الموضوع: استفسار عن الفيات الماريا

اللى اعرفه ان السيينا قطع غيارها اكتر حاجه سهله ومتوفره فى ال 3 عربيات دول والصيانه برضه حتبقى اسهل

لكن العربيتين التانين معرفش عنهم حاجه غير شكلهم لانهم مش منتشرين البرافا دى انا بشوفها مره او مرتين فى السنه هنا فى اسكندريه

طب هو ليه مفكرش فى التمبرا حيلاقى فيها اكتر اللى هو عاوزه من ثبات وواسعه وتوافر قطع غيار وفيه منها موديلات 97 و99 بس حتبقى مصرى مش ايطالى الايطالى اللى حيلاقيها اعلى موديل موجود هنا 94
والسيينا برضه مصرى مش ايطالى

نسيت اقولك ان لو لقيت سيينا 1600 حتبقى اريح فى القياده وتسارع وسحب افضل من ال 1400 وحتبقى ثابته عن ال 1400 لانها بتنزل بجنوط 14

لكن ال 1400 افضل فى انتشارها والصنايعيه بيعرفو يشتغلو فيها اكتر وكمان موتورها هو هو ال 1400 بتاع الشاهين فهى مشتركه معاه فى نفس قطع الغيار

فكر فى السيينا او التمبرا بس التمبرا حتتعب جدا جدا عشان تلاقى واحده حاله نضيفه

Bravaaaaaaaaa عشق فعلا .... One of the best FIATs ever made
لو وصلت لحد بيبيع قطع غيارها و متوفرة و سعرها في متناول ايدك ... ما تترددش لحظة انك تجيبها ... العربية دي منتشرة في المانيا جدا و اللي بيجيبها ما بيبيعهاش , بيعدّل فيها بس عشان هي عربية تحفة فعلا من أول متعة القيادة لحد الثبات والشكل و كله و ال1600 بتاعها قليل الأدب بس هو موديل 97 و 98 بس في مصر ... ال 2000 لحد 2003 أو 2004 حاتلاقيهم 1242 سي سي بس برده ما زالت من أفضل ما انتجت فيات فعلا و بشهادة الملاك ...