أوبترا ولا نيو أكسنت؟ وفيه حاجة غيرهم؟

**crayvor** · 16-12-2011 05:51 PM

السلام عليكم..
أنا كنت عاوز حاجة في حدود 50 ألف.. بس الفلوس زادت شوية فا قلت أعلي بالسعر حبتين. حاليا معايا 70 باكو ودا تقريبا أقصي حاجة أقدر أوصلها في الوقت الحالي.. العربية اللي فاتت معايا كانت لانوس فا مش منطقي اني أجيب أي حاجة تانية في نفس الشريحة.. من الآخر عاوز أطلع شوية.

المقارنة حاليا بين اتنين.. نيو أكسنت وأوبترا الاتنين استعمال جميع كماليات مانوال..
عاوز عرف مين فيهم أحسن.. أو بالأصح مين فيهم قيمتها فعلا في الفلوس اللي حاتدفع فيها؟ وهل الأوبترا تستاهل فعلا فرق السعر بينها وبين النيو أكسنت؟ وبعيدا عن اللانسر والصني (اللانسر زهقت منها والصني تجميع مصري) فيه حاجة تانية ممكن حد يرشحهالي؟

سؤال كمان.. أنا سمعت عن مشاكل كتير ووجع دماغ ف الاوبترا.. هل الكلام ده صح؟ أخويا جايب أفيو اوتو من رمضان اللي فات ماظهرش فيها أي مشكلة من اللي بيقولو عليهم فا بصراحة مابقيتش مصدق كل كلمة واحد يقولها علي الافيو والاوبترا بالذات.

**shaddadfalcon1** · 16-12-2011 06:06 PM

انا نفس حوارك بالمللي وعايز اعرف عشان هبيع قريب اللانوس اللي معايا وهحاول اوصل المبلغ 70 برده

بس كنت بفكر كمان في الألنترا الشكل القديم اللي هو قبل النيو النترا علي طول بيتهيالي برده في نفس الرينج صح ولا ايه؟

انا عن نفسي مش حابب الأكسنت قوي وبحس ان الأوبترا احسن منها بس بحس برده ان الألنترا اشد منهم كلهم وشكلها جامد موت خصوصا الاسود فيها واي تعديلات فيها بتخليها تحفه

**mody3on** · 16-12-2011 06:18 PM

لو عاوز رايي ممكن تطلع فئة كمان وتجيب النترا في حدود 75 الف جنيه

**medododo** · 16-12-2011 06:33 PM

إبعد عن غبور ابعد عن منصور

**shaddadfalcon1** · 16-12-2011 07:35 PM

احنا بنتكلم علي مستعمل وبالتالي ملناش دعوه بالتوكيل وبيتهيالي العربيات دي كلها الميكانيكه يفهمو فيها وقطع غيارها متوفره

بالنسبه للألنترا اسعارها ايه؟ يعني لو حاجه ماشيه 50 الف موديل 2008 مثلا او اعلي شويه تعمل كام؟ وهي سعرها الجديده كام اصلا ؟

**M.Alaa92** · 16-12-2011 08:36 PM

ممكن تخش على اوكتافيا a4 او اوبل

**shaddadfalcon1** · 16-12-2011 08:46 PM

المشاركة الأصلية كتبت بواسطة m.alaa92

ممكن تخش على اوكتافيا a4 او اوبل

موديلات ايه وحالتهم وسعرهم هيبقي عامل ازاي ؟ وقطع الغيار والأنتشار طبعا

**M.Alaa92** · 16-12-2011 08:59 PM

الاوكتافيا من 99-2004

و الحالة ممتازة و قطع الغيار منتشرة ( ميكانيكيا موتور الاوكتافيا a4 و a5 واحد ) و كمان ال a4 كانت بتنزل لغاية 2009 تقريبا

**crayvor** · 16-12-2011 11:32 PM

المشاركة الأصلية كتبت بواسطة shaddadfalcon1

انا نفس حوارك بالمللي وعايز اعرف عشان هبيع قريب اللانوس اللي معايا وهحاول اوصل المبلغ 70 برده

بس كنت بفكر كمان في الألنترا الشكل القديم اللي هو قبل النيو النترا علي طول بيتهيالي برده في نفس الرينج صح ولا ايه؟

انا عن نفسي مش حابب الأكسنت قوي وبحس ان الأوبترا احسن منها بس بحس برده ان الألنترا اشد منهم كلهم وشكلها جامد موت خصوصا الاسود فيها واي تعديلات فيها بتخليها تحفه

مش عارف بس الالنترا مش عاجبني شكلها أوي.. حاسس كدة زي ما تكون ورق.. وبعدين أنا باركن العربية ف أماكن عجيبة والجراج عندي مش بنظام باكيات فا عربية من غير جرايد حايحصل فيها حاجات وحشة.

المشاركة الأصلية كتبت بواسطة mody3on

لو عاوز رايي ممكن تطلع فئة كمان وتجيب النترا في حدود 75 الف جنيه

مش حاسس ان فرق السعر حايديني فرق الامكانيات بصراحة.

المشاركة الأصلية كتبت بواسطة medododo

إبعد عن غبور ابعد عن منصور

ماينفعش طبعا.. كل مرة ألف ألف وارجعلهم تاني..

المشاركة الأصلية كتبت بواسطة M.Alaa92

ممكن تخش على اوكتافيا a4 او اوبل

الاوكتافيا ال a4 شكلها قدم أوي والتابلوه بتاعها تحس انه فاضي.. والأوبل مافيهوش حاجة ف النص.. يا اما فيكترا بي في الخمسينات أو فيكترا سي في نص التمانينات