سيفيك 2009 ولا باسات 2006

**yalahwy2010** · 25-10-2011 01:39 PM

انا بصراحة كنت ناوى على الالنترا 2012 زيرو
وبعدين كرهتها.......مش عارف حاسس ان الخامات ضعيفة ...........انا معايا ميجان ...فا حسيت بفرق كبير
فا خايف أنزل من الأوروبى ....وأركب الكورى وأحس بفرق كبير
فا انا دلوقتى محتار بين السيفيك والباسات
بعد التفحيص والتمحيص......العيوب اللى انا شايفها فى السيفيك.....واطية وبتحك فى المطبات ...وقطع الغيار غالية حبتين
الباسات من كلام اللى راكباها ......المشكلة الوحيدة فى البنزين......لازم 95.......دا للمتور fsi
بالنسبة لل mpi فا ده ينفع معاه من 90 وانت طالع........بس انا مش متأكد هل الباسات فيها mpi ولا لأ
يا ريت حد يدلنى وينصحنى بما يرضى الله.....عشان انا محتار جدا

**Karim_Monir** · 25-10-2011 02:22 PM

قطع غيار السيفك زي الباسات تقريبا
السيفك اوطي شوية
الباسات روعة فعلا وركوبة حقيقية والموديل بتاع 2006 تقريبا مشاكلة قليلة جدا ومحدش اشتكي غير بعض الاوقات من الفتيس

**Mahmode** · 25-10-2011 08:31 PM

أعتقد والله أعلم إن تكلفة صيانة الباسات أعلى بفرق عن السيفيك واعتماديتها أقل. بس طبعا كفخامة وبرستيج وركوبة مفيش مقارنة. باسات طبعا. أنا لو مكانك أجيب السيفيك. عربية شيك وموتور ممتاز وثبات وقلة أعطال وعيش.

**benmatar** · 26-10-2011 11:36 AM

السلام عليكم
طبعا حضرتك معاك عربية أوروبي ومتعود عليها، والميجان عربية كويسة، فالنصيحة إن حضرتك تركب أوروبي وخليك في الباسات 2006 (في حالة وجود الحالة الجيدة جدا) وده أمر متاح إنك تلاقي باسات فابريقة وكيلومتر قليل أو مناسب وحالتها كويسة، محدش يختلف إن معدلات الأمان في العربيات الأوروبي عالية وفي نفس الوقت قطع غيارها معمرة وبالذات الألماني. الباسات مصنفة على إنها large family car وبالتالي ففيها معدلات أمان عالية ورفاهية هتكون أعلى من السيفيك. أنا مع حضرتك إن بنفس المبلغ ممكن تشتري سيفيك أحدث بس أنا مش ببالغ لو قلت لحضرتك إنك هتستريح في قيادة واقتناء باسات 2006 أكثر من سيفيك 2011. قطع الغيار أغلى شوية بس معمرة أكثر من الياباني بكثير وعن تجربة، وكنت راكب باسات 99 مش هقول لحضرتك على مدى الثبات في الدورانات والمنحنيات والسرعات. المهم ربنا يوفقك وتلاقي باسات بحالة جيدة جداااا وده أمر متاح. وبالنسبة للبنزين حضرتك الباسات 2006 لغاية 2010 طراز اسمه B6 وده محركاته بداية من 1600 4سلندر وحتى 3600 6سلندر واللي موجود في مصر 1600 بنزين وقليل 2000. المحرك 1600 بتكنولوجيا Fuel Stratified Injection وده اللي بيقولو عليه FSI. أما المحرك 2000سي سي فده بتكنولوجيا Turbocharged Direct Injection وده اللي بيقولو عليه TSI وجميع المحركات بتكون بنظام حقن متعدد النقاط واللي اسمه Multi Point Injection ألا وهو MPI. يعني حضرتك راكب رينو ميجان موديل حديث وده غالبا MPI، ومعظم السيارات الحديثة بنظام حقن متعدد النقاط، وبصفة عامة الوقود المستخدم في بلاد بره زي ما بيقولو هو وقود خالي من الرصاص وده ممكن تلاقيه مكتوب على غطاء تانك البنزين من جوه وفي عربيات كتير من أواخر التسعينات.يعني الموديلات دي المفروض أساسا تمشي ببنزين 98 وده أعلى نشبة انضغاط للمحركات عالية انضغاط الاسطوانات ألا وهي محركات TSI. بس طبعا حضرتك عارف إننا مش بندق كتير على الحاجات دي وماشيين بالبركة. بس الموتور TSI فعلا ممكن يتأثر بالبنزين الردئ أو الأقل من 95، أما FSI هيكون خد المناعة وخاصة إن بنزين 95 مكانش مرطرط في مصر سنتها ولا حتى في 2007، آسف للإطالة بس الملخص اشتري باسات 1600 يعني FSI وده عادي بنزين . 92 وبالتوفيق

