الموضوع: الدنيا اكيد اكيد لسة بخير ..... مش كدة ولا ايه ؟

donzi .. donzi

مواقف إجابية ...
إستني كده يمكن أفتكر......

أه

واحد داخل عليا من نص ساعة
بيقولي
""انبي ياكابتن ..نص شيط طمول""
شوفتي الدنيا لسه بخير إزاي!!!

في الفترة الاخيرة بعد الحادثة بتاعتي فضلت امشي بعكاز لفترة بخرج و بمشي عادي بس بالعكاز

مش قادرة اقولوكو مدى الاحترام اللي في الشارع بجد لما كنت باجي اعدي كانت كل العربيات بجد كلها - ملاكي ميكروباص اتوبيس و حتى الكارو - كانو بيقفو من نفسهم لحد ما اعدي و يا سلام بقى و انا بعدي شارع فيه عسكري مرور او امين شرطة كانو بيقفلو الاشارة او بيوقفولي الشارع في الاتجاهين لحد ما اعدي وانا ابقى مستمتعة اوييييييييييييييييييي

اي نعم بعد ما سبت العكاز رجع الوضع لما كان عليه - تقليب نور و اللي ايدو على الكلاكس مايشلهاش و اللي يسمعني كلمتين عشان بعدي براحة اوي ي ي - بس برضو احترام المريض و مراعاته في الشارع حاجة كويسة

.

المشاركة الأصلية كتبت بواسطة a7med_pharma

أنا لما حكيت عن مواقفي مع الناس
ناس هنا في المنتدى ...إتهمتني إني[overline] مدعي الفضيلة[/overline]

بإختصار
أنا سهران طول الليل في الصيدلية في مكان صعب تلاقي فيه حد من الأطباء بالليل
يعني وجودي بالليل
بيخليني أخدم كتير

أكتر من مرة أقفل صيدليتي وأطلع أعلق محاليل للناس في بيوتها
أو أدي حقن للناس
لوجه الله ..بدون مقابل مادي والله
حتى مرة فيهم..كان ممكن أموت بسببها
أنا بحب أخدم على أد ماقدر...لكن للأسف يادونزي
المقابل بيكون سوء النية
وبيكون ظلم عليا


والحمد لله

ولا يهمك من الناس سيئي النية انت بتعمل الخير ابتغاء وجه الله تعالى و ربنا اللي هايجزيك و يثيبك عن الخير دة مش الناس


.