الحقونى هاتجنن من الفليشيا

**Subtotal** · 29-10-2011 04:32 PM

[OVERLINE]يا جماعة انا خلاص انا فاد بيه من الفليشيا انا لسه مغير جوان وش السلندر من حوالى شهرين ونص بعد ما الزيت طحن المهم غيرت الجوان وجبته Temco دوبل جوان نضيف اوى وركبتة بدون اى خرط فى وش السلندر لان الميكانبكى قالى الوش مش محتاج اى خراطة وطبعا وجهت مشكلة فى فك المسامير بتاعت الوش وركب وكله تمام بس والميكانيكى قاللى انها هطحن تانى منك وساعتها قالى متخفش غيرت الزيت ومشيت بالعربية بعد اسبوع لقيت الزيت مطحن تانى والعربية بتسخن ودتها للمكانيكى تانى قالى ده طبيعى راح قرط على وش السلندر وظبط التكيهات والعربية مشيت كويس وبعد كده غيرت الزيت يوم 9-10-2011 ببس النهارده 29-10-2011 على الزيت لقيته مطحن مع ان العربية كانت مركونة من يوم الاربعاء بجد مش عارف اعمل اى والعربية حرارتها كويسة جدا ممبتسخنش [/OVERLINE]

**ehab_osman** · 29-10-2011 05:25 PM

""وطبعا وجهت مشكلة فى فك المسامير بتاعت الوش ""

ماذا تقصدر بهذه العبارة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟ قد تكون المشكلة هنا ؟؟؟

؟؟

**Subtotal** · 29-10-2011 05:44 PM

المسامير فكت بلعافية وفى مسمار بوظ مكانة فاضطر يجيب دكر من عند الخراط ويظبط البورمة تانى

**benmatar** · 30-10-2011 10:01 AM

السلام عليكم
طبعا كان لازم حضرتك بعد موضوع الفك ده يكون في خرط لأن محدش يحكم بنظرة العين إنها محتاجه خرط أو لأ!!! والله أعلم، تاني شئ،،، إيه أخبار دورة التبريد عندك بالكامل والترموستات والمروحة؟ وطبعا أكيد مش هقولك على الزيت اللي حضرتك بتستخدمه نوعه إيه لأن أكيد حضرتك عارف أهمية الزيت وجودته، وربنا ييسر الأمر..

**mada3030** · 30-10-2011 11:09 AM

طبعا الوش عاوز خرط انا حصلت معايا قبل كده عملت الوش من غير خرط والجوان ضرب تانى المهم اخرط الوش ولو فى شرخ الخراط هيلحمه وبعد كده هات جوان اصلى او جوانين حسب ما الخراط يطلب وهتلاقيها كويس بس على العموم هيا عربيه منها لله انا زهقت منها

**saint** · 03-11-2011 10:45 AM

طيب انا هاقولك على حاجة تبص عليها وتتأكد بالمرة
بص على طبب المياه اللى فى الوش تحت عمود الكامات
علشان ممكن تكون متاكله ومخرومة خرم صغير ومش بتبان غير لما المياه بتكون مضغوطة وسخنة وبكده بتسرب
وخصوصا انك قلت انها كانت مركونة
يعنى القصة مش سخونة وخرط ...... على العموم مش هاتخسر حاجة انت كده كده هاتفك
على فكرة الاربع طبب بحوالى 5 جنيه
ربنا يوفقك