الموضوع: السيراتو اتسرقت ورجعت مدمره ( صور )

نسيت يعني مثلا لو ماشي 100 المفروض تقف علي حسب ما متسجل علي الجهاز اقل من كده الايرياج تفتح
وكذللك كل ما تعلي بالسرعه

لاحول ولا قوة إلا بالله .. إيه اللي حصل فيها دي !!! .. ربنا يعوض عليك وإن شاء الله تعرف تاخد حقك

مش عارف اقولك ايه ................ " وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ *
أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ"

اه ياولاد الكلب انا قلبي اتقطع لما شوفت العربيه
اصل انا كمان عربيتي عامله حادثه وصدقني اوسح بشر بتوع التامين وبالذات التكافلي دول زباله

فعلا شكلهم عالم تيييت كلهم .... وربنا يعوضك ان اشاء الله . الحمد لله انها بتيجى فى الحديد بعد كده اى حاجه تتعوض

اخر الاحداث بقى رحت شركة التأمين اول امبارح فى الفرع الرئيسى فى المهندسين ولقيت الشخص اللى كنت عامل عنده الاخطار فى اباظه موجود هناك وقالى الاتى :-

فى حالة التكهين هتاخد 90 الف
فى حاله التصليح فى التوكيل هتاخد 30 الف
فى حاله التصليح خارج التوكيل 22.5 الف
مع تحمل 25 % من تمن الايرباج

العربيه طلعلها مقايسه ب 45 الف وانا كده شايف ان فرق السعر كبير وتكلفة اصلاحها مش هتقل عن 40 الف وممكن تزيد ... فقررت بعد ما خدت رأى والدى انه يكهنها .. واتفقت مع البنى ادم الغريب اللى عملت معاه الاخطار ومعرفش ده بيبقى مندوب من شركه اباظه فى التأمين ولا شغلته ايه بالظبط !!!!!!!

المهم رحت النهارده انا والدى الشركه واليكم المفاجأه بقى بعد ما البنى ادم ده قالى واتفقت معاه وقولتله بكره هاجيب والدى علشان نخلص ونشوف ايه المطلوب قالى تمام

واحد من اللى شغالين فى الشركه يقولى لأ انا بعد ما قريب المحضر كده لازم يتعرض على لجنه قانونيه !!!!!! ( المحضر وديته اول امبارح اول زياره ليه للشركه بس كنت كاتب في الاخطار كل حاجه بالظبط تمام زى المحضر )

طيب ازاى امال الاستاذ اللى قالى الكلام ده قالوه على اساس ايه يعنى !!!! وهوه واقف بااااارد جداا وعادى انا بزعق وعليت صوتى ... يعنى انا جايب واحد من الشارع اللى قالى الكلام ده ؟ امال ده وظيفته ايه يعنى ؟؟

يرد عليا الشخص التانى ويقولى ده مندوب ومش عارف ايه ومالوش يقول حاجه واى كلام مالوش اى لازمه
انا والدى كان تعبان اصلا ومش قادر يتكلم قالى خلاص وهدانى

المهم والدى قالوه الموضوع يخلص امتى ؟؟
قاله يوم الاحد اللى بعد العيد


كده هما هيعملوا ايه ؟؟؟ اكيد هيقلولوا فى مبلغ التكهين .. مش عارف بصراحه علشان التعامل مع العالم دى يخلى الواحد يخرج عن شعوره بصراحه

فيه نقطه مهمه واحد من من اباظه كان كلم والدى وقاله المحضر فين وهوه اللى مأخرنا واى كلام فقله موجود
قاله طيب حضرتك هتصلح ولا هتكهن ؟ والدى قاله هصلح ... وفعلا هوه كان عايز يصلح بس لما حسبها لقى ان التكهين احسن .. ولما انا رحت بالمحضر اول امبارح قولتلهم هنكهن .... فهل الكلام اللى حصل ده بيخليهم يعلوا فى سعر ويموتوا فى سعر ..

بمعنى لما والدى قاله هصلح موتوا سعر التصليح للنص بالظبط
ورفعوا سعر التكهين .. ولما حصل العكس مرضوش ينفذوا كلامهم :@
انا اعمل ايه دلوقتى علشان انا قرفت من التعامل مع الاشكال الزباله دى .. والتأمين التكافلى ده مش المفروض تكافل ونيله ولا اسم والسلام

واسف انى طولت عليكم بحس حبيت احكيلكم اخر التطورات واعرف المفروض اعرف اعمل ايه ؟

نسيت اقول اهم حاجه انا بجد بشكر استاذ كريم منير علشان الراجل ده بجد تعب معانا جداا ..والعربيه فى ورشه نايل موتورز حاليا وبجد مش عارف اقوله ايه ..وبعيدا عن اى حاجه سعيد انى اتعرف عليه

وحاجه كمان والدى من طيبته الزايده :) مزعلش النهارده من اللى حصل وبيقولى كده هما هيعكسوا تانى

يعنى هيقللوا سعر التكهين وهيعلوا سعر التصليح حاجه بسيطه ... قولتله انت طيب اووووى يا حاااج ههههههه

ميعرفش انه بيتعامل مع ناس مش سهله .. يلا ربنا يقدم اللى فيه الخير ومستنى ارائكم

المشاركة الأصلية كتبت بواسطة sara2001

في مصر للتأمين
عند التنفيذ بيخصموا مبلغ علشان الإيرباج
ده غير تكلفة تسجيل عقد البيع لشركة التأمين في الشهر العقاري ومبلغ تاني بيتدفع في نقابة المحاميين للتصديق على العقد ....... مش عارفه ايه لازمته
اي تعقيدات روتينيه وخلاص
والشركه بتاخد وقت طويل شويه في الإجراءات على ما تصرف الشيك

شكرا لرد حضرتك

وهو فعلا مكتوب فى الوثيقه ان العميل بيتحمل 25 % من تمن الايرباج

وقالولى على الاوراق المطلوبه : هيدونى جواب ارفع حظر من المرور و عايزين شهاده بيانات موجهه للشهر العقارى وشهاده تانيه موجهه للشركه

واسجلهم العربيه فى الشهر العقارى بعقد مسجل ؟ هل معنى كده هدفع ضريبه العربيه كمان !!!!!!

وشهاده البيانات لما بطلعها والرخصه منتهيه بدفع ضريبه سنه