لتر البزين 80 من يناير ب5 جنيه هل ده اكيد؟

**amigooo** · 01-12-2011 04:03 PM

المشاركة الأصلية كتبت بواسطة Elawany13

لو فرضنا ان بنزين 80 هيغلى فى اى وقت
تفتكروا هيسيبوا 90 و 92 بنفس السعر ؟؟؟؟

ايوة ياسيدى ح يسيبوة ... هو يعنى كان عمل اية .. برئ يابية !!!

**aminibrahim** · 01-12-2011 04:28 PM

المشاركة الأصلية كتبت بواسطة kondor

لا تعليق

اى كلام فى اى حتة لتر بنزين ايه الى ب 5 جنية و احتياطى ايه الى حيبقى 10 مليار

القصة مش كده خالص و الكلام ده اى كان مصدرة يا واحد مش فاهم حاجة فى الاقتصاد يا عاوز يعمل بلبلة على الفاضى و معتمد على الناس مش فاهم حاجة.

بعيدا عن الدخول فى توضيحات اقتصادية احب اقولك الكلام ده مش صح متوجعش دماغك:b4_592:

رويترز اخبار لاقتصاد يا صحبي

ادخل عليها

**madaxman** · 01-12-2011 04:32 PM

طيب نقول كلام معقول لو عملو زياده هيتعمل علي ال 90 - 92 بأعتبار ان الناس ال بتحطهم عندهم امكانيه انهم يدفعو اكتر ومحدش ياخد الكلام ع صدره انا بحط 92 يعني معاكم

لكن متجيش زياده علي ال 80 اللي معظم التاكسيات شغاله بيه وبالتالي الأجره هتزيد بأسعار خياليه ومحدش هيركب تاكسيات لو اللتر بقا ب5 جنيه البنزين دلوقتي سلعه اساسيه زيه زي السكر والرز

**kondor** · 01-12-2011 06:08 PM

المشاركة الأصلية كتبت بواسطة aminibrahim

رويترز اخبار لاقتصاد يا صحبي

ادخل عليها

مانا عارف انا قصدى الكلام مش صح انا بقولك اقتصاديا الكلام ده مستحيل الا بقى لو قامت حرب لا قدر الله.
الكلام ده من الناحية الاقتصادية مش مظبوط

**Medicalist** · 01-12-2011 06:10 PM

الحمد لله انى بحط 92 و اهه الواحد ممكن يجيب برميلين تلاته من ال 80 ويخزنهم لاول يناير

**zago** · 01-12-2011 06:15 PM

مستحيل
انسى الهجص ده
ولو اتعمل
فرضا يعني
نص بنزينات مصر حتولع
ونص اللي حيولع انا حولعه لوحدي
:)

**minicooper20** · 01-12-2011 07:04 PM

ههههههههههههههههههههههههه ههههه
دا كان سواقين المكروباص و ال 128 نزلو التحرير

**amado318** · 01-12-2011 07:14 PM

فعلا ايه المشكله ان بنزين 80 يبقه بخمسه تقر يبا كلنا بنستعمل 92 المشكله ان بتوع 80 هيزحمونا فى 92 -بس طبعا الى بيحطوا 95 علشان غالى هيفضوا لينا مكان فى البنزينات علشان همه هيحطوا 80 لانه بقه 5 جنيه يعنى كدة كدة احنا مش هنضر فى شىء

**saadelden** · 01-12-2011 07:46 PM

يا جماعه نحسبها بالعقل

انا مثلا بحط في الاسبوع حوالي 25 لتر بنزين
لو حطيت بنزين 80 هيكلفني 22.5 جنيه
و لو حطيت بنزين 90 هايكلفني 44 جنيه !!

انت دلوقتي بتتكلم مش في حاجه اساسيه في مصر لو غليت البلد هاتولع
زي السولار لو فكرو يغلوه ولو شلن هتلاقي الاجره غليت و النقل غلي و كل حاجه غليت عشان النقل غلي !!

الي ممكن يتعمل ان بنزين 95 يتشال من عليه الدعم
لكن بنزين 80 و 90 بنزين الشعب و المفروض يلغو بنزين 90 كمان و يبقى 80 - 92 - 95 و يزودو الدعم علي بنزين 92
مش كدا ولا ايه ؟

**sakr_skoda** · 01-12-2011 07:51 PM

كلاااااااااااااااام فاضى وشكلك بالموضوع دا تريد نشر فتنة فى البلد حرام عليك اتقى الله فيما تكتب حسبنا الله ونعم الوكيل فيمن لايريد لمصر ان تقوم وتنهض ياريت تنقطنا بسكاتك على فكرة سكاتك خير وافضل من حديثك....*

ويارت السادة الكرام مشرفى تلك المنتدى العريق ان يراقبوا ما يكتب هنا مثل هذه الاخبار يمكن لها ان تنشر فتنة حارقة لا يعلم منتهاها الى اين....
وانا قاصد الكتابه بالحمر للفت نظر مدير المنتدى والمشرفين....*

اللون الاحمر مخصص للمداخلات الاداريه فقط
يرجي مراجعه قوانين المنتدي

2.00ص
2/12/2011

لقد حصلت علي انذار مع وقف اسبوع لمخالفه القاعده 13 من قواعد المنتدي
يرجي مراجعه قوانين المنتدي

4.46م
2/12/2011

م.ع12