الموضوع: أعمل صيانتك بنفسك

من كام يوم قولت اشغل التكييف علشان احافظ على الزيت بتاع الفريون و اجرى الفريون شويه فى السربنتينه المهم لاقيت الهوا ضعيف شويه قولت اكيد فلتر التكييف مسدود لانى من ساعة ما جبت العربيه ماغيرتهوش و بما انى ساكن فى منطقه الهوا فيه عباره عن تراب لما فكيت الفلتر لاقيته مسدود بمعنى الكلمه سألت عليه لاقيتهبحوالى 120 لحلوحفقولت الصيف اللى جاى ابقى اجيبه لاكن الزنانه زنت و قالتلى طب ماتفتكسلها حاجه كده بخلعته و شيلت كل اللباد اللى كان عليه حاجه كده زى الشعر و ركبت سفنج رقيق و فى نفس الوقت مسامه ضيقه بحسث يعدى الهوا و مايتقل الهوا و رحت جايب سائل معطر من عند بتوع الصابون بجنيه بريحة الخزخ مسميه ريحة التوكتوك لانى اول مره شميته كان فى توكتوك و ركبت الفلتر و النتيجه رائعه الهوا شديد و الريحه رهيبه و بيقيت لما احب اعطر العربيه و انا ماشى يدوبك افتح الهوايه و اما اشغل المروحه بس على 1 او احول بوابة التهويه على الخارج و الريحه ايه لزقت فى هدومى

ده شكل الفلتر بعد ما حشيت فيه السفنج

[QUOTE=ahmedeg1;3874749790]

ايه يا باشا الكروته دي لا والنبي واحده واحده علشان اخواتك لسه جداد ف الصنعه وقلبنا خفيف لوحده وانا الفلتر عندي مسدود وموضوعك ده جه ف وقته .. متشرحلنا نعمل ايه بالظبط علشان نوصل للنتيجه الهايله دي

شكرا علي مجهوداتك الرائعه اللي بتخلينا نشرب بيريل ونشتغل ف عربياتنا بادينا

[QUOTE=mahraan;3874750172]

المشاركة الأصلية كتبت بواسطة ahmedeg1

ايه يا باشا الكروته دي لا والنبي واحده واحده علشان اخواتك لسه جداد ف الصنعه وقلبنا خفيف لوحده وانا الفلتر عندي مسدود وموضوعك ده جه ف وقته .. متشرحلنا نعمل ايه بالظبط علشان نوصل للنتيجه الهايله دي

شكرا علي مجهوداتك الرائعه اللي بتخلينا نشرب بيريل ونشتغل ف عربياتنا بادينا

يا باشا لا كروته و لا حاجه انا قعدت اشيل فى اللباد القديم بتاع الفلتر و غسلته بالميه لحد ما باش و السبكه البلاستيك ظهرت بعد كده دككت السفنج و سقطه مكان اللباد القديم و على الاطرف بأمير علشان يمسك و بقى تمام

[QUOTE=ahmedeg1;3874750338]

المشاركة الأصلية كتبت بواسطة mahraan

يا باشا لا كروته و لا حاجه انا قعدت اشيل فى اللباد القديم بتاع الفلتر و غسلته بالميه لحد ما باش و السبكه البلاستيك ظهرت بعد كده دككت السفنج و سقطه مكان اللباد القديم و على الاطرف بأمير علشان يمسك و بقى تمام

ايوا كدا واحده واحده زي ما اتعودنا من حضرتك علشان افهم يا باشا ربنا يجازيك كل خير ويزيدك من علمه ... ان شاء الله يوم الجمعه هانزل اخرب قصدي اجرب ف العربيه ولو باظ ابقي اشتري واحد جديد وخلاص

استاذ احمد عندى ليك سؤالين
1- ايه الحاجة اللى حضرتك عملتها فى العربية و حسيت فعلا بفرق و لازم الكل يعملها
2- ايه الحاجة اللى حضرتك عملتها و نتايجها ماكانتش مرضية بالشكل المطلوب او المتوقع
من فضلك تجاوبنى بكل صراحة و شكرا لحضرتك

المشاركة الأصلية كتبت بواسطة mido7337

استاذ احمد عندى ليك سؤالين
1- ايه الحاجة اللى حضرتك عملتها فى العربية و حسيت فعلا بفرق و لازم الكل يعملها
2- ايه الحاجة اللى حضرتك عملتها و نتايجها ماكانتش مرضية بالشكل المطلوب او المتوقع
من فضلك تجاوبنى بكل صراحة و شكرا لحضرتك

احساس الفرق فى التالى
1 - عزل الكابينه و الابواب
2 - علاج مشكلة تزييق الزجاج
3 - علاج زنة دواسة البنزين
4 - فلتر التكييف

بالنسبة للنقطه التانيه
1 - بوجيهات ال ngk
2 - ضبط ضغط الفريون ماحستش بفرق