الموضوع: محتاج معرفة ومساعدة في سنترال حدائق القبة

السلام عليكم ورحمة الله وبركاته

الاخوة الاعزاء، الموضوع وبإختصار اني تابع لسنترال حدائق القبة وقدمت على خط منزلي بس للاسف الشديد كالعادة الخط طلع فايبر مش كيبل نحاسي

قدمت طلب في السنترال وقالولي استنى دورك علشان في حوالي 300 طلب قبلك

دورت على فني الاتصالات الي ماسك المنطقة بتاعتي قالي سيبك من الكلام ده كله كل حاجة بتمشي، انا هعملهولك وهحوله نحاسي بس هاخد منك بعدها 300 جنيه !!!

انا طلبي البسيط هل حد من الاخوة الافاضل هنا يعرف حد في سنترال حدائق القبة او اي حد يعرف ناس او يقدر يوصلني باي شكل لطريقة حل المشكلة دي لأن شغلي واقف وموضوع اليو اس بي موديم ده فاشل لأن الشبكة حواليا عليها ضغط وكل شوية يفصل ومعطل حالي وشغلي

ياريت الي عنده طريقة يقدر يخدمني فيها يفيدني الله يكرمكم حتى لو كان في مبلغ هيتدفع بس مش زي ابو 300 جنيه

جزاكم الله خيرا وشكرا جزيلا لكم