واحدة بتتعلم السواقة خبطتنى ورحت القسم

**ahmed_120s** · 18-10-2011 12:34 AM

يا باشا شارع المحافظة ده دمر لي العربية من فابريكة برة لمعجون 7 طبقات و استيك

**kar!m** · 18-10-2011 12:35 AM

المشاركة الأصلية كتبت بواسطة dr_mido

الحل الوحيد اللى يخبطنى هكمل على عربيته وسلملى على المعاينه انا بقيت بفكر بشكل شرس اجيب رانجلر 96 بدل منا كنت بفكر اجيب ابيزا ولا بولو

أقسم بالله أنا كنت فكرت انى أنا اشترى عربية قديمة زى فيات 1300 مثلا ب 4 الاف جنية ولا حاجه .. لمجرد انى أمشى براحتى و مخافش عليها .. وأنا مش هزنق على حد .. لكن لما سواق ميكروباص ولا تاكسى يزنق عليه مش هوسع .. همشى فى طريقى و تتخبط الغربية مش مشكلة.

**mazagngi2010** · 18-10-2011 01:11 AM

دى الحته اللى حصل فيها الحادثه ضيقه اصلا وبتاخد عربيه علشان اللى راكن عند النقابه
هى طلعت امريكانى!
عموما ربنا يعوضك

**Ahmed Nasser** · 18-10-2011 02:08 AM

هو اية الكدب دة
حتى كمان قدام الظابط

**kar!m** · 18-10-2011 09:39 AM

المشاركة الأصلية كتبت بواسطة ahmed_120s

يا باشا شارع المحافظة ده دمر لي العربية من فابريكة برة لمعجون 7 طبقات و استيك

مع انه زحمه يعنى .. مش عارف الناس بتجرى فيه على ايه؟

المشاركة الأصلية كتبت بواسطة mazagngi2010

دى الحته اللى حصل فيها الحادثه ضيقه اصلا وبتاخد عربيه علشان اللى راكن عند النقابه
هى طلعت امريكانى!
عموما ربنا يعوضك

لا هى طلعت عادى .. بس المشكلة انها موقفتش أصلا.

المشاركة الأصلية كتبت بواسطة xmanx51

ينهار ابيض ابن عمي عنده مدرسه في الزقازيق والحمد لله اصحابي كتير راحو عنده واتعلمو بجد
بس المشكله بتكون في الي ركبه العربيه هي مش عايزه تتعلم او اخدت عدد ساعات اقل من الي هي محتاجاه وده طبعا مشكله لانها بتكون كده مش متمكنه
وفي شئ تاني حضرتك بتقول العربيه بتنطط يعني دي لسه متعرفش غير تدور وتنقل الفتيس وبس وشالت دبرياش والعربيه تقريبا كانت لسه اول مره تشتغل الصبح فكان الماتور عالي عشان كده مش بطلت

بالضبط كده .. و لسه شاريه العربية أصلا .. حتى ملاكى اسماعيلية .. لسه مرخصتهاش.

**eng_maged** · 18-10-2011 10:22 AM

المشاركة الأصلية كتبت بواسطة alladinad

نصيحه يعني طالما الموضوع كان عادي كنت امشي وخلاص لانك ببلد بكل اسف الظالم والباطل اصبح هو السائد
المحترم خلاص يشوف مكان تاني
اللت والعجن مالوش لازمه
بجد حسبي الله ونعم الوكيل فيكم يالي ودتونا فداهيه

مهو لو مشي وخلاص وكل واحد مشي برضه هيصبح الفساد هو السائد
لكن لو كل واحد فينا خد اي حد بيستهبل على القسم الناس ده هتتلم وتعرف ان الحق حق
حتى لو مخدتش حاجه بس البهدله كفايه

**mido51eg** · 18-10-2011 11:03 AM

تصدقوا اني لسه لغاية دلوقتي حاسس بالأستفزاز من اللي اسمه محمود ده من امبارح !!!!!!!!!!

**tutankhamoun** · 18-10-2011 12:16 PM

للآسف البلد دي أصبح أهلها فاسدين
و بدون قوانين و بدون شرطة فعلية من زمان مش من بعد الثورة بس .
أيه التخلف ده
ليه العربية تتحجز للفحص ؟
و الفحص هايتم ازاي بعد ما العربية أتشالت من مكان الحادثة
بره (عند الناس المحترمة ) الفحص و المعاينة بيتم في مكان الحادثة في خلال ساعة من وقوعها .

المهم
اللي أسمه محمود و الست الهانم صاحبة العربية للآسف ماليين البلد و محدش بيعترف بغلطه و لازم يشوف حد تاني يطلعه غلطان .

أنا مرة كسرت فانوس لسيارة راكنة ....... فضلت واقف جنب العربية مستني صاحبها
لغاية ما جدت واحدة ست
قلتلها أنا آسف أنا كسرت فانوسك بدون قصد و مستعد أجيبلك واحد غيره
قالتلي
هو أصلا كان مسكور و مدلدل بالسلك و أنت بس اجهزت عليه
و كفاية وقفتك و مش عايزة منك حاجة حتى لو أنت اللي كسرته في الأصل .

**eng_maged** · 18-10-2011 01:12 PM

بص يا كريم
انت تعمل جروب على الفيس بوك اسمه
البحث عن محمود المستفز

الموضوع: واحدة بتتعلم السواقة خبطتنى ورحت القسم

LinkBack

أدوات الموضوع

عرض

-

-

-

-

-

-

-

المواضيع المتشابهه

سيارتى فلوينس 2010 سوداء خبطتنى سيارة نقل

لو سيارتك مستعملة جديدة لسه بتتعلم اتمنى قراءة هذا الموضوع

الحمد لله عربيه خبطتنى

عايز امشى بالعربية واحدة واحدة من غير ما ادوس دبرياج,, هل ينفع؟؟

الكلمات الدلالية لهذا الموضوع

المفضلات

المفضلات

ضوابط المشاركة