السلام عليكم
بالنسبة لأي محرك في الدنيا بيكون ليه قدرة أو قوة معينة (power) ودي بتتقاس بالكيلو وات ساعة KW أو بالحصان HP، والسعة اللترية هي حجم اسطوانة الاحتراق الداخلي (السلندر)، والمثال هو سكودا فيليشيا موتور 1300 يعني 1300 سنتيمتر مكعب أو 1.3 لتر وهو ده السعة اللترية، والقوة هي 43 كيلووات يعني ما يساوي 57.6 حصان، الكيلووات ساعة عشان تحوله لحصان تضرب في 1.34 تقريبا.
السعة اللترية والقوة لاعلاقة بينهما تقريبا. يعني موتور 1300 ممكن يديلك 50 حصان وموتور تاني ممكن يديلك 60 حصان وده بسبب عوامل تانية زي أقطار تروس الفيتيس، ونظام الحقن، ونوع الوقود، وتصميم المحرك، وعدد الاسطوانات وأبعادها... إلخ.
نرجع لموضوعنا وآسف للإطالة بالنسبة لموتور الفيليشيا الموجود عندنا هنا في مصر فمعظمه 1300 4سلندر وحقن عادي كربراتير ووقود بنزين وقوته 43كيلووات ساعة يعني حوالي 57 حصان. في من الفيليشيا مواتير 1600 حقن الكتروني ودي بتكون 75حصان، وفي مواتير 1900ديزل ودي بتكون 64 حصان. أتمنى أكون أفدتك
المفضلات