاى
عشان انا كلمت صنايعى هيعمل فرش للباب وبيقلى انه بيلزق الجلد على فرش الاصلى بتاعى الباب وممكن يتبهدل معرفش كلامه صح -ولا فى طريقه بتتعمل عشان المحافظه على فرش الباب الاصلى
خاصه ان حلاوه الفرش الجلد للكراسى ان يكون الباب معاه كمان بيدى منظر محترم

**m.aligamal** · 19-09-2013 12:50 AM

؟؟؟؟؟؟؟؟؟؟؟؟؟؟؟؟؟؟؟؟مفيش حل

**saddam** · 19-09-2013 01:13 AM

صديقي المواطن
حسب الخامة وحسب السروجي ويقدر يشيل بتاع الفبريكة ويركب مكانه ويقدر يحط فوق.منه بس ده سروجي ضعيف يا جماعة الخير من خلال شدي وتطويري لعشرات السيارات على مدار حياتي وصلت إن السروجي أهم مواطن يشتغل في العربية من ضمن.اﻷسطوات يعني لو رشيت عربية ب 5 آلاف وجالك سروجي قال لك 5 آلاف متزعلش ﻷن البدع واﻹفتكاسات بتطلع على إيد السروجي
وطبعا يا صديقي المواطن موضوعك بسيط ولا تقلق ومش حيكلف كتير بس دور على كذا سروجي وسلمه.واحده من.البيبان وإتفرج معجبكش روح لغيره وهكذا ونصيحة إنت إشتري الخامات ومتخليش سروجي يجيب خامات
ودمتم.للنضال

**m.aligamal** · 19-09-2013 03:27 AM

عزيزى المواطن صدام بك
ممكن توضحلىة اكثر هل يستطيع السروجى لزق الجلد على فرش الفابريقه بتاع الباب بدون ميبوظ بعد كده
وكيفيه الطريقه عشان اتابعه
انا عرفت سروجى كويس جدا لكن هقف على ايده عشان اتاكد بنفسى عشان كده عايز اعرف فرش الباب بيتلزق ازاى ودمتم للنضال