عاجل/مشكله في دوجان 1993 ارجو الاهتمام من الاعضاء

**amro0000** · 23-10-2011 04:10 AM

سلام عليكم اولا ياجماعة انا عندي كام استفسار انا حاسس اني لاني جديد في مووضع العربيات بجد مش عارف ازبط عربيتي انا معايا دوجان موديل 1993 والحمد لله بحاله ممتازة وبشهادة الكل بس انا مش حاسس بسحب انا بحس اني ماشي وجمبي العربيات الحديثة طيارة حاسس ان العربية مش بتجري ومش بتشد ودا لا عيب اسطوانة ولا ديسك ولا الكلام دا بس انا نضفت الكربرتير والراجل الميكانيكي قالي هات واحد بيك 105 و وواحد 110 لانها كانت بتاكل بنزين المهم الاستهلاك في البنزين اتزبط فعلا بس انا مش حاسس بسحب وشد العربية حاسس ان العزم ضعيف خصوصا علي الطرق السريعة مش بقدر احس اني زي الهونداي والحجات الجديدة والنهردة الصبح لاحظت حاجة بس كدة مش عارف اية هيا وانا بدور العربية لقيت صوت المرش سمعت صوت ترس بس لاكن بعد كدة عادي محصلش اي حاجة دورت وفصلت كزا مرة عادي جدا فهل دا بداية مشكله في المارش ولا اية وارجوجكم اهتمو بموضوع الكربرتير وسحب العربية لاني بجد مش عارف ازبط العربية انا شاريها ليها حوالي معايا 3شهور ومش عارف ازبطها وبجد تعبت جدا ونفسي الاقي حل واسف اني طولت عليكم وشكرا ليكم

**DONYO** · 23-10-2011 10:27 AM

بص يا باشا ... لو عندك مشاكل في طلوع مطالع الكباري وبتحس ان العربية اتخنقت وبتطلع بالراحة فانت محتاج تغير مجموعة دبرياج كاملة ( اسطوانة + ديسك + بلية ) ولو بتطلع المطالع عادي يبقي تمام وخللي بالك لو الميكانيكي خلاك تحط بيكات اصغر من اللي كانت راكبة دة بيوفر البنزين بس بيخنق العربية .

**saadelden** · 23-10-2011 10:36 PM

يا باشا عربيتك دفع خلفي ف جزء من قوه الماتور بتروح في نقل الحركه من قدام لورا

عمواما هي لو مابتعديش ال 100 يبقى فيها حاجه
لكن لو بتجيب ال 100 مستريح يبقى كدا تمام
و عموما طرق مصر مالهاش ف الجري

**misoalex** · 26-10-2011 01:11 AM

المشاركة الأصلية كتبت بواسطة donyo

بص يا باشا ... لو عندك مشاكل في طلوع مطالع الكباري وبتحس ان العربية اتخنقت وبتطلع بالراحة فانت محتاج تغير مجموعة دبرياج كاملة ( اسطوانة + ديسك + بلية ) ولو بتطلع المطالع عادي يبقي تمام وخللي بالك لو الميكانيكي خلاك تحط بيكات اصغر من اللي كانت راكبة دة بيوفر البنزين بس بيخنق العربية .

الكلام ده سليم

هو عشان يخفض من استهلاك البنزين خنق العربيه

رجع البك الفابريكه او اللى كان موجود ويستحسن تروح لبتاع كربراتير مش مكانيكى

وعموما المعادله الصعبه انك تحقق تسارع ممتاز واستهلاك بنزين قليل فلازم حاجه تستغنى عن حاجه فيهم

**amro0000** · 10-11-2011 03:39 AM

بجد انا شاكر ليكم كلكم وفعلا السحب بدأ يتزبط لان الميكانيكي قالي البيكات ضيقة جدا لانها نحاس ومع طول الوقت البيك بيوسع واحدة واحدة لحد ما نوصل للي احنا عاوزينة فعلا دا الي حصل وبجد انا شاكر ليكم ولكل ردودكم واتمني اتعرف بعضو يكون عندة نفس العربية لتبادل الاراء والنصيحة بس كنت عاوز اسئل هل الواحد يكمل بلعربية دي وهل مش كام سنة ومش هيكون ليها وجود ولا اية رأيكم

**mrghost** · 11-11-2011 08:40 AM

بالنسبه لحكايه تكمل بيها ولا لا ده بيرجعلك انت طبعا هل عجباك ومريحاك ولا لا وهل معاك انك تجيب حاجه اعلى ولا لا
حكايه كام سنه ومتبقاش موجوده دى صعبه شويه على ما اعتقد لان زى مانت شايف العربيه فى منها تاكسى ماليه شوارع مصر ومديلات حديثه من 2000 اونت طالع فكل العربيات دى هتروح فين ؟ ده غير الملاكى طبعا