الموضوع: واحدة بتتعلم السواقة خبطتنى ورحت القسم

فداك يا استاذ كريم بس كفاية انك بهدلتها شوية علشان الناس دى تعرف الحق بعد كدة

قدر الله وما شاء فعل

الصراحة محمود ده استفزنى انا كمان على فكرة

طبو اخدت الـ1000جنيه ولا لسه

المشاركة الأصلية كتبت بواسطة zizo50001

فداك يا استاذ كريم بس كفاية انك بهدلتها شوية علشان الناس دى تعرف الحق بعد كدة

ما هو ده كان هدفى من الموضوع .. انها تتبهدل شوية عشان تعرف ان الفلوس مش لعبه.

اللى غايظنى ان البنت شكلها مألوف .. و سنها زى سنى بالضبط .. أنا قلت يمكن كانت معايا فى الكلية .. بس فى المحضر عرفت انها مدرسة .. فأكيد كانت معايا فى دروس فى ثانوى.

نفس الموقف تقريبا حصل معايا بس مع سواق مكروباص وانا عربيتى واقفه مستنى عند مزلقان القطار يعدى وهو جاى بسرعه عاوز يعدى قبل القطار وهوب راح خابطنى ولما نزلتله بيقوللى انت اصلا ايه اللى وقفك قولتله خلاص المره الجايه لما اشوف قطر حدخل فيه ورحت نازل فيه زعيق

ولقيت واحد صاحبه سواق مكروباص جاى يقوللى انت اللى غلطان انا شايفك انت اللى دخلت فيه قولتله نعمممممممم وكنت حفقد اعصابى خلاص لقيته قالى طب تعالى نقف على جنب ونتكلم بعد المزلقان

ولقيت بقى المطبطباتيه تقولك خلاص ربنا يعوض عليك واحمد ربنا جت بسيطه والكلام ده
رحت لبتاع المكروباص بعد المزلقان كان صاحبه كلمه وفهمه تقربا انه هو اللى غلطان لقيته بيجر ناعم وانت عاوز ايه يا بشمهندس وايه اللى يرضيك وهو عربيته تويوتا موديل 2010 وانت 128 يعنى هو الخسران اكتر

قالى كل واحد يصلح عربيته قولتله ماشى بس هو مش عاوز يقتنع انه غلطان لقيت السواق حيستعبط تانى ويقوللى انت ايه اللى وقفك ولا انت اللى غلطان واتنرفز واتعصب قولت لنفسى كفايه لحد كده وكفايه انى حرقت دمه واخدت حقى زعيق هههههههه

وطبعا لو عارف انى حاخد نص او ربع حقى مكنتش مشيت لكنى عارف انى حيطلع عينى وحتبهدل انا وعربيتى ومش حاخد حقى
للاسف هى دى مصر

الحل الوحيد اللى يخبطنى هكمل على عربيته وسلملى على المعاينه انا بقيت بفكر بشكل شرس اجيب رانجلر 96 بدل منا كنت بفكر اجيب ابيزا ولا بولو