استفسار من اهل خبرة الفيات؟؟

**mana9wafaie** · 17-05-2008 08:14 PM

السلام عليكم يا احلى رجاله فى الدنيا..
انا عارف ان الكل مشغول اليومين دول بس انا مش هطول عليكم انا كنت عايز اسال عن الريشات اللى بتحرك الهواء بتاع التكيف بتاعت السينا انا الصراحة معرفش اسمها الدارج اية بس انتو اكيد عرفتوها اللى هى بتغير مسار الهوا يمين وشمال وكدة المهم دى بقى اتكسرت عندى وبقيت ثابتة فى نحية واحدة والمشكلة ان ثلاثة اتكسروا ومش عارف بيتباعو ولا لا لان كدة التكييف ملوش لازمة لان الهواء مش متوجة صح على اللى قاعدين..؟؟
فهل دى بتتباع؟؟لو بتتباع طيب فين وبكام واسمها اية عشان الاحراج
وفى حاجة تانية معلش اناا طولت عليكم انا عندى الباب اللى خلف السواق الجلدة اللى بتقفل الباب وقعت بسسب ان الكلبسات اللى مسكاها اتكسرت فهل الكلبسات دى بتتباع لانى سالت عند كام واحد قالولى معندهومش...؟
والف شكر يا رجاله على تعبكم معايا على فكرة انا عربيتى سيينا موديل 2002
السلام عليكم ورحمة الله

**mana9wafaie** · 18-05-2008 04:21 AM

محدش هيقدر يساعدنى يا رجاله ؟؟؟؟

**muslem** · 18-05-2008 04:38 AM

والله انا مش عارف خالص عنها حاجة
بس ممكن افيدك ال125 ما هى برضوة فيات :d

**hazem_khidr** · 18-05-2008 06:08 AM

اهلا و سهلا بيك اخي الحبيب
اللي بتسال عليها اسمها هوايه :)
و دي ريش الهوايه اللي اتكسرت لكن للاسف مش حتلاقي منها جديد و لا حتي مستعمل:(
لان اللي بيبيع مستعمل حيبيع التابلوه كله علي بعضه مش حيرضي يبيع قطاعي
بس برضه للمحاوله
اسأل عند بتوع قطع غيار الفيات الجديد لو ما لقيتش و دا احتمال كبير
روح لتجار الاستعمال و خد ارقام تليفوناتهم ممكن يكون عندهم واحد بيبيعو منه قطاعي او حاجه.
و اسأل علي اللي بيبيعوا مخلفات شركات التامين ممكن برضه يبقي عندهم بس برضه صعب لكن نحاول .
بالنسبه للكليبسات شوف اي كليبس في السوق يركب عليها مش شرط الكليبس الاصلي

**Mostafa** · 18-05-2008 09:35 AM

صعب قوى موضوع الكلبسات يا باشا... فى احدى سييناتى القديمه كانت اتكسرت برضه ودخت عليها التسع دوخات ملقتهاش ... فى الاخر لزقتها بسيليكون زجاج

الهوايه دور عليها عند بتوع الاستيراد فى الحرفيين , ممكن تلاقى حد يبيعهالك لوحدها

**mana9wafaie** · 18-05-2008 11:51 AM

الف الف شكر يا رجاله انا والله تاعبكو معايا..
انا خلاص عرفت انو صعب انى القيهم وانا فعلا يا مصطفى دوخت عليهم ملقتهمش ولازق الجلدة بالكولة :embarrassed2: هو دة عيب العربيات اللى مش منتشرة
الف شكر يا رجاله على تعبكم معايا والف شكر يا حازم ومصطفى ومسلم
سلام يا رجاله

**mo3tazelgamal** · 18-05-2008 08:48 PM

أنا ححاول أقولك على تجربتى يمكن تفيدك خصوصا فى موضوع كسر هوايه التكييف
فى عربيتى السيينا قبل ما أبيعها أتكسرت فعلا إحدى هوايات التكييف فقمت بفكها عن طريق دخال مفك عادة طويل (لازم دخل حوالى 3سم ) ما بين الهوايه والتابلوة وسنه سنه ر تطلعها ولو بصيت عليها حتلاقى كل الربش مثبته عن طريق guide ليهم وبعدين فى أخر guide حتلاقى pin صغيرة تبات فى الجسم البلاستيك للهوايه
أنا كان عندى الpin أتكسر جبت مسمار صغير بصموله (من بتوع الكارتات الكهربيه) وثبتها بيه وبقت أجمد من الأول ولو أن الguide هو إللى أكسر حاول تصنع زيه أو الجماعه بتوع لحام الفيبر ممكن يتصرفوا فيه
أما بالنسبه للجلدة إللى بتقفل الباب فيا ريت توضيح أكتر علشان أنا مش فاهم يعنى إيه الجلدة إللى بتقفل الباب

**mana9wafaie** · 18-05-2008 09:03 PM

الف شكر يا معتز باشا فعلا انا هجرب طرقتك يا حبى واقلك..
الجلدة اللى انا اقصدها اللى هيا الباب بيريح عليها عشان الصاج بتاع الباب ميقفلش على صاج العربية فهى دى بتكون فى النص بينهم ولازم اى عربية يكون فيها الجلدة دى
والف شكر يا باشا

**zeyad1810** · 19-05-2008 01:11 PM

فعلا انت تحاول مع بتوع الفيبر يشوفولك حل ليها

**mo3tazelgamal** · 19-05-2008 07:37 PM

ممكن تشوف الجلدة دى عند بتوع الأستعمال أو تشوف لو فيه حاجه جديدة ممكن تركب عليها

الموضوع: استفسار من اهل خبرة الفيات؟؟

LinkBack

أدوات الموضوع

عرض

-

-

-

المواضيع المتشابهه

استفسار من خبرة الاعضاء اصحاب الجولف

استفسار من خبرة الاعضاء اصحاب الجولف

استفسار من اهل خبرة قسم الصوتيات برجاء الافادة

استفسار ضرورى لكل من لديه خبرة

استفسار عن الفيات البونتو

الكلمات الدلالية لهذا الموضوع

المفضلات

المفضلات

ضوابط المشاركة