للسادة سكان حدائق القبة , محتاج سمسار او مكتب عقارى

**Ahmed Nouh** · 24-09-2010 05:25 PM

كنت عايز اشوف شقة تمليك فى نطاق شارع مصر والسودان او ولى العهد او الميدان والحقيقة انا مليش خبرة اوى بالمنطقة هناك

ايه رنج الاسعار وهل فى عمارات جديدة ولا كل الموجود حاجات بيبيعها سكان , وهل فى اى نصايح عن المنطقة دى بشكل عام ؟؟

ولو امكن تليفون او عنوان سمسار ثقة حد اتعامل معاه او مكتب عقارى

**محمد محمد** · 24-09-2010 05:35 PM

انت غيرت رأيك ولا ايه؟
ممكن تفتح الأهرام بتاع النهاردة وهتلاقي مكاتب كتيرة منزلة العروض بتاعتها وارقام تليفوناتها.

**Ahmed Nouh** · 24-09-2010 05:46 PM

ابدا انا مازلت عند رأى ان اللى فى ايده يطلع من القاهرة ومازال متمسك بيها خسران كتير , انا جاى لك جاى لك وفى اسوء الاحوال هخلينى زى ما انا فى العاشر

انما دى اهلى محتاجينها , هبص كدا فى الاهرام اشوف

مسيرك تقع فى ايدى تانى لما اجى عندكم :)

**vBulletin** · 24-09-2010 09:17 PM

انا ياباشا من سكان حدايق القبة والمربع الى ساكن فية نضيف وكل الخدمات جنبك مدارس وكل حاجة بس المشكلة المربع بتاعى غالى شوية يعنى مثلا الشقة الى على وجهة العمارة بتعمل 400 والى داخلى بتعمل 300 او 280 حسب المساحة التشطيب الخ
والله انا بقة عكسك كنت بفكر امشى من حدايق القبة لانى زهقت وعايز اغير بس مشكلتى ان فى ناس عندى فى ثانوى والمشكلة التانية اخاف اطلع برة القاهرة لانى مش عارفها كويس عنى لازم يكون معاك عربية والخدمات مش زى هنا والكلام دة كلة يعنى انا مثلا انزل الاقى كل حاجة اما بقة لو روحت برة القاهرة ياترى اية الى هايحصل مع انة اظف بكتير بس والله مش عارف وخلى بالك من السمسارة عشان محدش يستغلك

**Khaled_Nowaihy** · 24-09-2010 09:29 PM

يوجد سمسار اسمه عادل - رقم التليفون : 0121438758
وهو بيقعد على قهوة فى شارع مصر والسودان بحدائق القبة أمام محطة شل
حدائق القبة جميلة ولكنها الآن .............. لاتطااااااااااااااااااااا اااااااق
ربنا يوفقك وتلاقى مكان للعربية

**ashraf_msd** · 25-09-2010 01:45 AM

بص يا ريس في منطقه جديده جدا اسمها تقسيم الجمعيه - أرض النقراشي - قدام المخابرات من الناحيه التانيه مش من ناحية القصر الجمهوري

فيها ابراج تمام ومنطقه هاديه بصراحه انا لما كنت بدور على شقه رحت هناك - وفيها خيارات كتير هتلاقي اللي يناسبك ان شاء الله

الرنج كان تقريبا 300 للمتر مش فاكر قوي الصراحة

انزل خدلك لفه هناك واسأل مباشر احسن من السماسرة

**vBulletin** · 25-09-2010 01:51 AM

المشاركة الأصلية كتبت بواسطة ahmed nouh

والله تجربة السكن برا القاهرة بجد رائعة هتجيب سكن محترم جدا بسعر كويس قوى وهتعيش فى مكان نضيف وفاضى وتقدر تعلم اولادك وتتحرك مع اسرتك بكل حرية وخصوصية عكس القاهرة الخنقة الزحمة

خلى بالك فى المدن الجديدة فى كل حاجة مطاعم ومحلات ومولات واجهزة كهربائية وكله يعنى مش هتحتاج لحاجة من القاهرة غير كل سنه مرة

الحدايق مكان كويس بس فعلا الزحمة هناك بشعة خصوصا المكان اللى انا عايز الشقة فيه بس هو طلب اللى هيقعد فيها , ربنا يستر من السماسرة بقا بس متقلقش ليا خبرة طويلة معاهم :)

شكرا جزيلا يا استاذ خالد على مساعدتك

شكلك مجرب الحدائق :) , ربنا يسهل ويكون فى جراج قريب للعربيات

والله عندك حق انتا تعلا بس يوم واحد واقعد وجرب اول حاجة هاتعملها هاتنزل بسرعة عشان الدنيا متتزحمش ها نزلت ؟. ههههههههههه قابل بقة من عن كوبرى القبة واقف تماما بتاع ساعة لما تخرج منة ساعة مين دى ساعة لو ربنا فكها لكن هيا ممكن تطول وياسلام بقة لو رايح مدينة نصر اكنك رايح جهنم هههههههههههههه عشان انتا بتخرج من زحمة رايح لزحمة اكبر بكتييييييرررررررررررر
وانتا بقة مروح راجع خلاص مش قادر يدوبك عايز تطلع البيت تلاقى مفيش راكنة كلة راكن وتمام التمام ادة هيا الناس دية جت امتة ؟ ههههه ودة غير خنقات الى عايزين يركنوا واللة اكبر غلطة ان اصحاب العماير معملوش جرجات وخلوها ضمن ملكية الشقة لكل واحد
بس لية بس تغير رائيك ياراجل على الاقل كنت شجعت الناس الى عايزة تخرج برة القاهرة انت كدة خوفتهم ياخ احمد