**yalahwy2010** · 26-10-2011 11:52 AM

المشاركة الأصلية كتبت بواسطة benmatar

السلام عليكم
طبعا حضرتك معاك عربية أوروبي ومتعود عليها، والميجان عربية كويسة، فالنصيحة إن حضرتك تركب أوروبي وخليك في الباسات 2006 (في حالة وجود الحالة الجيدة جدا) وده أمر متاح إنك تلاقي باسات فابريقة وكيلومتر قليل أو مناسب وحالتها كويسة، محدش يختلف إن معدلات الأمان في العربيات الأوروبي عالية وفي نفس الوقت قطع غيارها معمرة وبالذات الألماني. الباسات مصنفة على إنها large family car وبالتالي ففيها معدلات أمان عالية ورفاهية هتكون أعلى من السيفيك. أنا مع حضرتك إن بنفس المبلغ ممكن تشتري سيفيك أحدث بس أنا مش ببالغ لو قلت لحضرتك إنك هتستريح في قيادة واقتناء باسات 2006 أكثر من سيفيك 2011. قطع الغيار أغلى شوية بس معمرة أكثر من الياباني بكثير وعن تجربة، وكنت راكب باسات 99 مش هقول لحضرتك على مدى الثبات في الدورانات والمنحنيات والسرعات. المهم ربنا يوفقك وتلاقي باسات بحالة جيدة جداااا وده أمر متاح. وبالنسبة للبنزين حضرتك الباسات 2006 لغاية 2010 طراز اسمه b6 وده محركاته بداية من 1600 4سلندر وحتى 3600 6سلندر واللي موجود في مصر 1600 بنزين وقليل 2000. المحرك 1600 بتكنولوجيا fuel stratified injection وده اللي بيقولو عليه fsi. أما المحرك 2000سي سي فده بتكنولوجيا turbocharged direct injection وده اللي بيقولو عليه tsi وجميع المحركات بتكون بنظام حقن متعدد النقاط واللي اسمه multi point injection ألا وهو mpi. يعني حضرتك راكب رينو ميجان موديل حديث وده غالبا mpi، ومعظم السيارات الحديثة بنظام حقن متعدد النقاط، وبصفة عامة الوقود المستخدم في بلاد بره زي ما بيقولو هو وقود خالي من الرصاص وده ممكن تلاقيه مكتوب على غطاء تانك البنزين من جوه وفي عربيات كتير من أواخر التسعينات.يعني الموديلات دي المفروض أساسا تمشي ببنزين 98 وده أعلى نشبة انضغاط للمحركات عالية انضغاط الاسطوانات ألا وهي محركات tsi. بس طبعا حضرتك عارف إننا مش بندق كتير على الحاجات دي وماشيين بالبركة. بس الموتور tsi فعلا ممكن يتأثر بالبنزين الردئ أو الأقل من 95، أما fsi هيكون خد المناعة وخاصة إن بنزين 95 مكانش مرطرط في مصر سنتها ولا حتى في 2007، آسف للإطالة بس الملخص اشتري باسات 1600 يعني fsi وده عادي بنزين . 92 وبالتوفيق

ألف شكر يا باشا على الرد الوافى الكامل .......ومعلومات 10\10

**mody3on** · 26-10-2011 11:56 AM

انا رايي تخليك في الزيرو .. وده حسب انت هتدفع كام .. يعني لو 120-130 ممكن تجيب نيسان تيدا ياباني ومش هتحس بفرق كبير .. وممكن كيا كارينز او شيفروليه كروز .. ده حسب ما هتدفعه .. والعربيات دي مفيش عليها اي مشاكل واحسن من المستعمل اكيد

**Mahmode** · 26-10-2011 12:04 PM

المشاركة الأصلية كتبت بواسطة benmatar

قطع الغيار أغلى شوية بس معمرة أكثر من الياباني بكثير وعن تجربة

أنا تجربتي عكس دي خالص. أنا كان معايا بولو 2000 و أبويا معاه لانسر كرستالة وباسوقها كتير. البولو مفيش شهر يعدي على بعضه وما تحتاجش تغير قطعة غيار. غيرتلها بار دريكسيون و بيضة و تيش و طلمبة بنزين وراديتير ومروحة راديتير وموبينة. ده اللي أنا فاكره. وبيعتها بخسارة وهيا عاوز قدهم تاني تغيير (طنابير, قواعد موتور, بوش في الفتيس, كوعة, قربة, الموتور نفسة تعبان نفسيا).

في المقابل خد عندك الكرستالة ما شاء الله, هما زيت وبنزين وكل فين وفين ما تحتاج تغيرلها حاجة تانية. و يوم ما تحتاج تحس إنها بتقولك أنا عاوز كزا بس لو حتضايق بلاش. على عكس البولو اللي بتقول مش متلحلحا من مكاني إلى لما تركبلي كزا. إشمعنا العربيات التانية.

دي تجربتي بحيادية وقد يحدث العكس مع حد تاني. بس بالنسبالي الألماني خلاص خرج من دماغي وحل مكانه الياباني.